ସୁନ୍ଦରଗଡ଼, ୩୧।୫: ସୁନ୍ଦରଗଡ଼ରେ ସଡ଼କ ଦୁର୍ଘଟଣାରେ ୨ ଶ୍ରମିକ ମୃତ, ୯ ଗୁରୁତର । କିଛି ଶ୍ରମିକ କର୍ମକ୍ଷେତ୍ରକୁ ଯାଉଥିବା ବେଳେ ଏଭଳି ଅଘଟଣ ଘଟିଥିବା ଜଣାପଡ଼ିଛି । ଦୁର୍ଘଟଣାରେ ୨ ଜଣ ମହିଳାଙ୍କ ମୃତ୍ୟୁ ଘଟିଥିବା ବେଳେ ୯ ଜଣ ଗୁରୁତର ଆହତ ହୋଇଥିବା ସୂଚନା । ସୁନ୍ଦରଗଡ଼ ହେମଗିର ଥାନା ଅନ୍ତର୍ଗତ ଓସ୍ତାଳି ଘାଟିଠାରେ ଭାରସାମ୍ୟ ହରାଇ ଘାଟି ତଳକୁ ଖସିପଡ଼ିଛି ।
ହେମଗିର ଚନ୍ଦନ ନଗରଠାରୁ ବାଲାଜୀ କମ୍ପାନୀର ଏକ କ୍ୟାମ୍ପରରେ ମହିଳା ପୁରୁଷ ଓ ଚାଳକ ସମେତ ୯ ଜଣ ଡୁଡୁକାସ୍ଥିତ ବାଲାଜୀ କମ୍ପାନୀର ସାଇଡକୁ କାମକରି ବାକୁ ଯାଉଥିଲେ । ମହେନ୍ଦ୍ର ପିକପଟି ଓସ୍ତାଲି ଘାଟିଠାରେ ଭାରସାମ୍ୟ ହରାଇ ଘାଟି ତଳକୁ ଓଲଟି ପଡ଼ିଥିଲା । ସ୍ଥାନୀୟ ଲୋକେ ଗୁରୁତରଙ୍କୁ ଉଦ୍ଧାର କରି ହେମଗିର ଓ ସୁନ୍ଦରଗଡ଼ ଡାକ୍ତରଖାନାରେକୁ ପଠାଛନ୍ତି । ମୃତ ମହିଳାମାନେ ଶେମବାଇ ଗନ୍ଧର୍ବ, ମୋତି ଗନ୍ଧର୍ବ ବୋଲି ଜଣାପଡ଼ିଛି । ଏନେଇ ଘଟଣା ସ୍ଥଳରେ ଉତ୍ତେଜନା ଲାଗି ରହିଥିବା ବେଳେ କ୍ଷତିପୂରଣ ଦାବିରେ ରାସ୍ତାରୋକ ମଧ୍ୟ କରାଯାଇଛି । ଘଟଣାସ୍ଥଳରେ ହେମଗିର ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ।