କେନ୍ଦୁଝର ସଦର,୨୬/୩ : କେନ୍ଦୁଝର ସଦର ଥାନା ଅନ୍ତର୍ଗତ ନୂଆଗାଁ ବିଲ ନିକଟରୁ ୨୪୩ଟି ଗୋରୁ ସମେତ ବ୍ୟବହୃତ (ଓଡି-୧୪-ଆର-୬୧୮୩) ବୋଲେର ଓ ୬ଜଣଙ୍କୁ ଅଟକ ରଖି ପୋଲିସ ଜିମା ଦେଇଥିଲେ। ବେଆଇନ ଗୋଚାଲାଣ ଅଭିଯୋଗରେ ଆଜି ପୋଲିସ ଏକ ମାମଲା ରଜୁ କରି ଗିରଫମାନେ ହେଲେ ଅରୁଣ କୁମାର ବେହେରା (୩୫) , ପାଣୁ କିଶାନ (୨୪) କାଙ୍ଗାଳି ଗିରି (୫୦) , ସରୋଜ ମହାକୁଡ଼ (୨୫), ମେଘନାଦ ପାତ୍ର (୩୭), ସୁବ୍ରତ କୁମାର ପଲେଇ (୨୦) ।
ଗିରଫ ସମସ୍ତଙ୍କୁ କୋର୍ଟ ଚାଲାଣ କରାଯାଇଛି । ଗତକାଲି ବିଳମ୍ବିତ ରାତି ୩ଟାବେଳେ ନୂଆଗାଁ ଦେଇ ଗୋରୁ ମାନଙ୍କୁ ଲୋକମାନଙ୍କ ସାହାଯ୍ୟରେ ଘଉଡ଼େଇ ନେଇଥିବାବେଳେ ହିନ୍ଦୁ ଜାଗୃତିମଞ୍ଚର ସଦସ୍ୟମାନେ ଗୋରୁ ସହିତ ୬ଜଣଙ୍କୁ ଅଟକ ରଖିଥିଲେ । ଜବତ ଗୋରୁଙ୍କୁ ଥାନାକୁ ଅଣାଯାଇଥିବାବେଳେ ତୁରନ୍ତ ଗୋ ଶାଳାକୁ ପଠାଯିବ ବୋଲି ପୋଲିସ କହିଛି।
