ନୂଆଦିଲ୍ଲୀ,୧୭।୪: ବର୍ଡର ଗାଭାସ୍କର ଟ୍ରଫିରେ ଭାରତର ଥିଲା ନୈରାଶ୍ୟଜନକ ପ୍ରଦର୍ଶନ। ଅଷ୍ଟେ୍ରଲିଆଠାରୁ ଲଜ୍ଜାଜନକ ପରାଜୟ ପରେ ଭାରତୀୟ କ୍ରିକେଟ କନଟ୍ରୋଲ ବୋର୍ଡର ବଡ଼ ଆକ୍ସନ। ଟିମ୍ ସର୍ପୋଟ ଷ୍ଟାଫ୍ଙ୍କ ଉପରେ ପଡିଲା ଚଡକ। ଜଣେ ନୁହେଁ, ଏକାଥରକେ ତିନି ଜଣଙ୍କୁ କଲ ବିଦା। ଏହି ସମସ୍ତେ ହେଡ୍ କୋଚ୍ ଗୌତମ୍ ଗମ୍ଭୀରଙ୍କ ଥିଲେ ଖୁବ୍ ଘନିଷ୍ଠ।
ଆଇପିଏଲ ଚାଲିଥିବା ବେଳେ ବିସିସିଆଇର ବଡ଼ ଆକ୍ସନ। ଟିମ୍ ଇଣ୍ଡିଆର ହେଡ୍ କୋଚ୍ ଗୌତମ ଗମ୍ଭୀରଙ୍କ ୩ ସପୋର୍ଟ ଷ୍ଟାଫ୍ ହୋଇଛନ୍ତି ବିଦା। ଏହି କାର୍ଯ୍ୟାନୁଷ୍ଠାନ ଅଷ୍ଟେ୍ରଲିଆ ବିପକ୍ଷ ଟେଷ୍ଟ ସିରିଜରେ ଲଜ୍ଜାଜନକ ପରାଜୟ ଏବଂ ଡ୍ରେସିଂ ରୁମ୍ର କଥା ବାହାରେ ଲିକ୍ ହେବାପରେ ନିଆଯାଇଛି। ଗମ୍ଭୀରଙ୍କୁ ନିଜ ପସନ୍ଦର ଲୋକଙ୍କୁ ସପୋର୍ଟ ଷ୍ଟାଫ୍ ରଖିବାର କ୍ଷମତା ଦିଆଯାଇଥିଲା। ବରଖାସ୍ତ ଏହି ୩ ସପୋର୍ଟ ଷ୍ଟାଫ୍ ଗମ୍ଭୀରଙ୍କ ଖୁବ୍ ଘନିଷ୍ଠ ଥିଲେ।
ବିସିସିଆଇ ଆସିଷ୍ଟାଣ୍ଟ କୋଚ୍ ଅଭିଷେକ ନାୟରଙ୍କୁ ବାହାର କରିଛି। ସେ ୮ ମାସ ପୂର୍ବରୁ ଟିମ୍ ଇଣ୍ଡିଆର କୋଚିଂ ଡିପାର୍ଟମେଣ୍ଟ ଜଏନ୍ କରିଥିଲେ। ଏହାଛଡା ଫିଲ୍ଡିଂ କୋଚ୍ ଟି.ଦିଲ୍ଲୀପ ଓ ଟ୍ରେନ୍ର ସୋହମ ଦେସାଇଙ୍କ ମଧ୍ୟ ହୋଇଛି ଛୁଟି। ଦୁହେଁ ଗତ ୩ ବର୍ଷ ହେବ ଟିମ୍ ଇଣ୍ଡିଆରେ କାମ କରୁଥିଲେ। ଅଭିଷେକଙ୍କୁ ଗମ୍ଭୀରଙ୍କ ଖୁବ୍ ଘନିଷ୍ଠ ବୋଲି କୁହାଯାଏ। ଦୁହେଁ କୋଲକାତା ନାଇଟ୍ ରାଇଡର୍ସରେ ଏକାଠି କାମ କରିସାରିଛନ୍ତି। ଏବେ ତାଙ୍କ ସ୍ଥାନରେ ଖୁବ୍ ଶୀଘ୍ର ନୂତନ ନିଯୁକ୍ତି କରାଯାଇପାରେ। କାରଣ ଆଗକୁ ଜୁନ୍ ୨୦ ରେ ଇଂଲଣ୍ଡ ବିପକ୍ଷ ୫ ମ୍ୟାଚ୍ ବିଶିଷ୍ଟ ଟେଷ୍ଟ ସିରିଜ୍ ଆରମ୍ଭ ହେବାକୁ ଯାଉଛି। ତା ପୂର୍ବରୁ ଖାଲି ଥିବା ପଦ ଗୁଡିକୁ ପୂରଣ କରାଯିବ।
