ମୁମ୍ବାଇ,୧୧/୦୧: ହୃଦଘାତର ଶିକାର ହୋଇଛନ୍ତି ଅଭିନେତା ଟିକୁ ତଲସାନିଆ । ଟେଲିଭିଜନ ଏବଂ ବଲିଉଡର ଜଣାଶୁଣା ପ୍ରସିଦ୍ଧ ଅଭିନେତା ଟିକୁ ତଲସାନିଆଙ୍କୁ ହାର୍ଟଆଟାକ ଆସିଥିବା ଖବର ମିଳିଛି । ତାଙ୍କ ସ୍ବାସ୍ଥ୍ୟବସ୍ଥା ଗୁରୁତର ଥିବା ଜଣାପଡିଛି । ଚିକିତ୍ସା ପାଇଁ ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି । ଡାକ୍ତରଖାନାରେ ଭର୍ତ୍ତି ହେବା ପରେ ତାଙ୍କୁ ହୃଦଘାତ ହୋଇଥିବା ଜଣାପଡିଥିଲା ।
ବଲିଉଡର ବରିଷ୍ଠ ଅଭିନେତା ଟିକୁ ତଲସାନିଆ କମେଡିଆନ ଭାବରେ ଦର୍ଶକଙ୍କ ହୃଦୟରେ ଘର କରିଛନ୍ତି । ଉଭୟ ଫିଲ୍ମ ଓ ଟେଲିଭିଜନରେ ତାଙ୍କର ସୁନ୍ଦର ଅଭିନୟ ପାଇଁ ଦର୍ଶକଙ୍କ ହୃଦୟରେ ରହିଛନ୍ତି । ସେ ହୃଦଘାତର ଶିକାର ହୋଇଥିବା ଖବର ମିଳିଛି । ଚିକିତ୍ସା ପାଇଁ ଡାକ୍ତରଖାନାରେ ଭର୍ତ୍ତି ହୋଇଛନ୍ତି । ତାଙ୍କ ସ୍ବାସ୍ଥ୍ୟବସ୍ଥା ସଂଙ୍କଟାପନ୍ନ ରହିଥିବା ଖବର ମିଳିଛି ।
ବଲିଉଡର ଷ୍ଟାର ଶାହରୁଖ ଓ ସଲମାନ ଖାନଙ୍କ ସହ କାମ କରିଛନ୍ତି ଟିକୁ ତଲସାନିଆ । ୮୦ରୁ ୯୦ ଦଶକରେ ବଡ ବଡ ଫିଲ୍ମରେ ଅଭିନୟ କରିଛନ୍ତି ଟିକୁ । ବିଶେଷ କରି କମେଡିରେ ତାଙ୍କର ଦମଦାର ଅଭିନୟ ଦେଖିବାକୁ ମିଳିଛି । ୨୫୦ରୁ ଅଧିକ ସିନେମାରେ ସେ କାମ କରିଛନ୍ତି । ହୃଦଘାତର ଶିକାର ହୋଇଥିବାରୁ ଡାକ୍ତରଖାନାରେ ଭର୍ତ୍ତି ହୋଇଛନ୍ତି । ଖବର ମିଳିଛି ତାଙ୍କୁ ମେଜର ଆଟାକ ହୋଇଛି । ସ୍ବାସ୍ଥ୍ୟବସ୍ଥା ଗୁରୁତର ରହିଛି । ଏହା ଖବର ପ୍ରସାରିତ ହେବା ପରେ ତାଙ୍କ ସାଥୀ କଳାକାର ଓ ଫ୍ୟାନ୍ସ ତାଙ୍କ ଆଶୁ ଆରୋଗ୍ୟ କାମନା କରିଛନ୍ତି ।
ଛୋଟ ପରଦାରୁ କ୍ୟାରିଅର ଆରମ୍ଭ କରିଥିଲେ ଟିକୁ । ୧୯୮୪ରେ ଟିଭି ଶୋ 'ୟେ ଜୋ ହେ ଜିନ୍ଦେଗୀ'ରୁ ଅଭିନୟ ଆରମ୍ଭ କରିଥିଲେ । 'ପ୍ୟାର କେ ଦୋ ପଲ'ରୁ ବଲିଉଡରେ ପାଦ ଥାପିଥିଲେ । ରାଜା ହିନ୍ଦୁସ୍ଥାନୀ, ହିରୋ ନମ୍ବର ୱାନ, ବଡେ ମିୟାଁ ଛୋଟେ ମିୟାଁ ଭଳି ବଡ ବଡ ଫିଲ୍ମରେ କାମ କରିଛନ୍ତି ।
