ନୂଆଦିଲ୍ଲୀ,୦୩/୦୧: ଚର୍ଚ୍ଚା, ଆଲୋଚନା ଆକଳନ ସବୁ ସତ ହେଲା । ଖେଳ ମଝିରୁ ପ୍ଲେଇଙ୍ଗ ଇଲେଭେନରୁ ବାଦ ପଡିଛନ୍ତି ରୋହିତ ଶର୍ମା । ବର୍ଡର-ଗାଭାସ୍କର ଟ୍ରଫିର ଅନ୍ତିମ ଟେଷ୍ଟ ସିଡନୀରେ ଖେଳାଯାଉଛି । ଏଥିରୁ ବାଦ ପଡିଛନ୍ତି ରୋହିତ । ତାଙ୍କ ସ୍ଥାନରେ ଯଶପ୍ରୀତ ବୁମରା ଦଳର କମାଣ୍ଡ ସମ୍ଭାଳିଛନ୍ତି । ବିଶ୍ବକପ ଜିତିବାର ୬ମାସ ପରେ ଦଳରୁ ଆଉଟ ହୋଇଛନ୍ତି ହିଟମ୍ୟାନ୍ । ଅଷ୍ଟ୍ରେଲିଆ ବିପକ୍ଷ ୩ଟି ଟେଷ୍ଟରେ ୫ଟି ପାଳି ଖେଳି ସେ ମାତ୍ର ୩୮ ରନ କରିଛନ୍ତି । ଦୁର୍ବଳ ଫର୍ମ ପାଇଁ ଅସମୟରେ ରୋହିତଙ୍କ ଟେଷ୍ଟ କ୍ୟାରିୟର ଶେଷ ହୋଇଥିବା ଚର୍ଚ୍ଚା ହେଉଛି । ୧୧ ବର୍ଷ ପରେ ଭାରତକୁ ଆଇସିସି ଟ୍ରଫି ଭେଟି ଦେଇଥିବା ରୋହିତ । ୨୦୨୪ ଟି ୨୦ ବିଶ୍ବକପ ବିଜୟୀ ହୋଇଥିଲା ଭାରତ ।
୨୦ ବର୍ଷ ତଳର ଇତିହାସ ରିପିଟ- ୨୦୦୫ ମସିହା କଥା । ସୌରଭ ଗାଙ୍ଗୁଲି ଦଳର ଅଧିନାୟକ ଥିଲେ । ଗ୍ରେଗ୍ ଚାପେଲ ଦଳର ହେଡ୍ କୋଚ ଥିଲେ । ସେ ସମୟରେ ଯାହା ଘଟିଥିଲା ତାହା ସମସ୍ତଙ୍କୁ ଚକିତ କରିଥିଲା । କେବଳ ଅଧିନାୟତ୍ବ ପଦ ଚାଲିଯାଇନଥିଲା ବରଂ ଜାତୀୟ ଦଳରୁ ସ୍ଥାନ ହରାଇଥିଲେ ସୌରଭ ଗାଙ୍ଗୁଲି । କୋଚ୍ ଗ୍ରେଗ୍ ଚାପେଲ ଜିମ୍ବାୱେ ବିପକ୍ଷ ଏକ ମ୍ୟାଚ ପୂର୍ବରୁ ଅଚାନକ ଗାଙ୍ଗୁଲିଙ୍କୁ ଅଧିନାୟକ ପଦ ଛାଡିବାକୁ କହିଥିଲେ । ଖାଲି ସେତିକି ନୁହେଁ ଭାରତୀୟ କ୍ରିକେଟ ଟିମର ଜାତୀୟ ଦଳ ସ୍କ୍ବାର୍ଡରୁ ବାଦ ପଡିଥିଲେ ସୌରଭ ଗାଙ୍ଗୁଲି । ୨୦୨୫ ମସିହାର ପ୍ରଥମ ଟେଷ୍ଟ ମ୍ୟାଚ ଖେଳୁଛି ଟିମ୍ ଇଣ୍ଡିଆ । ବର୍ଡର-ଗାଭାସ୍କର ଟ୍ରଫି ସିରିଜର ଅନ୍ତିମ ଟେଷ୍ଟ ସିଡନୀରେ ଖେଳାଯାଉଛି । ଏଥିରେ ୨୦ ବର୍ଷ ପୁରୁଣା ଘଟଣା ଘଟିଛି । ଦଳରୁ ବାଦ୍ ରହିଛନ୍ତି ରୋହିତ ଶର୍ମା । ୨୦୧୪ ପରେ ଇଣ୍ଟରନ୍ୟାସନାଲ କ୍ରିକେଟରେ ଏପରି ପ୍ରଥମ ଥର ହୋଇଛି । କୌଣସି ଅଧିନାୟକଙ୍କୁ ସିରିଜ ମଝିରେ ଦଳରୁ ବାଦ ଦିଆଯାଇଛି । ୧୯୭୪ରେ ଇଂଲଣ୍ଡର ମାଇକ ଟେନେସ ମ୍ୟାଚ ନଖେଳିବାକୁ ନିଷ୍ପତ୍ତି ନେଇଥିଲେ । ଚଳିତ ବର୍ଷ ରୋହିତ ମୋଟ ୬ଟି ଟେଷ୍ଟ ଖେଳି ମାତ୍ର ୩୧ ରନ କରିଛନ୍ତି । ଦୁର୍ବଳ ଫର୍ମକୁ ନେଇ ସିଡନୀ ଟେଷ୍ଟରୁ ତାଙ୍କୁ ବାଦ ଦିଆଯାଇଛି । ହିଟମ୍ୟାନଙ୍କ ଫର୍ମକୁ ନେଇ କୋଚ୍ ଗମ୍ଭୀର ଖପ୍ପା ହୋଇଥିବା ଚର୍ଚ୍ଚା ହେଉଥିଲା । ରୋହିତଙ୍କ ଅଧିନାୟକତ୍ବରେ ଭାରତ ୨୦୨୪ ଟି-୨୦ ବିଶ୍ବକପ ଜିତିଥିଲା । ମାତ୍ର ଏହା ପରେ ସେ ଫର୍ମ ହରାଇଥିଲେ । ସିଡନୀ ଟେଷ୍ଟରେ ରୋହିତଙ୍କ ସ୍ଥାନରେ ଦଳର ନେତୃତ୍ବ ନେଇଛନ୍ତି ଯଶପ୍ରୀତ ବୁମରା । ବିଦ୍ଧିବଧ ଭାବେ ଘୋଷଣା କରିନଥିଲେ ସୁଦ୍ଧା ରୋହିତଙ୍କର ଏହା ଶେଷ ଟେଷ୍ଟ ହୋଇପାରେ ।
୨୦୨୩/୨୫ ବିଶ୍ୱ ଟେଷ୍ଟ ଚାମ୍ପିଅନସିପ୍ ଚକ୍ର ସହ ରୋହିତଙ୍କ ଟେଷ୍ଟ କ୍ୟାରିୟର ଶେଷ ହେବ ବୋଲି ୨ବର୍ଷ ତଳୁ ଅନୁମାନ କରାଯାଉଥିଲା । କାରଣ ଚଳିତ ସଂସ୍କରଣ ଶେଷ ହେବା ବେଳକୁ ରୋହିତ ୩୮ବର୍ଷରେ ପହଞ୍ଚି ସାରିଥିବେ । ଟେଷ୍ଟ ଚାଲିଥିବାବେଳେ ମଝିରେ ରୋହିତଙ୍କ ଭଳି ଜଣେ ସିନିୟର ଖେଳାଳି ବିଦା ହେବା ଦୁଃଖର ବିଷୟ । ୬ମାସ ତଳେ ଟି-ଟ୍ୱେଣ୍ଟି ବିଶ୍ୱକପ୍ ଜିତାଇଥିବା ଜଣେ ଅଧିନାୟକଙ୍କ ଠାରୁ ସିରିଜ ଅଧାରୁ ନେତୃତ୍ୱ ଛଡ଼ାଇ ନେବା ଓ ଦଳରୁ ବାଦ ଦେବା ଅସମ୍ମାନ କହିଲେ ଭୁଲ ହେବ ନାହିଁ । ରୋହିତ ମୋଟ ୬ଟି ଟେଷ୍ଟ ଖେଳି ମାତ୍ର ୩୧ ରନ କରିଛନ୍ତି । ଦୁର୍ବଳ ଫର୍ମକୁ ନେଇ ସିଡନୀ ଟେଷ୍ଟରୁ ତାଙ୍କୁ ବାଦ ଦିଆଯାଇଛି । ହିଟମ୍ୟାନଙ୍କ ଫର୍ମକୁ ନେଇ କୋଚ୍ ଗମ୍ଭୀର ଖପ୍ପା ହୋଇଥିବା ଅନୁମାନ କରାଯାଉଛି । ରୋହିତଙ୍କ ସ୍ଥାନରେ ଦଳର ନେତୃତ୍ବ ନେଇଛନ୍ତି ଯଶପ୍ରୀତ ବୁମରା । ୨୦୧୯ ପରଠୁ ରୋହିତ ଟେଷ୍ଟ କ୍ରିକେଟ୍ରେ ଭାରତ ପକ୍ଷରୁ ସର୍ବାଧିକ ୨୭୧୬ ରନ୍ ସଂଗ୍ରହ କରିଛନ୍ତି । ଏହି ୫ବର୍ଷ ମଧ୍ୟରେ ସର୍ବାଧିକ ୯ଟି ଶତକ ମଧ୍ୟ ରୋହିତଙ୍କ ନାମରେ ରହିଛି । ବିଦ୍ଧିବଦ୍ଧ ଭାବେ ଘୋଷଣା ହୋଇନଥିଲେ ସୁଦ୍ଧା ରୋହିତଙ୍କର ଏହା ଶେଷ ଟେଷ୍ଟ ମ୍ୟାଚ ବୋଲି ଚର୍ଚ୍ଚା ହେଉଛି ।
