ମୁମ୍ବାଇ, ୧୭/୪ : କଋଣ ନାୟର ବୁଧବାର ରାଜସ୍ଥାନ ରୟାଲ୍ସ ବିପକ୍ଷରେ ୩ବଲରେ ବିନା କୌଣସି ରନ୍ କରି ଆଉଟ ହୋଇଛନ୍ତି । ଏହି ସମୟରେ ସେ ଏକ ଅଲୋଡ଼ା ରେକର୍ଡ଼ ନିଜ ନାଁରେ କରିଛନ୍ତି । ଦିଲ୍ଲୀ ଏବଂ ରାଜସ୍ଥାନ ମ୍ୟାଚ୍ ଟାଇ ହୋଇଯାଇଛି। ଯାହା ପରେ ମ୍ୟାଚ୍ ସୁପରଓଭରକୁ ଚାଲି ଯାଇଥିଲା । ସୁପର ଓଭରରେ ଦିଲ୍ଲୀ ରାଜସ୍ଥାନକୁ ହରାଇ ମ୍ୟାଚ୍ ଉପରେ କବ୍ଜା କରି ନେଇଥିଲା ।
ରିପୋର୍ଟ ଅନୁସାରେ ନାୟର ଆଇପିଏଲ ଇତିହାସରେ ୫ଟାଇ ମ୍ୟାଚର ଭାଗିଦାରୀ ହେବାରେ ପ୍ରଥମ ଖେଳାଳୀ ହୋଇଯାଇଛନ୍ତି । ନାୟର ପ୍ରଥମେ ୨୦୧୩ରେ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁର ତରଫରୁ ସନରାଇଜର୍ସ ହାଇଦ୍ରାବାଦ ବିପକ୍ଷ ଟାଇ ମ୍ୟାଚ୍ ଖେଳିଥିଲେ । ରାଜସ୍ଥାନ ରୟାଲ୍ସ ତରଫରୁ ଖେଳିଥିବା ନାୟର ଦୁଇ ଟାଇ ମ୍ୟାଚ୍ ଖେଳିଛନ୍ତି । ପ୍ରଥମେ ଆଇପିଏଲ୍ ୨୦୧୪ରେ କୋଲକାତା ନାଇଟ ରାଇଡର୍ସ ବିପକ୍ଷ ସେହିଭଳି ଦ୍ବିତୀୟ ଆଇପିଏଲ ୨୦୧୫ରେ ପଞ୍ଜାବ କିଙ୍ଗ୍ସ ବିପକ୍ଷରେ ଖେଳିଥିଲେ ।
ନାୟର ଚତୁର୍ଥ ଟାଇ ମ୍ୟାଚ୍ ପଞ୍ଜାବ କିଙ୍ଗ୍ସ ଲାଗି ଦିଲ୍ଲୀ କ୍ୟାପିଟାଲ୍ସ ବିପକ୍ଷ ଆଇପିଏଲ୍ ୨୦୨୦ରେ ଖେଳିଥିଲେ । ଦିଲ୍ଲୀ ଏବଂ ରାଜସ୍ଥାନ ମଧ୍ୟରେ ଟାଇ ମ୍ୟାଚ୍ ନାୟରଙ୍କ ୫ମ ଟାଇ ମ୍ୟାଚ୍ ଥିଲା । ଦିଲ୍ଲୀ ଏହି ସିଜନରେ ଏହା ୬ମ୍ୟାଚରୁ ୫ରେ ବିଜୟ ଅଟେ । ଏହି ବିଜୟ ସହ ଦିଲ୍ଲୀ ପଏଣ୍ଟ୍ସ ଟେବୁଲରେ ୧୦ସଂଖ୍ୟା ସହ ଟପ୍ରେ ପହଞ୍ଚି ଯାଇଛି । ଯାହାକି ରାଜସ୍ଥାନର ଏହା ଏହି ସିଜନର ୫ମ ପରାଜୟ ଥିଲା । ରାଜସ୍ଥାନ ୨ଅଙ୍କ ସହ ପଏଣ୍ଟ୍ସ ଟେବୁଲରେ ୮ମ ସ୍ଥାନରେ ରହିଛି ।
