କଟକ, ୧୨/୦୩ : ସଂସଦରେ ଉଠିଲା ବିଜୁ ବାବୁ ଏବଂ ପଞ୍ଚାୟତିରାଜ ଦିବସ ପ୍ରସଙ୍ଗ। ରାଜ୍ୟସଭା ସାଂସଦ ଦେବାଶିଷ ସାମନ୍ତରାୟ ଏହି ପ୍ରସଙ୍ଗ ଉଠାଇଚନ୍ତି। ବିଜୁ ଜୟନ୍ତୀରେ ସରକାରୀ ଛୁଟି ବାତିଲ କରାଯିବା ଉପରେ ସେ ଆପତ୍ତି ଉଠାଇଛନ୍ତି। ଏନେଇ କ୍ଷୋଭ ପ୍ରକାଶ କରିବା ସହ ରାଜ୍ୟ ସରକାରଙ୍କୁ ଟାର୍ଗେଟ୍ କରିଛନ୍ତି ଦେବାଶିଷ।
ବିଜେଡି ସାଂସଦ କହିଛନ୍ତି ଯେ, ବିଜୁ ବାବୁ ଜଣେ ସ୍ୱାଧୀନତା ସଂଗ୍ରାମୀ। ଓଡ଼ିଶାରେ ପଞ୍ଚାୟତିରାଜ ବ୍ୟବସ୍ଥାର ସେ ଥିଲେ ପ୍ରଣେତା। ସରକାରୀ କ୍ୟାଲେଣ୍ଡରରେ ବି ତାଙ୍କ ଜୟନ୍ତୀକୁ ଛୁଟି ଦିବସ ଭାବେ ଉଲ୍ଲେଖ କରାଯାଇଛି। ଏହା ସତ୍ତ୍ଵେ ମଧ୍ୟ ଚଳିତ ବର୍ଷ ଓଡ଼ିଶା ସରକାର ବିଜୁ ଜୟନ୍ତୀକୁ ପଞ୍ଚାୟତିରାଜ ଦିବସ ଭାବେ ପାଳନ କଲେନି। ସରକାର ବଦଳିବା ପରେ, ପୂର୍ବ ନିଷ୍ପତ୍ତି ବଦଳି ଯାଇଛି। ଯାହାକି ଓଡ଼ିଶା ସରକାରଙ୍କ ହୀନମାନ୍ୟତାର ପ୍ରମାଣ ଦେଉଛି।
ସେପଟେ ବିଜୁ ବାବୁଙ୍କୁ ଅସମ୍ମାନ ପ୍ରସଙ୍ଗରେ ଏବେ ବେଶ୍ ସରଗରମ ରହିଛି ରାଜ୍ୟ ରାଜନୀତି। ଦ୍ଵିତୀୟ ପର୍ଯ୍ୟାୟ ବଜେଟ୍ ଅଧିବେଶନ ଆରମ୍ଭ ହେବା ଦିନଠୁ ଏହାକୁ ପ୍ରସଙ୍ଗ କରିଛି ବିଜେଡି। ଗୃହ ଚଲାଇ ଦେଉନାହାଁନ୍ତି ବିଜେଡି ସଦସ୍ୟ। ବିଜୁ ବାବୁଙ୍କୁ ଅସମ୍ମାନ ଚଳିବ ନାହିଁ ନାରାରେ କମ୍ପୁଛି ଗୃହ। ଛୁଟି ବାତିଲକୁ ନେଇ ସରକାରଙ୍କୁ ଘେରୁଛନ୍ତି ବିରୋଧୀ ନେତା।
ଏହି ଖବରଟିକୁ ପଢନ୍ତୁ-ବିଧାନସଭା ପ୍ରେସ୍ ଗ୍ୟାଲେରୀରେ ମୋବାଇଲ୍ ମନା, ଗାନ୍ଧି ମୂର୍ତ୍ତି ତଳେ ଧାରଣା ଦେଲେ ସାମ୍ବାଦିକ
