ମୁମ୍ୱାଇ : ଫିଲ୍ମ ‘ଆନିମଲ୍’ରେ ବବି ଦେଓଲଙ୍କୁ ଯେଉଁଭଳି ଭଲ ପାଇବା ଓ ପ୍ରଶଂସା ମିଳୁଛି , ତାହା ତାଙ୍କ ପାଇଁ ଇମୋସନାଲ କରିଦେବା ଭଳି। ସେ ନିଜ ଚରିତ୍ର ପାଇଁ ଖୁବ୍ ପରିଶ୍ରମ କରିଛନ୍ତି। ପାଖାପାଖି ୪ମାସରେ ସେ ନିଜ ଶରୀର ଟ୍ରାନ୍ସଫର୍ମେସନ କରିଛନ୍ତି। ଆନିମଲ୍ରେ ରଣବୀର କପୁରଙ୍କ ସାମନାରେ ତାଙ୍କର ମଧ୍ୟ ଆକ୍ଟିଂ ସେତିକି ଦମଦାର ରହିଛି, ଯାହା ଦେଖିବା ଭଳି। ଦର୍ଶକଙ୍କର ତ ଏହି ଅଭିଯୋଗ କି ତାଙ୍କୁ ଖୁବ୍ କମ୍ ସ୍କ୍ରିନ୍ ସ୍ପେସ୍ ମିଳିଛି। ବବିଙ୍କର କ୍ୟାରିୟରକୁ ପୁଣି ଥରେ ଟ୍ରାକ୍କୁ ଆଣିବାରେ ଓଟିଟି ପ୍ରମୁଖ ଭୂମିକା ନିଭାଇଛି। କ୍ଲାସ୍ ଅଫ୍ ୮୩ ଓ ଆଶ୍ରମରୁ ସେ ପୁଣି ଫିଲ୍ମ ଦୁନିଆକୁ ଫେରିଛନ୍ତି ଏବଂ ଆନିମଲ୍ରେ ଧମାକା କରିଛନ୍ତି।
ସିଦ୍ଧାର୍ଥ କନନଙ୍କ ସହ କଥାବାର୍ତ୍ତାରେ ବବି ଦେଓଲ ଓଟିଟିର ମହତ୍ତ୍ୱ ବିଷୟରେ କହିଥିଲେ କି, ସେ ଓଟିଟିକୁ ହିଁ ଧନ୍ୟବାଦ ଦେଉଛନ୍ତି , ତାଙ୍କୁ ଏମିତି ଏକ ଚରିତ୍ର ମିଳିଲା ,ଯାହା ପରେ ଲୋକଙ୍କୁ ଭରସା ଆସିଲା କି ତାଙ୍କୁ ଏହିପରି ଚରିତ୍ର ଦିଆଯାଇ ପାରେ। ଆନିମଲ୍ର ରୋଲ୍ ମିଳିବା ପରେ ବବି କହିଛନ୍ତି , ଦିନେ ସନ୍ଦୀପ ରେଡ୍ଡୀ ୱାଙ୍ଗା ମୋତେ ମେସେଜ୍ କଲେ କି ମୁଁ ତୁମ ସହ ଭେଟିବାକୁ ଚାହୁଁଛି। ପ୍ରଥମେ ତ ମୋତେ ବିଶ୍ୱାସ ହେଉ ନଥାଏ କି ,ସତରେ ସେ ସନ୍ଦୀପ କି ? ମୁଁ ଯେବେ ବୁଝିଲି ତ ଜଣାପଡ଼ିଲା କି ହଁ ତା ସନ୍ଦୀପଙ୍କ ନମ୍ୱର ଥିଲା। ଏହାପରେ ତାଙ୍କୁ ଫୋନ କରି ସମୟ ଦେଲି , ସେ ଭେଟିଲେ।
ଯେବେ ମୁଁ ସିସିଏଲ କ୍ରିକେଟ୍ ଖେଳୁଥିଲି। ଏହି ସମୟରେ ଅଧିକ କାମ ନଥିଲା। ସେତେବେଳେ ସେଠାରୁ କେହି ଫଟୋ ଉଠାଇ ଥିବ , ଯେତେବେଳେ ମୁଁ ତାଙ୍କୁ ଭେଟିଲି ସେ ମୋତେ ସେହି ଫଟୋଗ୍ରାଫ ଦେଖାଇଲେ। ଯାହା ମୋ ଫୋନ୍ରେ ଏବେବି ଅଛି। ସେ କହିଲେ, ମୁଁ ତୁମକୁ ଏଥିପାଇଁ କାଷ୍ଟ କରିବାକୁ ଚାହୁଁଛି , ତୁମର ଯେଉଁ ଏକ୍ସପ୍ରେସନ ଏହି ଫଟୋରେ ତାହା ଖୁବ୍ ଆକର୍ଷଣୀୟ। ଆହୁରି ସେ କହିଛନ୍ତି , ହାତ ଖାଲି ଥିବା ବେଳେ କାମ ଆସିଲା। ଇଣ୍ଟରଭ୍ୟୁରେ ବବି ଦେଓଲ ନିଜର ସେହି ଫଟୋ ମଧ୍ୟ ଦେଖାଇ ଥିଲେ , ଯେଉଁଥିରେ ସେ ଇଣ୍ଟେନ୍ସ ଲୁକ୍ରେ ଅଛନ୍ତି ଏବଂ ବ୍ଲୁ କଲରର ଜର୍ସି ପିନ୍ଧି ଷ୍ଟାଡିୟମରେ ଠିଆ ହୋଇଛନ୍ତି।
ତଳେ ବବି ଦେଓଲଙ୍କର ସେହି ଫଟୋ ଦେଖନ୍ତି -
