କଣାସ, ୯।୬ : ୫ ନମ୍ବର ଜାତୀୟ ରାଜପଥ କୁ ସଂଯୁକ୍ତ ହୋଇଥିବା ନୂଆ ଜଗନ୍ନାଥ ସଡ଼କ କୋଟକଣା ଛକ ଠାରେ ଦୁର୍ଘଟଣା ଘଟିଛି। ଟିୟୁସନ୍ ସାରି ଜଣେ ନାବାଳକ ସାଇକେଲରେ ଘରକୁ ଯିବା ବେଳେ ଏହ ହାଇଓ୍ବା ଧକ୍କା ଦେଇ ନାବାଳକ ଗୋଡ଼ରେ ଚଢେଇ ଦେଇଛି। ଏଥିରେ ନାବାଳକ ଜଣକ ଗୁରୁତର ହୋଇଛି। ଗୁରୁତର ଆହାତ ହୋଇଥିବା ନାବାଳକ ଜଣକ କଣାସ ଥାନା ଅନ୍ତର୍ଗତ ନନ୍ଦିଗୋଦ ଗ୍ରାମର ଆନନ୍ଦ ସ୍ୱାଇଁ ଙ୍କ ଏକମାତ୍ର ପୁଅ ସୁମିତ୍ ସ୍ୱାଇଁ ।
ଏହି ଘଟଣା ପରେ ଘଟଣା ସ୍ଥଳରେ ଉତ୍ତେଜନା ଦେଖା ଦେଇଛି। ଟ୍ରକ ଡ୍ରାଇଭର କୁ ଗ୍ରାମବାସୀ ଅଟକ ରଖି କୋଟକଣା ଛକ ନୂଆ ଜଗନ୍ନାଥ ସଡ଼କ ଠାରେ ରାସ୍ତା ରୋକ କରିଛନ୍ତି ଗ୍ରାମବାସୀ । ଉଭୟ ପାର୍ଶ୍ଵରେ ଶହ ଶହ ଗାଡି ଛିଡ଼ା ହୋଇଥିବା ବେଳେ ଖବର ପାଇ କଣାସ ଓ ଗଡ଼ିସାଗୋଦା ଥାନା ପୋଲିସ ପହଞ୍ଚି ଲୋକଙ୍କୁ ବୁଝାସୁଝା କରିବା ସହ ଉକ୍ତ ହାଇଓ୍ବା କୁ ଜବତ କରିଛି । ଗୁରୁତ୍ୱର ନାବାଳକକୁ କଣାସ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରୁ ଭୁବନେଶ୍ବର ସରକାରୀ ହସ୍ପିଟାଲ କୁ ସ୍ଥାନାନ୍ତର କରାଯାଇଛି।