ନୂଆଦିଲ୍ଲୀ, ୧୧/୦୧ : ରେଳ ଯାତ୍ରୀଙ୍କ ପାଇଁ ଖୁସି ଖବର। ଭିଡ଼ରୁ ମିଳିବ ମୁକ୍ତି। ସିକନ୍ଦରାବାଦ-ବିଶାଖାପାଟଣା ବନ୍ଦେ ଭାରତ ଟ୍ରେନ୍ରେ ଯୋଡ଼ାଯିବ ଆଉ ୪ ଅତିରିକ୍ତ ବଗି। ଏହି ଟ୍ରେନ୍ରେ ଏବେ ୨୦ଟି ବଗି ଲାଗିବ। ପୂର୍ବରୁ ଏହି ଟ୍ରେନ୍ରେ ୧ ହଜାର ୧୨୮ ଯାତ୍ରୀ ବସିବାର କ୍ଷମତା ଥିଲା। ଆଉ ୪ଟି ବଗି ଯୋଡ଼ିହେବା ପରେ ଏଥିରେ ୧ ହଜାର ୪୪୦ ଯାତ୍ରୀ ଯାଇପାରିବେ। ଦକ୍ଷଣ ମଧ୍ୟ ରେଲୱେ ପକ୍ଷରୁ ଏହି ସୂଚନା ଦିଆଯାଇଛି।
ସିକନ୍ଦରାବାଦ-ବିଶାଖାପାଟଣା ବନ୍ଦେ ଭାରତ ଟ୍ରେନ୍ରେ ୨୦ କୋଚ୍ ହେବା ପରେ ଚେୟାର୍ କାର୍ ସଂଖ୍ୟା ୧୮ ହୋଇଯିବ। ଏଥିରେ ୧୩୩୬ ଜଣ ଯାତ୍ରୀ ଯାତ୍ରା କରିପାରିବେ। ପୂର୍ବରୁ ଏହି ଟ୍ରେନ୍ରେ ୧୪ ଚେୟାର କାର୍ ଥିଲା। ଯେଉଁଥିରେ ୧ ହଜାର ୨୪ ଜଣ ଯାତ୍ରୀ ଯାଉଥିଲେ। ଏହାଦ୍ଵାରା ଅଧିକରୁ ଅଧିକ ଲୋକ ଟ୍ରେନ୍ ଯାତ୍ରାର ଲାଭ ଉଠାଇ ପାରିବେ। ବିଶେଷ କରି ମକର ସଂକ୍ରାନ୍ତି ବେଳେ ଯାତ୍ରୀମାନେ ସୁରୁଖୁରୁରେ ଯାତ୍ରା କରିପାରିବେ। ସିକନ୍ଦରାବାଦ-ବିଶାଖାପାଟଣା ବନ୍ଦେ ଭାରତ ଟ୍ରେନ୍ରେ କୋଚ୍ ସଂଖ୍ୟା ବୃଦ୍ଧି କରିବା ପାଇଁ ଦୀର୍ଘ ଦିନ ହେଲା ଦାବି ହେଉଥିଲା। ଟ୍ରେନ୍ରେ ଖଚାଖଚ୍ ଭିଡ଼କୁ ଦେଖି ଏହି ନିଷ୍ପତ୍ତି ନିଆଯାଇଛି।
ରେଳ ମନ୍ତ୍ରୀ ଅଶ୍ଵିନୀ ବୈଷ୍ଣବ ଅମୃତ ଭାରତ ଟ୍ରେନ୍କୁ ନେଇ ଗୁରୁତ୍ଵପୂର୍ଣ୍ଣ ସୂଚନା ଦେଇଛନ୍ତି। ଅମୃତ ଭାରତ ଟ୍ରେନ୍ରେ ମଡ୍ୟୁଲାର ଟଏଲେଟ୍ ଠାରୁ ନେଇ ଆଧୁନିକ ଡିଜାଇନ୍ରେ ନିର୍ମାଣ କରାଯାଇଛି। ଏହି ଟ୍ରେନ୍ରେ ୧୨ ଟି ସୁଧାର କରାଯାଇଛି। ଆସନ୍ତା ୨ ବର୍ଷ ମଧ୍ୟରେ ଇଣ୍ଟିଗ୍ରାଲ୍ କୋଚ୍ ଫ୍ୟାକ୍ଟ୍ରିରେ ୫୦ ଏସି ରେଳଗାଡି ନିର୍ମାଣ କରାଯିବ।
