ନୂଆଦିଲ୍ଲୀ: କେନ୍ଦ୍ର ସଡକ ପରିବହନ ମନ୍ତ୍ରୀ ନିତିନ ଗଡକରୀ ବର୍ତ୍ତମାନର ଟୋଲ ସିଷ୍ଟମକୁ ବାତିଲ କରି ଏକ ବଡ଼ ନିଷ୍ପତ୍ତି ନେଇଛନ୍ତି ଏବଂ ଉପଗ୍ରହ ଆଧାରିତ ଟୋଲ ସଂଗ୍ରହ ବା ସାଟେଲାଇଟ ବେଷ୍ଟ ଟୋଲ କଲେକସନ ବ୍ୟବସ୍ଥା କାର୍ଯ୍ୟକାରୀ କରିବାକୁ ଘୋଷଣା କରିଛନ୍ତି । ଏନେଇ ଆଜି (ଶୁକ୍ରବାର) ସେ କହିଛନ୍ତି ଯେ ସରକାର ଟୋଲ୍ବାତିଲ କରୁଛନ୍ତି ଏବଂ ଖୁବ୍ ଶୀଘ୍ର ଉପଗ୍ରହ ଆଧାରିତ ଟୋଲ୍ ସଂଗ୍ରହ ବ୍ୟବସ୍ଥା ଆରମ୍ଭ କରିବାକୁ ଯାଉଛନ୍ତି । ଏହି ସିଷ୍ଟମ ଲାଗୁ କରିବା ପଛରେ ଲକ୍ଷ୍ୟ ହେଉଛି ଟୋଲ ସଂଗ୍ରହ ବୃଦ୍ଧି କରିବା ଏବଂ ଟୋଲ ପ୍ଲାଜାରେ ଭିଡ଼ କମାଇବା । ଏବେ ଆସନ୍ତୁ ଜାଣିବା ଏହି ଉପଗ୍ରହ ଭିତ୍ତିକ ଟୋଲ ସଂଗ୍ରହ ବ୍ୟବସ୍ଥା କ’ଣ ଏବଂ ଏହାର ଲାଭ କ’ଣ ହେବ ?

ଉପଗ୍ରହ ଭିତ୍ତିକ ଟୋଲ ସିଷ୍ଟମ ପାଇଁ ସରକାର ଜିଏନଏସଏସ (GNSS) ଆଧାରିତ ଟୋଲିଂ ସିଷ୍ଟମ ବ୍ୟବହାର କରିବେ ଯାହାକି ବର୍ତ୍ତମାନ ଇଲେକ୍ଟ୍ରୋନିକ ଟୋଲ ସଂଗ୍ରହ ସିଷ୍ଟମକୁ ବଦଳାଇବ । ସୂଚନାଥାଉକି, ବର୍ତ୍ତମାନର ସିଷ୍ଟମ୍ RFID ଟ୍ୟାଗ ଗୁଡ଼ିକରେ କାମ କରେ ଯାହା ସ୍ୱୟଂଚାଳିତ ଭାବରେ ଟୋଲ୍ ସଂଗ୍ରହ କରେ । ଅନ୍ୟପକ୍ଷରେ, GNSS ଆଧାରିତ ଟୋଲିଂ ସିଷ୍ଟମରେ ଭର୍ଚୁଆଲ୍ ଟୋଲ୍ ରହିବ । ଏହାର ଅର୍ଥ ଟୋଲ୍ ଉପସ୍ଥିତ ରହିବ, କିନ୍ତୁ ଆପଣ ସେଗୁଡିକ ଆପଣଙ୍କ ସାମ୍ନାକୁ ଆସିବ ନାହିଁ। ଏଥିପାଇଁ ଭର୍ଚୁଆଲ୍ ଗାଣ୍ଟ୍ରିଜ ଇନଷ୍ଟଲ କରାଯିବ । ଯାହା GNSS ସକ୍ଷମ ଯାନ ସହିତ ସଂଯୁକ୍ତ ହେବ । 

ଏହି ସମୟ ମଧ୍ୟରେ, ଯଦି ଆପଣ ଏହି ଭର୍ଚୁଆଲ୍ ଟୋଲ୍ ଦେଇ ଯାଆନ୍ତି, ତେବେ ବ୍ୟବହାରକାରୀଙ୍କ ଆକାଉଣ୍ଟରୁ ଟଙ୍କା କଟାଯିବ। ଭାରତର ନିଜସ୍ୱ ନାଭିଗେସନ୍ ସିଷ୍ଟମ୍ GAGAN ଏବଂ NavIC ଅଛି । ସେମାନଙ୍କ ସାହାଯ୍ୟରେ ଯାନଗୁଡ଼ିକୁ ଟ୍ରାକ୍ କରିବା ସହଜ ହେବ । ଏହା ସହିତ, ବ୍ୟବହାରକାରୀଙ୍କ ତଥ୍ୟ ମଧ୍ୟ ସୁରକ୍ଷିତ ରହିବ । 

ଏହି ବ୍ୟବସ୍ଥା ବର୍ତ୍ତମାନ ଭାରତରେ କାର୍ଯ୍ୟକାରୀ ହେବାକୁ ଯାଉଛି, କିନ୍ତୁ ପାଞ୍ଚଟି ଦେଶ ଏହାକୁ ବ୍ୟବହାର କରିସାରିଛନ୍ତି। ସେହି ଦେଶ ଗୁଡ଼ିକରେ ଜର୍ମାନୀ, ହଙ୍ଗେରୀ, ବୁଲଗେରିଆ, ବେଲଜିୟମ ଏବଂ ଚେକ୍ ରିପବ୍ଲିକ୍ ଭଳି ଦେଶର ନାମ ଅନ୍ତର୍ଭୁକ୍ତ ।