କରଞ୍ଜିଆ, ୨।୧୦ :ମୟୂରଭଞ୍ଜ ଜିଲ୍ଲା ଠାକୁରମୁଣ୍ଡା ଥାନା,ଭୀମକୁଣ୍ଡ-କେନ୍ଦୁଜିଆଣି ରାସ୍ତାରେ ଆଜି ସନ୍ଧ୍ୟାରେ ଏକ ସିମେଣ୍ଟ ବୋଝେଇ ଟ୍ରକ ଭାରସାମ୍ୟ ହରାଇ ଓଲଟି ପଡିବାରୁ ୧୨ ଜଣ ଆହତ ହୋଇଛନ୍ତି। ସେମାନଙ୍କ ମଧ୍ୟରୁ ୪ ଜଣଙ୍କ ଅବସ୍ଥା ଗୁରୁତର ରହିଛି।ଘଟଣାସ୍ଥଳରୁ ସମସ୍ତଙ୍କୁ ସ୍ଥାନୀୟ ଲୋକମାନେ ଉଦ୍ଧାର କରି ଏକ ପିକଅପ ଗାଡିରେ ସେମାନଙ୍କୁ ଆଣି ଚିକିତ୍ସା ପାଇଁ ଠାକୁରମୁଣ୍ଡା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଛନ୍ତି। ଗୁରୁତର ଥିବା ୪ ଜଣକୁ ପ୍ରାଥମିକ ଚିକିତ୍ସା ପରେ ଘଷିପୁରା ସ୍ୱାସ୍ଥ୍ୟ କେନ୍ଦ୍ର କୁ ସ୍ଥାନାନ୍ତର କରାଯାଇଛି।

ଖଣ୍ଡବନ୍ଧ ଗ୍ରାମରୁ ଏକ ସିମେଣ୍ଟ ବୋଝେଇ ଗାଡ଼ିରେ ବସି ଶ୍ରମିକ ମାନେ କେନ୍ଦୁଜିଆଣି ନିକଟ ସରୁବିଲ ଓ ଅସନବଣି ଗ୍ରାମକୁ ଆସୁଥିଲେ। ଅସୁଥିବା ସମୟରେ କେନ୍ଦୁଜିଆଣି ନିକଟ ଯୋଡିବିଲ ଗ୍ରାମ ନିକଟରେ ଟ୍ରକଟି ଭାରସାମ୍ୟ ହରାଇ ରାସ୍ତା ଉପରେ ଓଲଟି ପଡିଥିଲା।ଦୁର୍ଘଟଣା ରେ ଟ୍ରକ ଡ୍ରାଇଭର ଶଙ୍କର ବାସ୍କେ ଙ୍କ ସମେତ ସାରୁବିଲ ଗ୍ରାମର ଜୟସିଂ ମାରାଣ୍ଡି ଓ ଅସନବଣି ଗ୍ରାମର ଅଜୟ ହୋ ଓ ରଘୁ ମାଝୀ ଙ୍କୁ ଗୁରୁତର ଅବସ୍ଥାରେ  ଚିକିତ୍ସା ପାଇଁ ଘଷିପୁରା ସ୍ୱାସ୍ଥ୍ୟ କେନ୍ଦ୍ର କୁ ସ୍ଥାନାନ୍ତର କରାଯାଇଛି। ସେହିପରି ଅସନବଣି ଗ୍ରାମର ଚନ୍ଦ୍ର ମାଝୀ, ସମାୟ ଟୁଡୁ,ରାମଚନ୍ଦ୍ର ମାଝୀ, ରାମ ମାରାଣ୍ଡି,ଓ ସାରୁବିଲ ଗ୍ରାମର ଜୟସିଂ ମାରାଣ୍ଡି,ଖୁଦୁ ମାରାଣ୍ଡି,ପରେଶ ଚନ୍ଦ୍ର ସରେନ,ଚୁଡ଼ିଆ ମାଝି ଆହତ ଅବସ୍ଥାରେ ଠାକୁରମୁଣ୍ଡା ସ୍ୱାସ୍ଥ୍ୟ କେନ୍ଦ୍ର ରେ ଚିକିତ୍ସିତ ହେଉଛନ୍ତି।