ନୂଆଦିଲ୍ଲୀ,୨୩।୧୦:ଋଷର କଜାନରେ ଆୟୋଜିତ ବ୍ରିକ୍ସ ଶିଖର ସମ୍ମିଳୀନରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦୁନିଆକୁ ଶାନ୍ତିର ବାର୍ତ୍ତା ଦେଇଛନ୍ତି। ମୋଦି କହିଛନ୍ତି, ଆଜିର ବୈଠକର ସୁନ୍ଦର ଆୟୋଜନ କରିବା ପାଇଁ ରାଷ୍ଟ୍ରପତି ବ୍ଲାଡିମିର ପୁଟିନଙ୍କୁ ହାର୍ଦ୍ଦିକ ଅଭିନନ୍ଦନ ବ୍ୟକ୍ତ କରୁଛି। ମୋତେ ବହୁତ ଖୁସି ଯେ, ଆଜ ଆମେ ପ୍ରଥମ ଥର ବିସ୍ତାରିତ ବ୍ରିକ୍ସ ଫ୍ୟାମିଲି ଭାବରେ ଭେଟିଲୁ। ବ୍ରିକ୍ସ ପରିବାର ସହ ଯୋଡି ହୋଇଥିବା ସବୁ ନୂଆ ସଦସ୍ୟ ଓ ସାଥୀଙ୍କୁ ମୁଁ ହାର୍ଦ୍ଧିକ ଅଭିନନ୍ଦନ କରୁଛି।
ପ୍ରଧାନମନ୍ତ୍ରୀ ମୋଦି କହିଛନ୍ତି, ଗତ ଏକ ବର୍ଷରେ ଋଷରେ ସଫଳ ଅଧ୍ୟକ୍ଷତା ପାଇଁ ରାଷ୍ଟ୍ରପତି ପୁଟିନ୍ଙ୍କୁ ଅଭିନନ୍ଦ ଜଣାଉଛି। ବନ୍ଧୁମାନେ ଆମ ବୈଠକ ଏଭଳି ସମୟରେ ହେଉଛି, ଯେତେବେଳେ ବିଶ୍ବ ଯୁଦ୍ଧ, ସଂଘର୍ଷ, ଆର୍ଥିକ ଅନିଶ୍ଚିତତା, କ୍ଲାଇମେଯ୍ ଚେଞ୍ଜ, ଆତଙ୍କବାଦୀ ଭଳି ଅନେକ ଚ୍ୟାଲେଞ୍ଜରେ ଘେରି ରହିଛି। ବିଶ୍ବରେ ନର୍ଥ-ସାଉଥ୍ ଓ ପୂର୍ବ-ପଶ୍ଚିମକୁ ଭାଙ୍ଗିବା ନେଇ କଥା ହେଉଛି। ଆମେ ଯୁଦ୍ଧ ନୁହେଁ, ଆଲୋଚନା ଓ କୁଟନୀତିର ସମର୍ଥନ କରୁ। ଯେଉଁଭଳି ଭାବରେ ଆମେ ମିଳିମିଶି କୋଭିଡ୍ ଭଳି ମହାକାରୀକୁ ପରାସ୍ତ କରିଛୁ ସେଭଳି ଭାବି ପୀଢି ସୁରକ୍ଷିତ, ସଶକ୍ତ ଓ ସମୃଦ୍ଧ ଭବିଷ୍ୟତ ପାଇଁ ନୂଆ ଅବସର ସୃଷ୍ଟି କରିବାରେ ସମ୍ପୂର୍ଣ୍ଣ ଭାବରେ ସକ୍ଷମ।
ଆତଙ୍କବାଦ ଓ ଟେରର ଫଣ୍ଡିଂର ମୁକାବିଲ ପାଇଁ ଆମେ ସବୁ ଏକମତ ହୋଇ ଦୃଢତାର ସହ ସହଯୋଗ କରିବାକୁ ହେବ। ଏଭଳି ଗଭୀର ବିଷୟ ଉପରେ ଦୋହରା ମାପଦଣ୍ଡ ପାଇଁ କୌଣସି ସ୍ଥାନ ନାହିଁ। ଆମ ଯୁବପୀଢିଙ୍କ ମଧ୍ୟରେ କଠୋରତାକୁ ରୋକିବା ପାଇଁ ଆମେ ସକ୍ରିୟ ଭାବରେ ପାଦ ଉଠାଇବା ଦରକାର। ଜାତିସଂଘରେ ଅନ୍ତର୍ଜାତୀୟ ଆତଙ୍କବାଦ ଉପରେ ବ୍ୟାପକ ସମ୍ମିଳନୀରେ ଦୀର୍ଘ ଦିନ ଧରି ପଡି ରହିଥିବା ପ୍ରସଙ୍ଗରେ ଆମକୁ ଏକାଠି କାମ କରିବାକୁ ହେବ। ସେଭଳି ସାଇବର ସିକ୍ୟୁରିଟି, ସେଫ୍ ଓ ସିକ୍ୟୁର ଏଆଇ ପାଇଁ ଗ୍ଲୋବାଲ ନିୟମ ପାଇଁ କାମ କରିବା ଦରକାର।