ନୂଆଦିଲ୍ଲୀ,୧୩।୪: ଦେଶରେ ସାଇବର ଠକେଇ ମାମଲା ବହୁତ ବୃଦ୍ଧି ପାଇଛି। ଏବେ  ହ୍ୱାଟସଆପରେ ଏକ ନୂତନ ଠକେଇ କୌଶଳ ସାମ୍ନାକୁ ଆସିଛି, ଯାହାକୁ ବ୍ଲର ଇମେଜ୍ ସ୍କାମ୍ କୁହାଯାଏ। ଠକମାନେ ଲୋକଙ୍କ ଭାବନା ସହିତ ଖେଳି ଠକୁଛନ୍ତି। ଏହି ଠକେଇ ଏକ ଅସ୍ପଷ୍ଟ ଚିତ୍ରରୁ ଆରମ୍ଭ ହୁଏ ଏବଂ ଆପଣଙ୍କ ବ୍ୟାଙ୍କ ଆକାଉଣ୍ଟ ଖାଲି ହୋଇଯିବ କିମ୍ବା ଆପଣଙ୍କ ଡିଭାଇସ୍ ହ୍ୟାକ୍ ହେବା ସହିତ ଶେଷ ହୋଇପାରେ।

ଆପଣଙ୍କୁ କହିରଖୁଛୁ ଯେ ଏହି ଫାଶରେ ଫସାଇବା ପାଇଁ, ଠକମାନେ ଆପଣଙ୍କୁ ଏକ ଅଜଣା ନମ୍ବରରୁ ହ୍ୱାଟସଆପରେ ଏକ ବ୍ଲର ଇମେଜ ଅର୍ଥାତ୍ ଏକ ଝାପ୍ସା ଫଟୋ ପଠାନ୍ତି। ସେହି ଫଟୋ ସହିତ ଏକ ମେସେଜ୍ ଥାଏ। ଯାହା ଆପଣଙ୍କର କୌତୁହଳକୁ ବହୁତ ବଢ଼ାଇ ଦିଏ। ଏଥିରେ ଲେଖାଥାଏ "ଏହା କ'ଣ ଆପଣଙ୍କ ପୁରୁଣା ଫଟୋ?, ଆପଣ ଏଥିରେ ଅଛନ୍ତି କି? ଏହାକୁ ଦେଖନ୍ତୁ ଏ କିଏ..." ଏଭଳି ଭଳି ବାର୍ତ୍ତା ଦିଆଯାଇଥାଏ। ଏପରି ମେସେଜଗୁଡ଼ିକ ପଢ଼ିବା ପରେ, ଅଧିକାଂଶ ଲୋକ ସେହି ଫଟୋଟିକୁ ଖୋଲିବାକୁ ଚେଷ୍ଟା କରନ୍ତି। କ୍ଲିକ୍ କରିବା ମାତ୍ରେ, ଆପଣଙ୍କୁ ଏକ ନକଲି ଲିଙ୍କକୁ ଚାଲି ଯାଆନ୍ତି।   ଏହିଠାରୁ ଆପଣଙ୍କୁ ଠକିବାର ପ୍ରକ୍ରିୟା ଆରମ୍ଭ ହୁଏ। ଆପଣଙ୍କ OTP, ବ୍ୟାଙ୍କ ବିବରଣୀ କିମ୍ବା ବ୍ୟକ୍ତିଗତ ସୂଚନା ପଚରାଯାଏ। କେବେ କେବେ ଏହି ଲିଙ୍କ୍ ଆପଣଙ୍କ ଫୋନରେ ଭାଇରସ୍ କିମ୍ବା ମାଲୱେର୍ ଇନଷ୍ଟଲ୍ କରିଦିଏ।

ଏହି ଠକେଇ ମାଧ୍ୟମରେ ଆପଣଙ୍କ ବ୍ୟାଙ୍କ ଆକାଉଣ୍ଟରୁ ଟଙ୍କା ଗାଏବ ହୋଇପାରେ। ହ୍ୱାଟସଆପ, ଫେସବୁକ କିମ୍ବା ଇନଷ୍ଟାଗ୍ରାମ ଭଳି ସୋସିଆଲ ମିଡିଆ ଆକାଉଣ୍ଟ ହ୍ୟାକ ହୋଇପାରେ। ବ୍ୟକ୍ତିଗତ ଫଟୋ କିମ୍ବା ତଥ୍ୟ ଚୋରି ହୋଇପାରେ। ଫୋନଟି ଭାଇରସ କିମ୍ବା ସ୍ପାଏୱେୟାର ଦ୍ୱାରା ସଂକ୍ରମିତ ହେବାର ସମ୍ଭାବନା ଅଧିକ। ଏଥିରୁ ରକ୍ଷା ପାଇବା ପାଇଁ ଟୁ-ଷ୍ଟେପ୍ ଭେରିଫିକେସନ୍ ଅନ୍ ରଖନ୍ତୁ। ଆପଣଙ୍କ ଫୋନରେ ଏକ ଭଲ ଆଣ୍ଟି-ଭାଇରସ୍ ଆପ୍ ଇନଷ୍ଟଲ୍ ରଖନ୍ତୁ। ଯଦି ଭୁଲରେ କ୍ଲିକ୍ କରାଯାଏ, ତେବେ ତୁରନ୍ତ ପାସୱାର୍ଡ ପରିବର୍ତ୍ତନ କରନ୍ତୁ ଏବଂ ବ୍ୟାଙ୍କକୁ ଜଣାନ୍ତୁ।