ନୂଆଦିଲ୍ଲୀ,୧୭।୪: ଗୋଲ୍ଡେନ ବୟ ନୀରଜ ଚୋପ୍ରା ପୁଣି ଦେଖାଇଲେ କମାଲ। ଭାରତ ପାଇଁ ଦୁଇଟି ଅଲିମ୍ପିକ ପଦକ ଆଣି ସାରିଥିବା ନୀରଜ ବୁଧବାର ଆଉ ଏକ ସ୍ବର୍ଣ୍ଣ ପଦକ ଜିତିଛନ୍ତି। ସାଉଥ୍ ଆଫ୍ରିକାର ପେଟଚେଫଷ୍ଟୁମ୍ରେ ପଟ୍ ଇନଭେଟସନାଲ ଟ୍ରାକ୍ ଟୁର୍ଣ୍ଣାମେଣ୍ଟ ଜିତି ଗୋଲ୍ଡ ମେଡାଲ ନିଜ ନାଁରେ ସେ କହିଛନ୍ତି। ଏହି ଇଭେଣ୍ଟରେ ନୀରଜ ୮୪.୫୨ ମିଟର ଜାଭେଲିନ୍ ଥ୍ରୋ କରି ପ୍ରଥମ ସ୍ଥାନରେ ରହିଥିଲେ। ଏହା ସହ ନିଜର ନାଁରେ କରିଥିଲେ ସ୍ବର୍ଣ୍ଣପଦକ। ଏହି ଟୁର୍ଣ୍ଣାମେଣ୍ଟ ଜିତିବା ପରେ ନିରଜଙ୍କ ଆତ୍ମବିଶ୍ବାସ ଡାଇମଣ୍ଡ ଲିଗ୍ ଟୁର୍ଣ୍ଣାମେଣ୍ଟ ପାଇଁ ବଢିବ।
ନୀରଜ ସାଉଥ୍ ଆଫ୍ରିକାରେ ଜାଭେଲିନ୍ ଥ୍ରୋୟର ଡି ସ୍ମିଟ୍ଙ୍କଠାରୁ ଖୁବ୍ ଆଗରେ ରହିଥିଲେ। ସେ ୮୨.୪୪ ମିଟର ପର୍ଯ୍ୟନ୍ତ ଥ୍ରୋ କରିଥିଲେ। ନିରଜ ୬ ଖେଳାଳିଙ୍କ ଭିତରେ ଚାଲିଥିବା ଫାଇନାଲ ମ୍ୟାଚ୍ରେ ଟପ୍ ପୋଜିସନ୍ରେ ଥିଲେ। ନୀରଜ ସେଠାରେ ୮୪.୫୨ ମିଟର ପର୍ଯ୍ୟନ୍ତ ଜାଭେଲିନ୍ ଥ୍ରୋ କରିଥିଲେ। ଯଦିଓ ତାଙ୍କର ବ୍ୟକ୍ତିଗତ ବେଷ୍ଟ ଥ୍ରୋ ରହିଛି ୮୯.୯୪ ମିଟର। ସ୍ମିଟ୍ ନିଜର ବେଷ୍ଟ ଥ୍ରୋ ୮୩.୨୯ ମିଟର ପାଖାପାଖି ପହଁଞ୍ଚିଥିଲେ। ଏହି ଇଭେଣ୍ଟରେ ତୃତୀୟ ନମ୍ବରରେ ଡଙ୍କନ ରବର୍ଟସନ୍ ଥିଲେ, ଯିଏକି ୭୧.୨୨ ମିଟର ଥ୍ରୋ କରିଥିଲେ।
ନୀରଜଙ୍କ ଆଗାମୀ ବଡ଼ ଇଭେଣ୍ଟ ୧୬ ମଇରେ ଦୋହା ଡାଇମଣ୍ଡ ଲିଗ୍ରେ ରହିଛି। ସେଠାରେ ତାଙ୍କୁ କଡା ଚ୍ୟାଲେଞ୍ଜର ସମନା କରିବାକୁ ପଡିବ। ୨୦୨୪ ପ୍ୟାରିସ୍ ଅଲିମ୍ପିକ୍ରେ ନୀରଜ ୮୯,୪୫ ମିଟର ଥ୍ରୋ ସହ ବ୍ରୋଞ୍ଜ ପଦକ ଜିତିଥିଲେ। ସେଭଳି ପାକିସ୍ତାନର ଅର୍ଶଦ ନଦମୀ ୯୨.୯୭ ମିଟର ନୂଆ ଅଲିମ୍ପିକ ରେକର୍ଡ ସହ ସ୍ବର୍ଣ୍ଣ ପଦକ ଜିତିଥିଲେ। ଯେତେ ସିଜିନ୍ ପାଖେଇ ଆସୁଛି ସମସ୍ତଙ୍କ ନଜର ନିରଜଙ୍କ ଉପରେ ରହିବ। କ’ଣ ନଦୀମ ରେକର୍ଡକୁ ଚ୍ୟାଲେଞ୍ଜ ଦେଇପାରିବେ କି ନାହିଁ। ଆଜିକାଲି ନୀରଜ ନିଜର ନୂଆ କୋଚ୍ ଚେକ୍ ଗଣରାଜ୍ୟର ଜାନ୍ ଜେଲେଜନିଙ୍କ ତତ୍ତ୍ବାବଧାନରେ ପୋଟଚେଫଷ୍ଟୁମ୍ରେ ପ୍ରାକ୍ଟିସ୍ କରୁଛନ୍ତି।
