ମୁମ୍ବାଇ, ୧୦/୪ : ବିରାଟ କେହାଲୀ ତାଙ୍କୁ କିଏ ବା ନ ଜାଣେ । ତାଙ୍କର ଫ୍ୟାନ୍ସମାନେ ତାଙ୍କୁ ବହୁ ଉତ୍ସୁକତାର ସହ ଅପେକ୍ଷା କରିଥାନ୍ତି ତାଙ୍କର ଟିକେ ଝଲକ ପାଇବା ପାଇଁ। ଯେମିତି ଖେଳ ସେମିତି ଷ୍ଟାଇଲ୍ । ରେକର୍ଡ଼ କରିବାରେ ମାହିର । ଏବେ ପୁଣି ତାଙ୍କ ନାଁରେ ଆଉ ଏକ ରେକର୍ଡ଼ ହୋଇଛି । ଆଇପିଏଲ୍ ଇତିହାସରେ ସେ ଏହି ନୂଆ ରେକର୍ଡ଼ ଯୋଡ଼ିଛନ୍ତି ।
ସେ ଦିଲ୍ଲୀ କ୍ୟାପିଟାଲ୍ସ ବିପକ୍ଷରେ ଗୁରୁବାର ୨୨ରନ୍ର ପାଳି ଖେଳିଛନ୍ତି । କୋହଲୀ ଏହି ସମୟରେ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁର ଲାଗି ବ୍ୟାଟିଂ କରି ଦୁଇଟି ଛକ୍କା ଏବଂ ଗୋଟିଏ ଚୌକା ଲଗାଇଛନ୍ତି । ବିରାଟ ଏହା ଫଳରେ ଆଇପିଏଲରେ ୧୦୦୦ବାଉଣ୍ଡ୍ରୀର ସଂଖ୍ୟା ଛୁଇଁ ନେଇଛନ୍ତି । ସେ ଏଭଳି କରିବାରେ ଆଇପିଏଲ୍ ଇତିହାସରେ ପ୍ରଥମ ଖେଳାଳୀ ହୋଇଛନ୍ତି ।
ବିରାଟ କୋହଲୀ ଆଇପିଏଲରେ କେବଳ ଆରସିବି ଲାଗି ହିଁ ମ୍ୟାଚ୍ ଖେଳିଛନ୍ତି । ସେ ୨୦୦୮ରୁ ଏବେ ପର୍ଯ୍ୟନ୍ତ ୨୪୮ମ୍ୟାଚ୍ ଖେଳିସାରିଛନ୍ତି । ଏହି ସମୟରେ ୭୨୧ଚୌକା ଏବଂ ୨୭୯ଛକ୍କା ଲଗାଇଛନ୍ତି । ବିରାଟ ଏହିଭଳି ଭାବେ ୧ହଜାର ବାଉଣ୍ଡ୍ରୀ ପୂରା କରିନେଇଛନ୍ତି । ସେ ଏଭଳି କରିବାରେ ଇତିହାସର ପ୍ରଥମ ଖେଳାଳୀ ହୋଇଛନ୍ତି । ଏହି ଲିଷ୍ଟରେ ଦ୍ବିତୀୟ ନମ୍ବରରେ ଶିଖର ଧଓ୍ବନ ଅଛନ୍ତି । ଧଓ୍ବନ ଆଇପିଏଲରେ ୯୨୦ବାଉଣ୍ଡ୍ରୀ ଲଗାଇଛନ୍ତି।
ଯଦି ଆମେ ଆଇପିଏଲରେ ସବୁଠାରୁ ଅଧିକ ବାଉଣ୍ଡ୍ରୀର କଥା କହିବା ତେବେ ଟପ୍ ଖେଳାଳୀଙ୍କ ଲିଷ୍ଟରେ ୩ଭାରତୀୟ ଖେଳାଳୀ ଅଛନ୍ତି । କୋହଲୀ ଏବଂ ଧଓ୍ବନଙ୍କ ସହ ଏହି ଲିଷ୍ଟରେ ରୋହିତ ଶର୍ମା ବି ସାମିଲ ଅଛନ୍ତି । ରୋହିତ ଖବର ଲେଖାହେବା ପର୍ଯ୍ୟନ୍ତ ଆଇପିଏଲରେ ୨୫୬ରନର ମ୍ୟାଚ୍ ଖେଳିଛନ୍ତି । ସେ ଏହି ସମୟରେ ୨୮୨ଛକ୍କା ଏବଂ ୬୦୩ଚୌକା ଲଗାଇଛନ୍ତି । ରୋହିତ ପ୍ରାୟ ୮୮୫ବାଉଣ୍ଡ୍ରୀ ଲଗାଇଛନ୍ତି । ସେ ଓଭେରାଲ ଲିଷ୍ଟରେ ଚତୁର୍ଥ ନମ୍ବରରେ ଅଛନ୍ତି। ତୃତୀୟ ନମ୍ବରରେ ଡେଭିଡ ଓ୍ବାର୍ଣ୍ଣର ଅଛନ୍ତି । ଓ୍ବାର୍ଣ୍ଣର ୮୯୯ବାଉଣ୍ଡ୍ରୀ ଲଗାଇଛନ୍ତି । କ୍ରିସ ଗେଲ ୫ନମ୍ବରରେ ଅଛନ୍ତି। ଗେଲ୍ ୭୬୧ବାଉଣ୍ଡ୍ରୀ ଲଗାଇଛନ୍ତି ।
