ନୂଆଦିଲ୍ଲୀ,୨୭/୧୧: ଡୋନାଲ୍ଡ ଟ୍ରମ୍ପ ଆମେରିକାର ରାଷ୍ଟ୍ରପତି ହେବା ମାତ୍ରେ ତୁର୍କୀ ରାଷ୍ଟ୍ରପତି ରେସେପ ତାୟପ ଏର୍ଦୋଗାନଙ୍କ ମନୋବଳ ବୃଦ୍ଧି ପାଇଛି। ସେ ଆମେରିକା ସହିତ F-16 ଚୁକ୍ତିର ଏକ ବଡ଼ ଅଂଶକୁ ଏକପାଖିଆ ଭାବେ ବାତିଲ କରିଛନ୍ତି। ବଡ଼ କଥା ହେଉଛି ଏହି ଚୁକ୍ତି ପାଇଁ ଏର୍ଦୋଗାନ୍ ଅନେକ ବର୍ଷ ଧରି ଆମେରିକା ସାମ୍ନାରେ ନତମସ୍ତକ ରହିଆସିଥିଲେ। ତୁର୍କୀ ଅଧିକାରୀମାନେ କହିଛନ୍ତି ଯେ ଏହା ଆମେରିକାର ଏଫ୍‌-୧୬ ଯୁଦ୍ଧ ବିମାନ ପ୍ୟାକେଜକୁ ୨୩ ବିଲିୟନ ଡଲାରର ଅଧିଗ୍ରହଣକୁ ହ୍ରାସ କରିଛି। ଏହି ଚୁକ୍ତିରେ ସାମିଲ ବର୍ତ୍ତମାନର F-16 ବିମାନ ପାଇଁ କିଣାଯିବାକୁ ଥିବା ୭୯ ଆଧୁନିକୀକରଣ କିଟ୍ କ୍ରୟକୁ ମଧ୍ୟ ବାତିଲ କରାଯାଇଛି।

ମଙ୍ଗଳବାର ବିଳମ୍ବିତ ରାତିରେ ତୁର୍କୀ ପ୍ରତିରକ୍ଷା ମନ୍ତ୍ରୀ ୟାସର ଗୁଲାର ଏହି ନିଷ୍ପତ୍ତି ଘୋଷଣା କରିଛନ୍ତି। "F-16 ବ୍ଲକ -୭୦ କ୍ରୟ ପାଇଁ ପ୍ରାରମ୍ଭିକ ଦେୟ ପ୍ରଦାନ କରାଯାଇଛି। ୧.୪ ବିଲିୟନ ଡଲାର ପ୍ରଦାନ କରାଯାଇଛି। ଏଥି ସହ ଆମେ ୪୦ଟି F-16 ବ୍ଲକ -୭୦ ଭାଇପର କିଣିବୁ ଏବଂ ଆମେ ୭୯ ଟି ଆଧୁନିକୀକରଣ କିଟ୍ କିଣିବାକୁ ଯାଉଛୁୁ ବୋଲି କହିଛନ୍ତି ଗୁଲାର।" ଦୀର୍ଘ ବର୍ଷର ପ୍ରକ୍ରିୟା ପରେ ନାଟୋ ସଦସ୍ୟ ତୁର୍କୀ ଚଳିତ ବର୍ଷ ପ୍ରାରମ୍ଭରେ ଆମେରିକାରୁ ୪୦ଟି  F-16 ଯୁଦ୍ଧ ବିମାନ ଏବଂ ୭୯ ଟି ଆଧୁନିକୀକରଣ କିଟ୍ କିଣିବା ପାଇଁ ଏକ ଚୁକ୍ତି କରିଥିଲା।

ଗୁଲର୍‌ ପୁଣି କହିଛନ୍ତି ଯେ, "ଆମେ ଏହି ୭୯ କୁ ପରିତ୍ୟାଗ କରିଛୁ। ତେବେ ଆମେ ଏହାକୁ ଛାଡ଼ିବାର କାରଣ ହେଉଛି ଆମର ତୁର୍କୀ ଏରୋସ୍ପେସ୍ ଇଣ୍ଡଷ୍ଟ୍ରିଜ୍ (ତୁସାସ୍‌) ଏହି ଆଧୁନିକୀକରଣକୁ ନିଜେ କରିବାକୁ ସକ୍ଷମ ଅଟୁ। ତେଣୁ ଆମେ ଏଥିପାଇଁ ଏହି ଚୁକ୍ତିକୁ ସ୍ଥଗିତ ରଖିଛୁ ବୋଲି ଗୁଲେର କହିଛନ୍ତି। ଗୁଲେର କହିଛନ୍ତି ଯେ ସେମାନଙ୍କ ପାଇଁ ୪୦ ଟି ନୂଆ ଲକହିଡ ମାର୍ଟିନ ଏଫ -୧୬ ଜେଟ ଏବଂ ଗୋଳାବାରୁଦ ବିକ୍ରୟ ପାଇଁ ତୁର୍କୀକୁ ପ୍ରାୟ ୭ ବିଲିୟନ ଡଲାର ଖର୍ଚ୍ଚ କରିବାକୁ ହେବ।'

ଗୁଲେର୍ ଏହା ମଧ୍ୟ କହିଛନ୍ତି ଯେ ତୁର୍କୀ ଆମେରିକାର F-35 କାର୍ଯ୍ୟକ୍ରମରେ ଯୋଗଦେବାକୁ ଏବଂ ୪୦ ଟି ନୂଆ F-35 ଜେଟ୍ କିଣିବାକୁ ଚାହୁଁଛି। ତେବେ ଋଷରୁ S-400 କ୍ଷେପଣାସ୍ତ୍ର କ୍ରୟ ହେତୁ ଆମେରିକା ତୁର୍କୀକୁ F-35 କାର୍ଯ୍ୟକ୍ରମରୁ ବାଦ ଦେଇଛି ଏବଂ ଏହାର ପ୍ରତିରକ୍ଷା ଶିଳ୍ପ ଉପରେ ମଧ୍ୟ ଅନେକ ପ୍ରତିବନ୍ଧକ ଲଗାଇଛି। ଏହା ପରେ ତୁର୍କୀ ଆମେରିକାକୁ ମନାଇବା ପାଇଁ ଋଷରୁ କିଣାଯାଇଥିବା S-400 କ୍ଷେପଣାସ୍ତ୍ର ପ୍ରଣାଳୀକୁ ସକ୍ରିୟ କରିନଥିଲା।