ଭୁବନ,୧୯/୦୭: ଭୁବନ ଥାନା ମାର୍ଥାପୁର ଗ୍ରାମ ମାଳବନ୍ଧରୁ ବେଆଇନ ଗୋରୁ ବୋଝେଇ ଟାଟାଏସି ଗାଡି ଜବତ ଜବତ ହୋଇଛି। ଗୋ-ଚାଲାଣ ଅଭିଯୋଗରେ ଦୁଇ ଜଣ ଗିରଫ ହୋଇଛନ୍ତି। ହରିପୁର ହାଟରୁ କଲିକତାକୁ ହେଉଥିଲା ଚାଲାଣ।

ସୂଚନା ଅନୁଯାୟୀ, ସୁରପ୍ରତାପପୁର ଫାଣ୍ଡି ଅଧିକାରୀ ସୌଭାଗ୍ୟ ପାଣି ଗୋରୁ ବୋଝେଇ ଗାଡି ଚାଲାଣ ହେଉଥିବା ନେଇ ବିଶେଷ ସୂତ୍ରରୁ ଖବର ପାଇଥିଲେ।  ଏହାପରେ ମାର୍ଥାପୁର ଗ୍ରାମ ମାଳବନ୍ଧ ନିକଟରୁ ଟାଟାଏସି ଗାଡିକୁ ଜବତ କରିବା ସହ ଦୁଇ ଡ୍ରାଇଭରଙ୍କୁ ଗିରଫ କରିଛନ୍ତି। ଗିରଫ ଅଭିଯୁକ୍ତମାନେ ହେଉଛନ୍ତି କାମାକ୍ଷାନଗର ଥାନା ଅନ୍ତର୍ଗତ ଅରଚୁଆ ଗାଁର ବିକାଶ ପାତ୍ର ଏବଂ ସୁରପ୍ରତାପପୁର ଫାଣ୍ଡି ଅନ୍ତର୍ଗତ ଓଢଣା ଗାଁର ବିର ବିଶ୍ବାଳ । ଯାଜପୁର ଜିଲ୍ଲା ସୁକିନ୍ଦା ଥାନା ଅନ୍ତର୍ଗତ ହରିପୁର ହାଟରେ ହଜାରହଜାର ଗୋରୁ  ବେପାର ହୋଇଥାଏ । ସେଠାରୁ କଲିକତାକୁ ବେଆଇନ ଚାଲାଣ ମଧ୍ୟ କରାଯାଏ । ତେବେ ଏହି ହାଟକୁ ପ୍ରତିଦିନ ସମ୍ବଲପୁର, ସୁନ୍ଦରଗଡ, ଅନଗୁଳ ଓ ତାଳଚେର ଅଞ୍ଚଳରୁ ବିଭିନ୍ନ ଗାଡିରେ ଅମାନୁସିକ ଭାବରେ ଭୁବନ ଥାନା ଦେଇ ହରିପୁର ହାଟକୁ ଗୋରୁ ଚାଲାଣ ହୋଇଥାଏ । ଏସବୁ ପରେ ମଧ୍ୟ ଭୁବନ ଥାନା ପୋଲିସ ଜାଣି ନଜାଣିଲା ପରି ହେଉଥିବା ଅଭିଯୋଗ ହୋଇଛି।