ନୂଆଦିଲ୍ଲୀ : ବିବାଦୀୟ ଟ୍ରେନି ଆଇଏଏସ୍ ପୂଜା ଖେଡକରଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ। କେନ୍ଦ୍ର ସରକାର ଆଇଏଏସ୍ (ପ୍ରୋବେସନ) ନିୟମ୧୯୫୪ର ନିୟମ ୧୨ ଅନ୍ତର୍ଗତ, ପୂଜା ଖେଡକରଙ୍କୁ ତତ୍କାଳ ପ୍ରଭାବରେ ଭାରତୀୟ ପ୍ରଶାସନିକ ସେବା (ଆଇଏଏସ)ରୁ ବାହାର କରି ଦେଇଛନ୍ତି। ସରକାର ୟୁପିଏସସି ପରୀକ୍ଷାରେ ଓବିସି ଓ ଦିବ୍ୟାଙ୍ଗତା କୋଟାର ଦୁରୁପଯୋଗ କରିବା ଅଭିଯୋଗରେ ପୂଜାଙ୍କ ବିରୋଧରେ କାର୍ଯ୍ୟାନୁଷ୍ଠାନ ନେଇଛନ୍ତି। ଏହା ପୂର୍ବରୁ କେନ୍ଦ୍ର ଲୋକ ସେବା ଆୟୋଗ (ୟୁପିଏସସି) ୩୧ ଜୁଲାଇରେ ତାଙ୍କର ପ୍ରାର୍ଥୀତ୍ୱକୁ ରଦ୍ଦ କରି ଦେଇ ଥିଲେ। ଏହା ସହ ଭବିଷ୍ୟତର ପରୀକ୍ଷା ଗୁଡ଼ିକରୁ ମଧ୍ୟ ହଟେଇ ଦେଇ ଥିଲେ।
ପୂଜା ଖେଡକର ୨୦୨୦-୨୧ ରେ ଓବିସି କୋଟା ଅନୁସାରେ ‘ପୂଜା ଦିଲପରାଓ ଖେଡକର’ ନାମରେ ପରୀକ୍ଷା ଦେଇ ଥିଲେ। ୨୦୨୧-୨୨ରେ ସବୁ ପ୍ରୟାସକୁ ପୂରା କରିବା ପରେ ପୂଜା ଓବିସି ଓ ପିଡବ୍ଲ୍ୟୁବିଡି( ଦିବ୍ୟାଙ୍ଗ ବ୍ୟକ୍ତି) କୋଟା ଅନୁସାରେ ପରୀକ୍ଷାରେ ସାମିଲ ହୋଇଥିଲେ। ସେତେବେଳେ ସେ ପୂଜା ମନୋରମା ଦିଲୀପ ଖେଡକର ନାଁ ବ୍ୟବହାର କରି ଥିଲେ। ପୂଜା ଅଲ୍ ଇଣ୍ଡିଆ ସ୍ତରରେ ୮୨୧ରାଙ୍କ୍ ହାସଲ କରିଥିଲେ।
ତାଙ୍କର ପ୍ରାର୍ଥୀତ୍ୱ ପ୍ରମାଣର ସ୍ପଷ୍ଟ ପାଇଁ ୧୧ ଜୁଲାଇରେ ଏକ ଏକକ ସଦସ୍ୟ ବିଶିଷ୍ଟ ସମିତି ଗଠନ କରାଯାଇ ଥିଲା ଏବଂ ୨୪ ଜୁଲାଇର ଏକ ରିପୋର୍ଟ ପ୍ରସ୍ତୁତ କରାଯାଇ ଥିଲା। କମିଟିର ରିପୋର୍ଟକୁ ଧ୍ୟାନରେ ରଖି ସରକାର ଆଇଏଏସ୍ (ପ୍ରୋବେସନ ) ନିୟମ ୧୨ର ପ୍ରାବଧାନ ଅନୁସାରେ ଏକ ଯାଞ୍ଚ କରି ଥିଲେ।
ଏମିତି ଜଣାପଡ଼ିଛି କି , ପୂଜା ଖେଡକର ୨୦୧୨ ରୁ ୨୦୨୩ ମଧ୍ୟରେ ସିଭିଲ ସର୍ଭିସେସ୍ ପରୀକ୍ଷା (ସିଏସଇ) ପାଇଁ ଆବେଦନ କରିଥିଲେ ଏବଂ ପରୀକ୍ଷାରେ ସାମିଲ ହୋଇ ଥିଲେ। ସିଏସଇ-୨୦୧୨ ଓ ସିଏସଇ-୨୦୨୩ ମଧ୍ୟରେ ପୂଜା ଖେଡକର ଆବେଦନ ପତ୍ରରେ ଯେଉଁ ସୂଚନା ଦେଇଛନ୍ତି , ସେହି ଅନୁସାରେ, ଏହା ଜଣାପଡ଼ିଛି ଯେ , ପୂଜା ଓବିସି ଓ ଦିବ୍ୟାଙ୍ଗତା କୋଟା ଅନୁସାରେ ମିଳୁଥିବା ସର୍ବାଧିକ ୯ଟି ପ୍ରୟାସ ତୁଳନାରେ ଅଧିକ ପ୍ରୟାସ କରିଥିଲେ। ନିଜର ଦାବି କରାଯାଇ ଥିବା ଶ୍ରେଣୀ (ଓବିସି ଓ ପିଡବ୍ଲ୍ୟୁବିଡି)ରେ ସର୍ବାଧିକ ଅନୁମେୟ ୯ଟି ପ୍ରୟାସ ତୁଳନାରେ ସିଭିଲ ସେବା ପରୀକ୍ଷାରେ ଅଧିକ ପ୍ରୟାସ କରିଥିଲେ, ସୂଚନା ଯେ , ସେ ୨୦୧୨ ଓ ୨୦୨୦ ମଧ୍ୟରେ ଅର୍ଥାତ୍ ସିଏସଇ-୨୦୨୨ ପୂର୍ବରୁ ବିଁ ସିଭିଲ ସେବା ପରୀକ୍ଷା ଗୁଡ଼ିକରେ ସବୁ ପ୍ରୟାସ ପୂରା କରି ସାରି ଥିଲେ।
ଉଲ୍ଲେଖନୀୟ ଯେ , ୟୁପିଏସସି ପୂଜା ଖେଜକରଙ୍କ ବିରୋଧରେ ଠକେଇ ଓ ଜାଲିଆତି କରିବା ପାଇଁ ଏକ ଅପରାଧିକ ମାମଲା ମଧ୍ୟ ଆରମ୍ଭ କରିଥିଲା। ଏହାପରେ ପୂଜା ଖେଡକର ୟୁପିଏସସି ଦ୍ୱାରା ତାଙ୍କର ପ୍ରାର୍ଥୀତ୍ୱକୁ ରଦ୍ଦ କରିବାର ନିଷ୍ପତ୍ତିକୁ ଚ୍ୟାଲେଞ୍ଚ ଦେଇ ଦିଲ୍ଲୀ କୋର୍ଟଙ୍କ ଦ୍ୱାରସ୍ଥ ହୋଇଥିଲେ। କୋର୍ଟଙ୍କ ସମ୍ମୁଖରେ ନିଜର ଜବାବରେ ପୂଜା ଖେଡକର ଦାବି କରିଥିଲେ , ସେ ୟୁପିଏସସିକୁ ନିଜ ନାଁରେ ଜାଲିଆତି କି ଭୁଲ ତଥ୍ୟ ଦେଇ ନାହାନ୍ତି।