ନୂଆଦିଲ୍ଲୀ,୦୪/୦୧: କଙ୍ଗାରୁ ଦଳକୁ ଘାଇଲା କଲେ ଭାରତୀୟ ବୋଲର । ବଡ ରନ କରିବାକୁ ଅଷ୍ଟ୍ରେଲିଆ ବ୍ୟାଟ୍ସମ୍ୟାନଙ୍କୁ ଅଟକାଇଲେ ପେସ୍ ବୋଲର । ସିରାଜ ଓ ଯଶପ୍ରୀତଙ୍କ ବୋଲିଂ ଜାଲରେ ଫସିଲେ କଙ୍ଗାରୁ ବ୍ୟାଟର । ୧୮୧ରନରେ ଅଲଆଉଟ ହୋଇଛି ଘରୋଇ ଅଷ୍ଟ୍ରେଲିଆ । ଭାରତ ଓ ଅଷ୍ଟ୍ରେଲିଆ ମଧ୍ୟରେ ବର୍ଡର-ଗାଭାସ୍କର ଟ୍ରଫିର ଅନ୍ତିମ ଟେଷ୍ଟ ସିଡନୀରେ ଖେଳାଯାଉଛି । ଅଷ୍ଟ୍ରେଲିଆ ତାର ପ୍ରଥମ ଇନିଂସରେ ୧୮୫ ରନ କରି ଅଲଆଉଟ ହୋଇଛି । ଭାରତ ୪ ରନ ଲିଡ କରୁଛି । ମହମ୍ମଦ ସିରାଜ ଓ ପ୍ରସିଦ୍ଧି କ୍ରିଷ୍ଣା ୩ ଟି ଲେଖାଏଁ ୱିକେଟ ନେଇଛନ୍ତି ।

ସିଡନୀ ପ୍ରଥମ ଇନିଂସ ପ୍ରଥମ ଦିନରେ ଭାରତ ୧୮୫ ରନ କରିଥିଲା । ଏହାପରେ ଅଷ୍ଟ୍ରେଲିଆ ପାଳି ଆରମ୍ଭ କରିଥିଲା । ପ୍ରଥମ ଦିନ ଗୋଟିଏ ୱିକେଟ ହରାଇ ୯ ରନ କରିଥିଲା । ଭାରତକୁ ପ୍ରଥମ ସଫଳତା ଦେଇଥିଲେ ଯଶପ୍ରୀତ ବୁମରା । ଉସମାନ ଖ୍ବାଜା ୨ ରନ କରି ଆଉଟ ହୋଇଥିଲେ । ଆଜି (ଶନିବାର) ଦ୍ବିତୀୟ ଦିନ ଖେଳ ଆରମ୍ଭ କରିଥିଲା । ୧୫ତମ ଓଭରରେ ମାର୍ନସ ଲାବୁସେନ ୨ ରନ କରି ବୁମରାଙ୍କ ଶିକାର ହୋଇଥିଲେ । ଏହା ପରେ ସାମ କନଷ୍ଟାସ ୨୩ ରନ, ଟ୍ରେଭିସ ହେଡ ୪ ରନ କରି କରି ସିରାଜଙ୍କ ଶିକାର ହୋଇଥିଲେ ।

୨୭ ତମ ଓଭରରେ ଷ୍ଟିଭେନ ସ୍ମିଥ ୩୩ ରନ କରି ପ୍ରସିଦ୍ଧି କ୍ରିଷ୍ଣାଙ୍କ ବଲରେ ଆଉଟ ହୋଇଥିଲେ । ଦଳୀୟ ସ୍କୋର ୧୦୧ରେ ଅଷ୍ଟ୍ରେଲିଆ ୫ଟି ୱିକେଟ ହରାଇ ସାରିଥିଲା । ୩୭ତମ ଓଭରରେ ଆଲେକ୍ସ କ୍ୟାରୀ ୨୧ ରନ କରି ପ୍ରସିଦ୍ଧି କ୍ରିଷ୍ଣାଙ୍କ ବଲରେ ପାଭିଲିନୟନ ଫେରିଥିଲେ । ପାଟ କମିନ୍ସ ୧୦ରନ, ମିଚେଲ ଷ୍ଟାର୍କ ୧ ରନ କରି ନିତୀଶ କୁମାର ରେଡ୍ଡୀଙ୍କ ବଲରେ ଆଉଟ ହୋଇଥିଲେ । ବ୍ୟୁ ୱେବଷ୍ଟର ୫୭ ରନ କରି ପ୍ରସିଦ୍ଧି କ୍ରିଷ୍ଣା ଆଉଟ ହୋଇଥିଲେ । ସ୍କଡ ବୋଲାଣ୍ଡ ୯ ରନ କରି ସିରାଜଙ୍କ ଶିକାର ହୋଇଥିଲେ । ଅଷ୍ଟ୍ରେଲିଆ ୧୮୧ରନରେ ଅଲଆଉଟ ହୋଇଥିଲା । ବ୍ୟାଟର ବିଫଳ ହୋଇଥିଲେ ବି ବୋଲର ସ୍ଥିତି ସମ୍ଭାଳିଲେ । ଭାରତ ପକ୍ଷରୁ ମହମ୍ମଦ ସିରାଜ, ପ୍ରସିଦ୍ଧି କ୍ରିଷ୍ଣା ୩ଟି ଲେଖାଏଁ ୱିକେଟ ନେଇଛନ୍ତି । ଯଶପ୍ରୀତ ବୁମରା ଓ ନୀତିଶ ରେଡ୍ଡୀ ୨ଟି ଲେଖାଏଁ ୱିକେଟ ନେଇଛନ୍ତି ।

Tea on Day 2 in Sydney!

Mohd. Siraj with the final wicket and Australia are all out for 181 in the 1st innings.#TeamIndia with a lead of 4 runs.

Scorecard - https://t.co/NFmndHLfxu#AUSvIND pic.twitter.com/ksQazID2Do

— BCCI (@BCCI) January 4, 2025

ଆହତ ବୁମରା- ଗେମ୍ ମଝିରୁ ହଠାତ୍ ଗାଏବ ହୋଇଥିଲେ ଯଶପ୍ରୀତ ବୁମରା । ବିରାଟ କୋହଲି ଦଳର ନେତୃତ୍ବ ନେଇଥିଲେ  । ଖବର ମିଳିଛି କି ଯଶପ୍ରୀତ ବୁମରା ଆହତ ହୋଇଛନ୍ତି । ପଡିଆରେ ଅସୁସ୍ଥ ମନେ କରିବାରୁ ଡ୍ରେସିଂ ରୁମକୁ ଯାଇଥିଲେ ବୁମରା । ଆଘାତ ଲାଗିଥିବାରୁ ସ୍କାନିଂ ପାଇଁ ସେ ହସ୍ପିଟାଲ ଯାଇଥିବା ଜଣାପଡିଛି । ବୁମରାଙ୍କ ଅନୁପସ୍ଥିତିରେ କୋହଲି ଅଧିନାୟକତ୍ବ କରିଥିଲେ ।