ମୁମ୍ବାଇ,୧୬/୦୩: ମହିଳା ପ୍ରିମିୟର ଲିଗ ବିଜେତା ହୋଇଛି ମୁମ୍ବାଇ ଇଣ୍ଡିଆନ୍ସ । ଫାଇନାଲରେ ଦିଲ୍ଲୀ କ୍ୟାପିଟାଲ୍ସକୁ ୮ରନରେ ହରାଇ ଚାମ୍ପିୟନ ହୋଇଛି ହର୍ମନପ୍ରୀତ କୌରଙ୍କ ନେତୃତ୍ବାଧୀନ ମୁମ୍ବାଇ । ଦ୍ବିତୀୟ ଥର ପାଇଁ ଡବ୍ଲୁପିଏଲ ଟାଇଟଲ ନିଜ ନାମରେ କରି ନେଇଛି ଦଳ । ମହିଳା ପ୍ରିମିୟର ଲିଗର ଛୋଟ ଇତିହାସରେ ଏକ ସଫଳ ଦଳ ହୋଇଛି ମୁମ୍ବାଇ ଇଣ୍ଡିଆନ୍ସ । ବିଜେତା ଦଳ ଉପରେ ଟଙ୍କା ବର୍ଷା ହୋଇଛି । ଟ୍ରଫି ସହ ଚାମ୍ପିୟନ ଦଳକୁ ପୁରସ୍କାର ରାଶି ବାବଦକୁ ୬ କୋଟି ଟଙ୍କା ମିଳିଛି । ଏହା ସହିତ ଅରେଞ୍ଜ କ୍ୟାପ, ପର୍ପଲ କ୍ୟାପ ଜିତିଥିଲା ଖେଳାଳିଙ୍କ ଉପରେ ମଧ୍ୟ ଟଙ୍କା ବର୍ଷା ହୋଇଛି ।
ବ୍ରାବୋର୍ନ୍ ଷ୍ଟାଡିୟମରେ ଡବ୍ଲୁପିଏଲ ଫାଇନାଲ ଫାଇଟ୍ ଖେଳାଯାଇଥିଲା । ଟସ୍ ଜିତି ପ୍ରଥମେ ବୋଲିଂ ନିଷ୍ପତ୍ତି ନେଇଥିଲା ଦିଲ୍ଲୀ କ୍ୟାପିଟାଲ୍ସ । ବ୍ୟାଟିଂ ଆମନ୍ତ୍ରଣ ପାଇଥିବା ମୁମ୍ବାଇ ନିର୍ଦ୍ଧାରିତ ୨୦ ଓଭରରେ ୭ ୱିକେଟ ହରାଇ ୧୪୯ ରନ କରିଥିଲା । ଦିଲ୍ଲୀକୁ ୧୫୦ରନ ବିଜୟ ଲକ୍ଷ୍ୟ ମିଳିଥିଲା । ହର୍ମନପ୍ରୀତ କୌର ସର୍ବାଧିକ ରନ୍ କରିଥିଲା । ସେ ୬୬ରନର ଇନିଂସ ଖେଳିଥିଲେ । ସ୍କିଭର-ବ୍ରଣ୍ଟ ୩୦ ରନ କରିଥିଲେ। ଛୋଟିଆ ବିଜୟ ଲକ୍ଷ୍ୟ ନେଇ ପାଳି ଆରମ୍ଭ କରିଥିଲା ଦିଲ୍ଲୀ । ଫଟାଫଟ ୱିକେଟ ହରାଇଥିଲା । ୯ ୱିକେଟ ହରାଇ ୧୪୧ ରନ କରିବାରେ ସକ୍ଷମ ହୋଇଥିଲା । ୮ ରନରେ ବାଜି ମାରି ନେଇଥିଲା ମୁମ୍ବାଇ ଇଣ୍ଡିଆନ୍ସ ।
କାହାକୁ ମିଳିଲା କେଉଁ ପୁରସ୍କାର ?
- ଚାମ୍ପୟନ ମୁମ୍ବାଇ ଇଣ୍ଡିଆନ୍ସକୁ ଟ୍ରଫି ସହ ୬ କୋଟି ଟଙ୍କାର ପୁରସ୍କାର ରାଶି ପ୍ରଦାନ କରାଯାଇଛି ।
- ରନର୍ସଅପ ବା ଉପବିଜେତା ଦିଲ୍ଲୀ କ୍ୟାପିଟାଲ୍ସକୁ ଟ୍ରଫି ସହ ୩ କୋଟି ଟଙ୍କା ପୁରସ୍କାର ରାଶି ମିଳିଛି ।
- ମୁମ୍ବାଇ ଇଣ୍ଡିଆନ୍ସର ଅଲରାଉଣ୍ଡର ସ୍କିଭର ବ୍ରେଣ୍ଟ ପ୍ଲେୟାର ଅଫ୍ ଦି ଟୁର୍ଣ୍ଣାମେଣ୍ଟ ହୋଇଛନ୍ତି ।
-ନେଟ ସ୍କିଭର-ବ୍ରେଣ୍ଟଙ୍କୁ ସର୍ବାଧିକ ୫୨୩ ରନ କରି ଅରେଞ୍ଜ କ୍ୟାପ ଜିତିବା ସହ ୫ ଲକ୍ଷ ଟଙ୍କା ପୁରସ୍କାର ଜିତିଛନ୍ତି ।
-ମୁମ୍ବାଇର ସ୍ପିନର ଏମୋଲିୟା କରେ ସର୍ବାଧିକ ୧୮ଟି ୱିକେଟ ନେଇ ପର୍ପଲ କ୍ୟାପ ଜିତିଛନ୍ତି । ତାଙ୍କୁ ମଧ୍ୟ ୫ ଲକ୍ଷ ଟଙ୍କା ପୁରସ୍କାର ରାଶି ମିଳିଛି ।
-ଯୁବା ଭରତୀୟ ଅଲରାଉଣ୍ଡର ଅମନଜୌତ କୌରଙ୍କୁ ଏମର୍ଜିଙ୍ଗ ପ୍ଲେୟାର ଅଫ୍ ଦି ସିରିଜ ଚୟନ କରାଯାଇଛି । ତାଙ୍କୁ ୫ ଲକ୍ଷ ଟଙ୍କା ମିଳିଛି ।
- WPL ଫେୟାର ପ୍ଲେ ଆୱାର୍ଡ ଗୁଜୁରାଟ ଜାଏଣ୍ଟ୍ସରକୁ ମିଳିଛି । ଦଳକୁ ଟ୍ରଫି ସହ ୫ ଲକ୍ଷ ଟଙ୍କା ପୁରସ୍କାର ରାଶି ମିଳିଛି ।
-ମୁମ୍ବାଇ ଇଣ୍ଡିଆନ୍ସ ଅଧିନାୟିକା ହର୍ମନପ୍ରୀତ କୌର ଫାଇନାଲରେ ପ୍ଲେୟାର ଅଫ୍ ଦି ମ୍ୟାଚ ବିବେଚିତ ହୋଇଛନ୍ତି । ତାଙ୍କୁ ୨.୫ ଲକ୍ଷ ଟଙ୍କା ପୁରସ୍କାର ରାଶି ମିଳିଛି ।
