ଯାଜପୁର,୧୨।୬ : ଯାଜପୁର ଦୁଇ ଝିଆରୀକୁ ଧାରୁଆ କଟୁରିରେ ଆକ୍ରମଣ କଲା ଦାଦା । ଗୁରୁତର ଦୁଇ ଝିଆରୀ କଟକ ସ୍ଥାନାନ୍ତରିତ । ଗୁରୁତର ୨ ଜଣ ହେଲେ ଯାଜପୁର ବିଂଝାରପୁର ଥାନା ଅନ୍ତର୍ଗତ ସାଇଁ କୁଳ ଗ୍ରାମର ରାଜେନ୍ଦ୍ର ଜେନାଙ୍କ ଦୁଇ ଝିଅ ଗୌରୀ ଜେନା (ବୟସ ୧୯), କାବେରୀ ଜେନା (ବୟସ ୧୪) ।
ଆଜି ଦୁଇ ଭଉଣୀ ଘରେ ଥିବା ବେଳେ ନିଜ ଦାଦା କୈଳାସ ଚନ୍ଦ୍ର ଜେନା ହଠାତ ଘରେ ପଶି ଦୁଇ ଭଉଣୀ ଙ୍କୁ ଆକ୍ରମଣ କରିଥିଲେ ।ଯେଉଁଥିରେ ଦୁଇ ଭଉଣୀ କାବେରୀ ଓ ଗୌରୀ ଗୁରୁତ୍ବର ଆହତ ହୋଇଥିଲେ ।ସଙ୍ଗେ ସଙ୍ଗେ ପ୍ରଥମେ ବିଂଝାରପୁର ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର ପରେ ଯାଜପୁର ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି ହୋଇଥିଲେ ।ସେଠାରେ ଅଧିକ ଗୁରୁତର ହେବାରୁ ଉଭୟଙ୍କୁ କଟକ ସ୍ଥାନାନ୍ତରିତ କରାଯାଇଛି ।ଘଟଣା ସ୍ଥଳରେ ସ୍ଥାନୀୟ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ।