ନୂଆଦିଲ୍ଲୀ,୦୫/୦୧: ସିଡନୀ ଟେଷ୍ଟ ନାଟକୀୟ ମୋଡରେ ତୃତୀୟ ଦିନ ଖେଳ ଆରମ୍ଭ ହୋଇଛି । ୧୪୫ରନ ଆଗୁଆ ଥିବା ଟିମ୍ ଇଣ୍ଡିଆ ୧୫୭ରନରେ ଅଲଆଉଟ ହୋଇଛି । ଅଷ୍ଟ୍ରେଲିଆକୁ ଜିତିବାକୁ ୧୬୨ରନ ଟାର୍ଗେଟ ଦେଇଥିବା ଟିମ୍ ଇଣ୍ଡିଆ । ଲଞ୍ଚ ବ୍ରେକ ସୁଦ୍ଧା ଅଷ୍ଟ୍ରେଲିଆ ୩ ୱିକେଟ ହରାଇ ୭୩ରନ କରିଛି । ଆଶା ଦେଲେ ପ୍ରସିଦ୍ଧି କ୍ରିଷ୍ଣା । ଏବେ ଜତିବାକୁ ଅଷ୍ଟ୍ରେଲିଆକୁ ୯୧ ରନ ଦରକାର ।

୧୪୫ ରନରେ ଆଗୁଆ ଥିବା ଟିମ୍ ଇଣ୍ଡିଆ ଆଜି (ରବିବାର) ୧୪୧/୬ରୁ ଖେଳ ଆରମ୍ଭ କରିଥିଲା । ରବୀନ୍ଦ୍ର ଜାଡେଜା ଓ ୱାଶିଂଟନ ସୁନ୍ଦର କ୍ରିଜରେ ଥିଲେ । ୩୮ତମ ଓଭରରେ ୧୨ ରନ କରି ୱାଶିଂଟନ ସୁନ୍ଦର କମିନ୍ସଙ୍କ ବଲରେ ଆଉଟ ହୋଇଥିଲେ । ଏହାପରେ ବୋଲାଣ୍ଡଙ୍କ ବଲରେ ୪ ରନ କରି ଆଉଟ ହୋଇଥିଲେ ମହମ୍ମଦ ସିରାଜ । ପର ବଲରେ ବୋଲାଣ୍ଡ ଯଶପ୍ରୀତ ବୁମରାଙ୍କୁ ଆଉଟ କରିଥିଲେ । ଖାତା ଖୋଲି ପାରିନଥିଲେ ବୁମରା । ଦଳୀୟ ସ୍କୋର ୧୫୭ରେ ଭାରତର ପାଳି ସରିଯାଇଥିଲା । ଅଷ୍ଟ୍ରେଲିଆକୁ ୧୬୨ ରନର ବିଜୟ ଲକ୍ଷ୍ୟ ଦେଇଥିଲା ଭାରତ ।

Innings Break!#TeamIndia have set a 🎯 of 1⃣6⃣2⃣ for Australia at the Sydney Cricket Ground.

Over to our bowlers

Live - https://t.co/NFmndHLfxu#AUSvIND pic.twitter.com/YPVt0oz2Lj

— BCCI (@BCCI) January 5, 2025

ଏହା ପରେ ବ୍ୟାଟିଂ ଆରମ୍ଭ କରିଥିଲା ଘରୋଇ ଅଷ୍ଟ୍ରେଲିଆ । ୩ ଓଭର ଖେଳରେ ଭାରତକୁ ପ୍ରଥମ ସଫଳତା ଦେଇଥିଲେ ୱାଶିଂଟନ ସୁନ୍ଦର। ୨୨ ରନ କରି ସାମ କନଷ୍ଟାସ ଆଉଟ ହୋଇଥିଲେ । ପରେ ପରେ ମାର୍ନସ ଲାବୁସେନ ୬ ରନ କରି ପ୍ରସିଦ୍ଧ କ୍ରିଷ୍ଣାଙ୍କ ବଲରେ ପାଭିଲିୟନ ଫେରିଥିଲେ । ପୁଣି ଆଉ ଏକ ସଫଳତା ଦେଇଥିଲେ କ୍ରିଷ୍ଣା । ଷ୍ଟିଭେନ ସ୍ମିଥ ୪ ରନ କରି କ୍ରିଷ୍ଣାଙ୍କ ବଲରେ ଆଉଟ ହୋଇଥିଲେ । ଲଞ୍ଚ ବ୍ରେକ ସୁଦ୍ଧା ଅଷ୍ଟ୍ରେଲିଆ ଦଳୀୟ ସ୍କୋର ୭୧ରେ ୩ଟି ୱିକେଟ ହରାଇଥିଲା । ଏବେ ଜିତିବାକୁ କଙ୍ଗାରୁ ଦଳକୁ ୯୧ ରନ ଦରକାର । ଭାରତକୁ ମ୍ୟାଚ କବଜାକୁ ଆଣିବାକୁ ହେଲେ ୱିକେଟ ପକାଇବାକୁ ହେବ ।