ନୂଆଦିଲ୍ଲୀ,୦୪/୦୧: ଅଚାନକ କାହିଁକି ଭାରତୀୟ କ୍ରିକେଟ ଦଳକୁ ବାଦ ପଡିଲେ କ୍ୟାପ୍ଟେନ ରୋହିତ ଶର୍ମା । ସିଡନୀ ଟେଷ୍ଟରୁ କାହିଁକି ରହିଲେ ବାହାରେ । ବ୍ୟକ୍ତିଗତ ବିଫଳତା ନାଁ ଆଉ କିଛି ଏହି ପ୍ରଶ୍ନର ଉତ୍ତର ଖୋଜୁଛନ୍ତି ତାଙ୍କ ଫ୍ୟାନ୍ସ । ଦଳରୁ ରୋହିତ ବାଦ ପଡିବାକୁ ହଜମ କରିପାରୁନାହାନ୍ତି ତାଙ୍କ ପ୍ରଶଂସକ । ଏହାରି ଭିରତରେ ସିଡନୀ ଟେଷ୍ଟ ନ ଖେଳିବା ନେଇ ରୋହିତ ପ୍ରତିକ୍ରିୟା ଦେଇଛନ୍ତି । ସେ କହିଛନ୍ତି ମୁଁ ଅବସର ନେଇନାହିଁ । କେବଳ ଗୋଟିଏ ମ୍ୟାଚରୁ ଓହରିଛି । ଦଳର ହିତକୁ ଦୃଷ୍ଟିରେ ରଖି ଏହି ନିଷ୍ପତ୍ତି ନେଇଛି ବୋଲି କହିଛନ୍ତି ରୋହିତ ଶର୍ମା ।
ଭାରତ ଓ ଅଷ୍ଟ୍ରେଲିଆ ମଧ୍ୟରେ ବର୍ଡର-ଗାଭାସ୍କର ଟ୍ରଫିର ଅନ୍ତିମ ଟେଷ୍ଟ ସିଡନୀରେ ଖେଳାଯାଉଛି । ଏହି ଟେଷ୍ଟ ଖେଳୁନାହାନ୍ତି ଭାରତୀୟ ଦଳର ନିୟମିତ ଅଧିନାୟକ ରୋହିତ ଶର୍ମା । ତାଙ୍କ ସ୍ଥାନରେ ଦଳର ନେତୃତ୍ବ ନେଇଛନ୍ତି ଯଶପ୍ରୀତ ବୁମରା । ସିଡନୀ ଟେଷ୍ଟ ରୋହିତ ନ ଖେଳିବା ତାଙ୍କ ଫ୍ୟାନ୍ସଙ୍କୁ ଝଟକା ଦେଇଥିଲା । ରୋହିତଙ୍କ ଟେଷ୍ଟ କ୍ୟାରିୟର ଶେଷ ହୋଇଥିବା ଚର୍ଚ୍ଚା ହୋଇଥିଲା । ଏହାରି ଭିତରେ ପ୍ରତିକ୍ରିୟା ରଖିଛନ୍ତି ରୋହିତ ଶର୍ମା । ସେ କହିଛନ୍ତି, ମୁଁ ଅବସର ନେଇନାହିଁ, ଏହି ମ୍ୟାଚରୁ ଓହରିଛି । କେବଳ ଗୋଟିଏ ମ୍ୟାଚରୁ ବିଶ୍ରାମ ନେଇଛି । ଦଳର ହିତକୁ ଦୃଷ୍ଟିରେ ରଖି ଏହି ନିଷ୍ପତ୍ତି ନେଇଛି । ଖେଳର ୨ମାସ କିମ୍ବା ୫ମାସରେ ଫର୍ମ ବଦଳି ଯାଇପାରେ ।
ସେ ଆହୁରି କହିଛନ୍ତି,ସିଡନୀ ଟେଷ୍ଟରୁ ବାହରେ ବସିବା ମାନେ ନୁହେଁ ଅବସର ନେବା । ମୁଁ ନିଜେ ଦଳରୁ ବାଦ ରହିଛି । ଚୟନକର୍ତ୍ତା ଏବଂ କୋଚଙ୍କୁ କହିଥିଲି ମୋ ବ୍ୟାଟରୁ ରନ ବାହାରୁନାହିଁ ତେଣୁ ମୁଁ ସିଡନୀ ଟେଷ୍ଟ ନ ଖେଳିବାକୁ ନିଷ୍ପତ୍ତି ନେଇଛି । ଏବେ ରନ ହେଉନାହିଁ । ଏହାର କୌଣସି ଗ୍ୟାରେଣ୍ଟି ନାହିଁ କି ୫ମାସ ପରେ କିମ୍ବା ୨ ମାସ ପରେ ବି ରନ ହେବ ନାହିଁ । ମୁଁ କଠିନ ପରିଶ୍ରମ କରିବି । ଲ୍ୟାପଟପ, ପେନ୍ ଓ ପେପର ନେଇ ବାହାରେ ବସିଥିବା ଲୋକ ଏହା ନିଷ୍ପତ୍ତି ନେବେ ନାହିଁ କି ମୁଁ କେବେ ଅବସର ନେବି ଓ କଣ ନିଷ୍ପତ୍ତି ନେବି ।
ସିଡନୀ ଟେଷ୍ଟ ନ ଖେଳିବା ତାଙ୍କ ନିଜର ନିଷ୍ପତ୍ତି କି ବୋଲି ପ୍ରଶ୍ନର ଉତ୍ତରରେ ରୋହିତ କହିଛନ୍ତି, ମୋ କଥାବାର୍ତ୍ତା ବହୁତ ସିମ୍ପଲ ଥିଲା । ମୁଁ କହିଲି କି ମୁଁ ରନ କରିପାରୁ ନାହିଁ । ଏହି ସମୟରେ ଦଳକୁ ଏମିତି ଏକ ଖେଳାଳି ଦରକାର ଯିଏ ରନ କରିପାରିବେ । ଏହି କଥା ମୁଁ କୋଚ ଓ ଚୟନକର୍ତ୍ତାଙ୍କୁ କହିଥିଲି । ସେମାନେ ମୋ ସାଥ ଦେଇଥିଲେ । ଏହା ବୁଦ୍ଧିମାତାପୂର୍ଣ୍ଣ ନିଷ୍ପତ୍ତି ଥିଲା । ମଁ କେବଳ ତାହା କରିଛି ଯାହା ମୋତେ ଦଳ ପାଇଁ କରିବା ଆବଶ୍ୟକ ।
