କୋଲକାତା, ୧୬।୪: ବିବାହ ପରେ ସହମତିରେ ଅନ୍ୟ କାହା ସହ ଯୌନ ସମ୍ପର୍କ ରଖିବା ଅପରାଧ ନୁହେଁ । ଏଭଳି ରାୟ ଶୁଣାଇଛନ୍ତି କଲିକତା ହାଇକୋର୍ଟ । ଦୁଇ ଜଣ ବିବାହିତଙ୍କ ମଧ୍ୟରେ ଶାରୀରିକ ସମ୍ପର୍କ ଯଦି ଆରମ୍ଭରୁ ସହମତିରେ ହୋଇଥାଏ, ଏହା ଅପରାଧ ନୁହେଁ । କାରଣ ଶାରୀରିକ ସମ୍ପର୍କ ପାଇଁ ପ୍ରାରମ୍ଭିକ ସମ୍ମତି ପାରସ୍ପରିକ ଆକର୍ଷଣ ଉପରେ ଆଧାରିତ ବୋଲି ଧରାଯିବ । ରିପୋର୍ଟ ଅନୁଯାୟୀ, କଲିକତା ହାଇକୋର୍ଟର ଜଳପାଇଗୁଡ଼ି ସର୍କିଟ୍ ବେଞ୍ଚ କହିଛନ୍ତି ଯେ, ଦୁଇଜଣ ବିବାହିତ ମଧ୍ୟରେ ଶାରୀରିକ ସମ୍ପର୍କ, ଯଦି ଆରମ୍ଭରୁ ସହମତିରେ ହୋଇଥାଏ, ତେବେ ଏହା ଅପରାଧ ନୁହେଁ । କାରଣ ଉଭୟ ପକ୍ଷ ବିବାହିତ ହେବା ସଙ୍ଗେ ସଙ୍ଗେ ପରସ୍ପରର ବୈବାହିକ ସ୍ଥିତି ବିଷୟରେ ଅବଗତ । ଏପରି ପରିସ୍ଥିତିରେ ଦିଆଯାଇଥିବା ସମ୍ମତିକୁ ମିଥ୍ୟା ପ୍ରତିଶ୍ରୁତି ଦ୍ୱାରା ବାଧ୍ୟ କିମ୍ବା ଭ୍ରମିତ କରାଯିବା ପରିବର୍ତ୍ତେ ସହମତିରେ ବିବେଚନା କରାଯିବ ।
ବିଚାରପତି ପୁରୁଷଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାକୁ ରଦ୍ଦ କରି କହିଛନ୍ତି, ଅଭିଯୁକ୍ତଙ୍କର କୌଣସି “ଗୁପ୍ତ ଉଦ୍ଦେଶ୍ୟ”ନଥିଲା କାରଣ ଏଥିରେ ଉଭୟ ପକ୍ଷଙ୍କ ସହମତି ଥିଲା । ବିବାହିତ ମହିଳା କହିଥିଲେ ଯେ, ବିବାହିତ ପୁରୁଷ ତାଙ୍କୁ ବିବାହର ମିଥ୍ୟା ପ୍ରତିଶ୍ରୁତି ଦେଇ ଘନିଷ୍ଠ ସମ୍ପର୍କରେ ପ୍ରଲୋଭିତ କରିଥିଲେ । ମହିଳା ଜଣକ ୨୦୨୪ ସେପ୍ଟେମ୍ବର ୮ରେ ଅଭିଯୋଗ ଦାଖଲ କରିଥିଲେ । ରିପୋର୍ଟ ଅନୁଯାୟୀ, ଉଭୟ ବିବାହିତ ଏବେ ସେମାନେ ୨ ବର୍ଷ ଧରି ଶାରୀରିକ ସମ୍ପର୍କରେ ଥିଲେ । ମହିଳାଙ୍କ ସ୍ୱାମୀ ଏହା ଜାଣିବା ପରେ ତାଙ୍କ ସହିତ ରହିବାକୁ ସିଧାସଳଖ ମନା କରିଦେଇଥିଲେ ଏବଂ ତାଙ୍କ ସହ ସମ୍ପର୍କ ରଖିଥିବା ପୁରୁଷଙ୍କୁ ବିବାହ କରିବାକୁ କହିଥିଲେ । ମହିଳା ଜଣକ ଶାରୀରିକ ସମ୍ପର୍କ ରଖିଥିବା ପୁରୁଷଘ୍କୁ ପଚାରିବାକୁ ସେ ତାଙ୍କୁ ବିବାହ କରିବାକୁ ମନା କଲେ । ତେଣୁ ମହିଳା ଜଣକ ତାଙ୍କ ବିରୁଦ୍ଧରେ ମାୟନାଗୁଡ଼ି ପୋଲିସ ଷ୍ଟେସନରେ ବିଏନ୍ଏସ୍ର ଧାରା ୬୯ ଏବଂ ୩୫୧(୨) ଅନୁଯାୟୀ ଏକ ମାମଲା ରୁଜୁ କରିଥିଲେ ।
