ସମ୍ବଲପୁର, ୨୦/୫ : ଟ୍ରେନରେ କଟି ଅଜଣା ଯୁବକଙ୍କ ମୃତ୍ୟୁ। ସମ୍ବଲପୁର ରେଳ ଜଙ୍କସନ(କ୍ଷେତରାଜପୁର)ରୁ ସିଟି ଷ୍ଟେସନ ମଧ୍ୟରେ ଏହି ଘଟଣା ଘଟିଛି। ଯୁବକଙ୍କ ମୁଣ୍ଡ ଶରୀରରୁ ସମ୍ପୂର୍ଣ୍ଣ ଅଲଗା ହୋଇଯାଇଛି।
ସୂଚନାନୁଯାୟୀ, ଗ୍ୟାଙ୍ଗମେନ୍ ମାନେ ରେଳ ଟ୍ରାକରେ ଚାଲି ଯାଉଥିବା ସମୟରେ ମୃତଦେହ ପଡିଥିବା ଦେଖିଥିଲେ । ଏନେଇ ତୁରନ୍ତ ଜିଆରପିକୁ ସୂଚନା ଦେଇଥିଲେ। ଜିଆରପି ଅଧିକାରୀ ଘଟଣା ସ୍ଥଳରେ ପହଞ୍ଚି ତଦନ୍ତ କରିଥିଲେ । ପ୍ରାଥମିକ ତଦନ୍ତରୁ ମୃତକ ଆତ୍ମହତ୍ୟା କରିଥିବା ଜିଆରପି ସନ୍ଦେହ କରୁଛି । ହେଲେ ଏଯାଏଁ ଯୁବକଙ୍କ ପରିଚୟ ମିଳିପାରି ନାହିଁ । ଶବ ବ୍ୟବଚ୍ଛେଦ ପରେ ମୃତ୍ୟୁର କାରଣ ଜଣାପଡ଼ିବ ବୋଲି ଜିଆରପି ପକ୍ଷରୁ ସୂଚନା ଦିଆଯାଇଛି । ମୃତଦେହ ଉଦ୍ଧାର କରି ବ୍ୟବଚ୍ଛେଦ ପାଇଁ ପଠେଇ ଦିଆଯାଇଛି ।
