ନୂଆଦିଲ୍ଲୀ: ପୂର୍ବତନ କଂଗ୍ରେସ ଅଧ୍ୟକ୍ଷ ତଥା ଲୋକସଭାରେ ବିରୋଧୀ ଦଳ ନେତା ରାହୁଲ ଗାନ୍ଧୀଙ୍କୁ ଏକ ବଡ଼ ଆଶ୍ୱସ୍ତି ମିଳିଛି । ବୀର ସାଭରକରଙ୍କ ଉପରେ ଦେଇଥିବା ବୟାନ ମାମଲାରେ ପୁଣେର ସ୍ୱତନ୍ତ୍ର ସାଂସଦ/ବିଧାୟକ କୋର୍ଟ ତାଙ୍କୁ ଜାମିନ ପ୍ରଦାନ କରିଛନ୍ତି। ପୁଣେର ସ୍ୱତନ୍ତ୍ର କୋର୍ଟରେ ଭିଡିଓ କନଫରେନ୍ସିଂ ମାଧ୍ୟମରେ ରାହୁଲ ଗାନ୍ଧୀ ହାଜର ହୋଇଥିଲେ । ବୀର ସାଭରକରଙ୍କ ଅଣନାତି ୨୦୨୩ ମସିହାରେ ସାଭରକରଙ୍କ ଉପରେ ଦେଇଥିବା ଏକ ବୟାନ ପାଇଁ ରାହୁଲ ଗାନ୍ଧୀଙ୍କ ବିରୋଧରେ ମାମଲା ଦାୟର କରିଥିଲେ।
ସୂଚନାଥାଉକି ରାହୁଲ ଗାନ୍ଧୀ ବୀର ସାଭରକରଙ୍କ ହିନ୍ଦୁତ୍ୱକୁ ନେଇ ବ୍ରିଟେନରେ ଏକ ବକ୍ତବ୍ୟ ଦେଇଥିଲେ। ଏହି ବିବୃତ୍ତିରେ ସେ କହିଥିଲେ ଯେ, ସାଭରକର ମଧ୍ୟ ପୁସ୍ତକରେ ଏହା ବିଷୟରେ ଲେଖିଛନ୍ତି । କିନ୍ତୁ ସାଭରକରଙ୍କ ପରିବାର ଅନୁଯାୟୀ, ରାହୁଲ ଗାନ୍ଧୀ ଯାହା କହିଥିଲେ ତାହା ଭୁଲ ଥିଲା ।
ଯାହା ପରେ ସାଭରକରଙ୍କ ଅଣନାତି ସତ୍ୟକୀ ସାଭରକର ପୁଣେ କୋର୍ଟରେ ଆବେଦନ କରିଥିଲେ ଏବଂ ଆଜି କୋର୍ଟ କଂଗ୍ରେସ ନେତା ରାହୁଲ ଗାନ୍ଧୀଙ୍କୁ ୨୫ ହଜାର ଟଙ୍କାର ବ୍ୟକ୍ତିଗତ ବଣ୍ଡରେ ଜାମିନ ପ୍ରଦାନ କରିଛନ୍ତି । ଯେପର୍ଯ୍ୟନ୍ତ ଏହି ମାମଲା ଚାଲିଛି, ସେପର୍ଯ୍ୟନ୍ତ ସାଭରକରଙ୍କ ବିଷୟରେ କୌଣସି ବିବୃତ୍ତି ନ ଦେବାକୁ କୋର୍ଟ ରାହୁଲ ଗାନ୍ଧୀଙ୍କୁ ନିର୍ଦ୍ଦେଶ ଦେଇଛନ୍ତି।
