ନୂଆଦିଲ୍ଲୀ,୨୧/୧୨: ମେକ୍ସିକୋର କୁସ୍ତି ଯୋଦ୍ଧା ମିଷ୍ଟେରିଓ ସିନିୟରଙ୍କ ଦେହାନ୍ତ । ୬୬ ବର୍ଷ ବୟସରେ ଶେଷ ନିଶ୍ବାସ ତ୍ୟାଗ କରିଛନ୍ତି । ସେ WWE ତାରକା ରେ ମିଷ୍ଟେରିଓ ଜୁନିୟରଙ୍କ ସମ୍ପର୍କୀୟ ଥିଲେ। ମିଷ୍ଟେରିଓ ପ୍ରଥମେ ମେକ୍ସିକୋରେ ଲୁଚା ଲିବ୍ରେ ଦୃଶ୍ୟର ଏକ ଅଂଶ ଭାବରେ ପ୍ରତିଷ୍ଠିତ ହୋଇଥିଲେ । ୱାର୍ଲ୍ଡ ରେସଲିଂ ଆସୋସିଏସନ୍ ଏବଂ ଲୁଚା ଲିବ୍ରେ AAA ବିଶ୍ବବ୍ୟାପୀ ସଂଗଠନ ସହିତ ଟାଇଟଲ ଜିତିଥିଲେ । 

ମିଷ୍ଟେରିଓ ସିନିୟର, ତାଙ୍କ ପୁତୁରାଙ୍କ ପରି ଜଣେ ରେସଲର ଥିଲେ ଏବଂ ୧୯୭୬ ରେ ସେ ଏହି ଖେଳ ଆରମ୍ଭ କରିଥିଲେ । ମିଷ୍ଟେରିଓ ୧୯୫୫ମସିହାରେ ମେକ୍ସିକୋର ତିଜୁଆନାରେ ଜନ୍ମଗ୍ରହଣ କରିଥିଲେ। କୁସ୍ତି  ପୂର୍ବରୁ ସେ ବକ୍ସିଂରେ ନିଜର କ୍ୟାରିଅର୍ ଆରମ୍ଭ କରିଥିଲେ। ରେ ମିଷ୍ଟେରିଓଙ୍କ ପିତା ରବର୍ଟ ଗୁଟିରେଜଙ୍କ ମୃତ୍ୟୁର କିଛି ସପ୍ତାହ ପରେ ମିଷ୍ଟେରିଓଙ୍କ ମୃତ୍ୟୁ ଘଟିଛି।ଲୁଚା ଲିବ୍ରେ ଏଏ ଏକ ବିବୃତ୍ତିରେ କହିଛନ୍ତି, “ ଆମେ ତାଙ୍କ ପରିବାର ପ୍ରତି  ହୃଦୟରୁ ସମବେଦନା ଜଣାଉଛୁ । ତାଙ୍କ ଆତ୍ମାର ଶାନ୍ତି ପାଇଁ ପ୍ରାର୍ଥନା କରୁଛୁ। ” ଡିସେମ୍ବର ୨୦ ରେ ରେ ମିଷ୍ଟେରିଙ୍କ ପରିବାର ଲୋକେ ତାଙ୍କ ମୃତ୍ୟୁକୁ ନେଇ ସୂଚନା ଦେଇଥିଲେ ।