ଇମ୍ଫାଲ,୦୭/୦୯: ଅଶାନ୍ତ ମଣିପୁର ଏବେ ଅଣାୟତ ସ୍ଥିତିରେ । ଶୁକ୍ରବାର ଠାରୁ ଆରମ୍ଭ ହୋଇଥିବା ହିଂସା ଶନିବାର ଏକ ବଡ଼ ରୁପ ଧାରଣ କରିଛି। ମଣିଷପଣିଆର ମୃତ୍ୟୁ ଏଠି ବର୍ବରତାର ନକ୍ସା ଆଙ୍କିଛି। ବଳିପଡ଼ୁଛି ନୀରିହ ଜୀବନ... କୁହାଯାଉଛି ଯେ ହିଂସା ସମୟରେ ମୈତେଇ ସମ୍ପ୍ରଦାୟର ଜଣେ ବୟସ୍କଙ୍କୁ ହତ୍ୟା କରାଯାଇଥିଲା। ଏହି ଘଟଣାର ଜବାବରେ ଜିରିବାମ ଜିଲ୍ଲାରେ ୪ ଜଣ କୁକି ଆତଙ୍କବାଦୀଙ୍କୁ ହତ୍ୟା କରାଯାଇଛି। ହିଂସା ପରେ ମଣିପୁର ମୁଖ୍ୟମନ୍ତ୍ରୀ ଏନ୍ ବିରେନ ସିଂ ଶନିବାର ଜରୁରୀକାଳୀନ କ୍ୟାବିନେଟ ବୈଠକ ଡାକିଛନ୍ତି। ସୁରକ୍ଷା ସୂତ୍ର ଅନୁଯାୟୀ ଏହି ଘଟଣାରେ ଅନେକ ଲୋକ ଆହତ ହୋଇଛନ୍ତି ଏବଂ ମୃତ୍ୟୁ ସଂଖ୍ୟା ବଢ଼ିପାରେ ବୋଲି ଆଶଙ୍କା ରହିଛି। ଏହାପୂର୍ବରୁ ଶୁକ୍ରବାର ଦିନ ସନ୍ଦିଗ୍ଧ ମାଓବାଦୀମାନେ ମଣିପୁରର ପ୍ରଥମ ମୁଖ୍ୟମନ୍ତ୍ରୀ ମରେମ୍ବମ୍ କୋଇରେଙ୍ଗଙ୍କ ଘର ଉପରକୁ ରକେଟ୍ ଆକ୍ରମଣ କରିଥିଲେ। ଜଣଙ୍କର ମୃତ୍ୟୁ ଘଟିଥିବା ବେଳେ ୬ ଜଣ ଏହି ଆକ୍ରମଣରେ ଆହତ ହୋଇଥିଲେ। ଏହାର ଜବାବରେ ସୁରକ୍ଷା ବାହିନୀ ପଡୋଶୀ ଜିଲ୍ଲା ଚୁରାଚାନ୍ଦପୁରର ତିନୋଟି ବଙ୍କରକୁ ନଷ୍ଟ କରିବା ସହିତ ସାମରିକ ହେଲିକପ୍ଟର ସାହାଯ୍ୟରେ ଏୟାର ପାଟ୍ରୋଲିଂ କରିଛି।
ସାର୍ବଜନୀନ ଜରୁରୀକାଳୀନ ପରିସ୍ଥିତି ଘୋଷଣା:
ମଣିପୁର ଅଖଣ୍ଡତା ଉପରେ ସମନ୍ୱୟ କମିଟି (କୋକୋମି) କୁକି ଆକ୍ରମଣର ବୃଦ୍ଧି ଅଭିଯୋଗରେ ଅନିର୍ଦ୍ଦିଷ୍ଟ କାଳ ପାଇଁ ଜରୁରୀକାଳୀନ ପରିସ୍ଥିତି ଘୋଷଣା କରିଛି। କୋକୋମି ମୁଖପାତ୍ର ଖୁରାଇଜାମ ଆଟୋବା କହିଛନ୍ତି ଯେ କୁକି ଅସନ୍ତୋଷ ଦ୍ୱିଗୁଣିତ ହୋଇଛି। ଗତ କିଛି ଦିନ ହେବ ଇମ୍ଫାଲ ୱେଷ୍ଟରେ ଡ୍ରୋନ୍ ବୋମା ବିସ୍ଫୋରଣର ଅନେକ ଘଟଣା ଘଟିଛି। ଅନେକ ଲୋକଙ୍କର ମୃତ୍ୟୁ ଘଟିଥିବା ବେଳେ ଅନେକ ଲୋକ ଆହତ ହୋଇଛନ୍ତି। ଆଜି ପୁଣି ଦୁଇଟି କ୍ଷେପଣାସ୍ତ୍ର ଆକ୍ରମଣ ହୋଇଛି। ପ୍ରାୟ ୭ କିଲୋମିଟର ଦୂରରୁ ଏମାନଙ୍କୁ ଟାର୍ଗେଟ କରାଯାଇଥିଲା। ଚିନ୍-କୁକି ନାର୍କୋ-ଆତଙ୍କବାଦୀ ଗୋଷ୍ଠୀ ଦ୍ୱାରା ଆଖପାଖ ପାହାଡ଼ିଆ ଅଞ୍ଚଳରେ ଆଶ୍ରୟ ନେଇଥିବା ଏହା ସବୁଠାରୁ ମାରାତ୍ମକ ଆକ୍ରମଣ ବୋଲି କୁାହାଯାଏ।
ଡ୍ରୋନ୍ ଦ୍ବାରା ବୋମା ବିସ୍ଫୋରଣରେ ବୃଦ୍ଧି:
ସେ ଆହୁରି ମଧ୍ୟ କହିଛନ୍ତି ଯେ, କୁକି ଅସନ୍ତୋଷ ବଢ଼ିବାରେ ଲାଗିଛି। ଗତ କିଛି ଦିନ ହେବ ଡ୍ରୋନ୍ ଦ୍ବାରା ବୋମା ବିସ୍ଫୋରଣ ଘଟଣା ବଢ଼ିଛି। ଆଜି ଦୁଇଟି କ୍ଷେପଣାସ୍ତ୍ର ଆକ୍ରମଣ ହୋଇଛି। ଏହା ମଣିପୁରର ପ୍ରଥମ ମୁଖ୍ୟମନ୍ତ୍ରୀ ମରେମ୍ବମ୍ କୋଇରେଙ୍ଗ ସିଂଙ୍କ ଘରର ଜାଗାକୁ ଟାର୍ଗେଟ କରାଯାଇଥିଲା। ଏହି ଆକ୍ରମଣରେ ତାଙ୍କର ଅନେକ କିଛି କ୍ଷୟକ୍ଷତି ହୋଇଛି। ପରିସ୍ଥିତି ନିୟନ୍ତ୍ରଣ ବାହାରେ ରହିଥିବା ବିଶେଷ ସୂତ୍ରରୁ ଖବର ମିଳିଛି।