ନୂଆଦିଲ୍ଲୀ, ୧୨।୨:ଦେଶରେ ୮୦୫ଟି ଆପ୍ସକୁ ବ୍ୟାନ କରିଛନ୍ତି ଭାରତ ସରକାର । ଏଥିସହ ୩ ହଜାର ୨୬୬ଟି ୱେବସାଇଟକୁ ମଧ୍ୟ ବନ୍ଦ କରିଛନ୍ତି । ଏହି ଆପ୍ସ ଏବଂ ୱେବସାଇଟ ଆଉ ଭାରତରେ ଚାଲିବନି । ୟୁଜର୍ସ ଏହି ସମସ୍ତ ଆପ୍ ଓ ୱେବସାଇଟ୍କୁ ଚଲାଇବା ପାଇଁ ସକ୍ଷମ ହେବେନାହିଁ । ଜାତୀୟ ସୁରକ୍ଷା କାରଣରୁ ଭାରତ ସରକାର ଏହି ଆପ୍ସ ଏବଂ ୱେବସାଇଟକୁ ବ୍ୟାନ କରିଛନ୍ତି । ସଂସଦୀୟ ସମିତି ବୈଠକରେ କେନ୍ଦ୍ର ଗୃହମନ୍ତ୍ରୀ ଅମିତ ଶାହ ଏ ନେଇ ସୂଚନା ଜାରି କରିଛନ୍ତି ।
କେନ୍ଦ୍ର ଗୃହମନ୍ତ୍ରୀ ଅମିତ ଶାହା ଏକ ସଂସଦୀୟ କମିଟିକୁ ସୂଚନା ଦେଇଛନ୍ତି ଯେ, ଜାତୀୟ ସୁରକ୍ଷା କାରଣରୁ ଏପର୍ଯ୍ୟନ୍ତ ୮୦୫ ଟି ମୋବାଇଲ୍ ଆପ୍ଲିକେସନ୍ ଏବଂ ୩ ହଜାର ୨୬୬ ୱେବସାଇଟ୍ ଲିଙ୍କ୍ ଅବରୋଧ କରାଯାଇଛି । ଏଠାରେ 'ସାଇବର ସୁରକ୍ଷା ଏବଂ ସାଇବର ଅପରାଧ' ଉପରେ ଗୃହ ବ୍ୟାପାର ଉପରେ ସଂସଦୀୟ ପରାମର୍ଶଦାତା କମିଟିର ଏକ ବୈଠକକୁ ସମ୍ବୋଧିତ କରିବା ବେଳେ ଶାହା କହିଛନ୍ତି ଯେ, ଆରବିଆଇ ଏବଂ ସମସ୍ତ ବ୍ୟାଙ୍କ ସହ ସମନ୍ୱୟ ରକ୍ଷା କରି ସାଇବର ଅପରାଧୀଙ୍କ ଦ୍ୱାରା ଠକେଇ ହୋଇଥିବା ପାଣ୍ଠି ପାର୍କରେ ବ୍ୟବହୃତ ହେଉଥିବା ଆକାଉଣ୍ଟ ଚିହ୍ନଟ ପାଇଁ ଏକ ସିଷ୍ଟମ ତିଆରି କରାଯିବ । ଏହା ଆକାଉଣ୍ଟଗୁଡ଼ିକ କାର୍ଯ୍ୟକ୍ଷମ ହେବା ପୂର୍ବରୁ ଏହାକୁ ବନ୍ଦ କରାଯିବ । ଅମିତ ଶାହଙ୍କ କହିବାନୁସାରେ, ଇଣ୍ଡିଆନ୍ ସାଇବର କ୍ରାଇମ୍ କୋର୍ଡିନେସନ୍ ସେଣ୍ଟର I-4C ପୋର୍ଟଲରେ ୧ ଲକ୍ଷ ୪୩ ହଜାର ମାମଲା ରୁଜୁ ହୋଇଛି ଏବଂ ୧୯ କୋଟିରୁ ଅଧିକ ଲୋକ ଏହି ପୋର୍ଟଲର ବ୍ୟବହାର କରିଥିଲେ । ରାଷ୍ଟ୍ରୀୟ ସୁରକ୍ଷା କାରଣରୁ ଏହିସବୁ ଆପ୍ ଓ ୱେବସାଇଟ୍କୁ ବ୍ଲକ୍ କରିଦିଆଯାଇଛି । ଯାଞ୍ଚ ବେଳେ ୬ ଲକ୍ଷରୁ ଅଧିକ ସନ୍ଦିଗ୍ଧ ଡାଟାକୁ ଚିହ୍ନଟ କରାଯାଇଛି । ଯେଉଁଥିରେ ୨ ହଜାର ୩୮ କୋଟି ଟଙ୍କାର ସନ୍ଦିଗ୍ଦ ଲେଣଦେଣ ଉପରେ ମଧ୍ୟ ରୋକ୍ ଲଗାଯାଇଛି ।
ଗୃହମନ୍ତ୍ରୀଙ୍କ କହିବାନୁସାରେ, ସାଇବର ଅପରାଧକୁ ସାମନା କରିବାକୁ ୪ ପ୍ରକାର ରଣନୀତି ଯେପରିକି କନଭରଜେନ୍ସ, କୋର୍ଡିନେସନ୍, କମ୍ୟୁନିକେସନ ଓ କାପାସିଟି ସାମିଲ । ମନ୍ତ୍ରୀଳୟ ଓ ଗୃହ ମନ୍ତ୍ରାଳୟର ବିଭାଗଗୁଡ଼ିକ ମଧ୍ୟରେ ସମନ୍ୱୟ ବଢ଼ାଯାଇଥିବାରୁ ଏହା ଫଳରେ ଏକାଧିକ ସୂଚନା ମିଳିପାରିବ । ସେ ଆହୁରି ମଧ୍ୟ କହିଛନ୍ତି ଯେ, ଏଆଇର ବିନିଯୋଗରେ ରିଜର୍ଭ ବ୍ୟାଙ୍କ ଏବଂ ଅନ୍ୟ ସମସ୍ତ ବ୍ୟାଙ୍କ ମିଳିତ ଭାବେ ଆକାଉଣ୍ଟ ଚିହ୍ନଟ କରିବାକୁ ଏକ ସିଷ୍ଟମ ପ୍ରସ୍ତୁତ କରିବାକୁ ଚେଷ୍ଟା ଜାରି ରହିଛି । ଯାହା ଫଳରେ ଏହି ଆକାଉଣ୍ଟଗୁଡ଼ିକ କାର୍ଯ୍ୟକ୍ଷମ ହେବା ପୂର୍ବରୁ ଏହାକୁ ବନ୍ଦ କରିବାକୁ ସକ୍ଷମ ହେବେ । ୩୩ ରାଜ୍ୟ ଓ କେନ୍ଦ୍ର ଶାସିତ ଅଞ୍ଚଳରେ ସାଇବର କ୍ରାଇମ୍ ଫରେନସିକ୍ ଟ୍ରେନିଙ୍ଗ ଲ୍ୟାବ୍ର ସ୍ଥାପନା କରାଯାଇଛି । ଏହି ଅବସରରେ ଅମିତ୍ ଶାହ ସମିତିର ସମସ୍ତ ସଦସ୍ୟଙ୍କୁ I-4Cର ହେଲ୍ପଲାଇନ ୧୯୩୦ର ପ୍ରଚାର କରିବାକୁ ପରାମର୍ଶ ଦେଇଛନ୍ତି । କହିରଖୁ କି, ୧୯୩୦ ହେଲପଲାଇନ ନମ୍ୱର ସାଇବର ବିତ୍ତୀୟ ଠକେଇରେ ଏକାଧିକ ମାମଲାର ସମାଧାନ କରେ ।
