ଭୁବନେଶ୍ବର, ୧୨ : ଦାଦା ବଟି ମାଗିବା ଅଭିଯୋଗରେ ତିନି ଜଣଙ୍କୁ ବନ୍ଧିଲା ଚନ୍ଦ୍ରଶେଖରପୁର ଥାନା ପୋଲିସ। ମୋଷ୍ଟ ୱାଣ୍ଟେଡ ଦୀପକ ନାୟକ ଓ ତାର ଦୁଇ ସହଯୋଗୀ ଶିବ ବଳିଆରସିଂ ଓ ଶକ୍ତି ବଳିଆରସିଂ କୁ ଚନ୍ଦ୍ରଶେଖରପୁର ଥାନା ପୋଲିସ ଗିରଫ କରିଛି ।
ଚନ୍ଦ୍ରଶେଖପୁରସ୍ଥିତ ଏକ ଘରୋଇ ହସ୍ପିଟାଲ୍ ଆଗରେ ଥିବା ଠେଲା ଦୋକାନ ଲଗାଇ ବ୍ୟବସାୟ କରୁଥିବା ଜଣେ ବ୍ୟକ୍ତିଙ୍କ ଠାରୁ ଦାଦା ବଟି ମାଗିଥିଲେ। ବ୍ୟକ୍ତି ଜଣକ ଦାଦାବଟି ନଦେବାରୁ ତାଙ୍କୁ ଆକ୍ରମଣ କରିବା ସହ ତାଙ୍କ ଦୋକାନ ଭାଙ୍ଗି ଦେଇଥିଲେ। ଅଭିଯୋଗ କ୍ରମେ ଚନ୍ଦ୍ରଶେଖରପୁର ଥାନା ପୋଲିସ ଏକ ସ୍ବତନ୍ତ୍ର ଟିମ୍ ସହ ବିଭିନ୍ନ ଜାଗାରେ ଚଢାଉ କରି ଦୀପକ ଏବଂ ତାର ଦୁଇ ସହଯୋଗୀ ଶିବ ବଳିଆରସିଂ ଓ ଶକ୍ତି ବଳିଆରସିଂ ଙ୍କୁ ଗିରଫ କରି କୋର୍ଟ ଚାଲାଣ କରିଛି। ଦୀପକ ନାମରେ ୧୦ଟି ମାମଲା ରହିଛି। ଏକାଧିକ ସ୍ନାଚିଂ ମାମଲା ରହିଛି। ଚନ୍ଦ୍ରଶେଖରପୁର ଥାନା ଅଂଚଳରେ ଛିନତାଇ, ଡକାୟତି ଓ ଦାଦାବଟି ମାଗିବା ଦୀପକ ନାମରେ ଅଭିଯୋଗ ରହିଛି। ଗତ ଫେବୃଆରୀ ମାସରେ ଆଦର୍ଶ ବସ୍ତି ପାଖରୁ ଖଣ୍ଡା ଦେଖାଇ ସ୍କୁଟି ଛଡାଇ ନେବା ସହ ଗାଡ଼ିକୁ ପୋଡ଼ି ଦେଇଥିଲା ଦୀପକ।
