ନୂଆଦିଲ୍ଲୀ,୨୭/୧୧ : ବନ୍ଦ ହେବ ମଧ୍ୟପ୍ରାଚ୍ୟରେ ଯୁଦ୍ଧ । ଫେରିବ ଶାନ୍ତି ।  ଇସ୍ରାଇଲ ଏବଂ ହିଜବୁଲ୍ଲା ମଧ୍ୟରେ ଲେବାନନନରେ ଚାଲିଥିବା ଯୁଦ୍ଧ ଏବେ ଥମିବାକୁ ଯାଉଛି । କାରଣ ଇସ୍ରାଇଲ ସୁରକ୍ଷା  କ୍ୟାବିନେଟରେ  ଇରାନ ସମର୍ଥିତ ହିଜବୁଲ୍ଲା ସହିତ ଅସ୍ତ୍ରବିରତି ଚୁକ୍ତିନାମାକୁ ସମର୍ଥନ ମିଳିଛି । ଚୁକ୍ତିନାମକୁ ସମର୍ଥନ ମିଳିଥିବାରୁ  ଯୁଦ୍ଧରେ ପୂର୍ଣ୍ଣଚ୍ଛେଦ ପଡିପାରେ । ଏହି ନିଷ୍ପତ୍ତିକୁ ଆମେରିକା ସମେତ ଅନ୍ଯ ରାଷ୍ଟ୍ର ମୁଖ୍ଯ ସମର୍ଥନ କରିଛନ୍ତି । ସେପଟେ ଚୁକ୍ତି ଭାଙ୍ଗିଲେ ଛାଡିବୁନି ବୋଲି କହିଛି ଇସ୍ରାଇଲ ।

ଇସ୍ରାଇଲ ଏବଂ ହିଜବୁଲ୍ଲା ମଧ୍ୟରେ ଲେବାନନରେ ପାଖାପାଖି ୩୮୦୦ ଲୋକଙ୍କ ମୃତ୍ୟୁ ହୋଇଛି । ୧୬୦୦୦ରୁ ଅଧିକ ଲୋକ ଆହତ ହୋଇଛନ୍ତି । ଦୀର୍ଘ ଦିନ ହେବ ଇସ୍ରାଇଲ ଓ ହିଜବୁଲ୍ଲା ମଧ୍ୟରେ ଲାଗିରହିଥିବା ଯୁଦ୍ଧ ଏବେ ବନ୍ଦ ହେବାକୁ ଯାଉଛି । ହିଜବୁଲ୍ଲା ସହିତ ଅସ୍ତ୍ରବିରତି ଚୁକ୍ତିନାମାକୁ ସମର୍ଥନ କରିଛି ଇସ୍ରାଇଲ । ଗଣମାଧ୍ୟମ ଏଜେନ୍ସିଂ ଅନୁସାରେ ଇସ୍ରାଇଲ କ୍ୟାବିନେଟରେ ଅସ୍ତ୍ରବିରତିକୁ ମଞ୍ଜୁରୀ ମିଳିଛି। ଏବେ ଆମେରିକା ରାଷ୍ଟ୍ରପତି ଜୋ ବାଇଡେନ ଏବଂ  ଫ୍ରାନ୍ସ ରାଷ୍ଟ୍ରପତି ଇମାନୁଏଲ ମାକ୍ରନଙ୍କ ଦ୍ବାରା ଅସ୍ତ୍ରବିରତି  ଘୋଷଣା କରାଯିବାର ସମ୍ଭାବନା ରହିଛି । ଅସ୍ତ୍ରବିରତି ଚୁକ୍ତିନାମା ଆଧାରରେ  ଇସ୍ରାଇଲ ସେନା ସେ ଦକ୍ଷିଣ ଲେବାନନରୁ ପଛକୁ ହଟିବେ। ଏହି ସ୍ଥାନରେ ଲେବାନନ ସେନା ମୁତୟନ ହେବେ । ଏହା ସହିତ  ହିଜବୁଲ୍ଲା ଲିଟାନୀ ନଦୀର ଦକ୍ଷିଣରେ ସୀମାରେ ସଶସ୍ତ୍ର ବଳର ଉପସ୍ଥିତି ଶେଷ କରିବାକୁ ହେବ ।

ସେହିପରି ଲେବାନନ ବିଦେଶୀ  ମନ୍ତ୍ରୀ  ଅଦୁଲ୍ଲା ବୋ ହବିବ କହିଛନ୍ତି, ଲେବାନନ ସେନା ଇସ୍ରାଇଲ ସୈନିକକୁ ପଛକୁ ଫେରିବା ନେଇ ଦକ୍ଷିଣ ଲେବାନନରେ ଅତି କମରେ ୫୦୦୦ ସେନା ମୁତୟନ ହେବେ । ଇସ୍ରାଇଲ ଆକ୍ରମଣରେ ଧ୍ବନ୍ସଂ ଲେବାନନରୁ ପୁନନିର୍ମାଣରେ ଆମେରିକା ଗୁରୁତ୍ବପୂର୍ଣ୍ଣ  ଭୂମିକା ତୁଲାଇପାରେ ।

ଅସ୍ତ୍ରବିରତି ନିଷ୍ପତ୍ତି ପରେ  ଆମେରିକା ରାଷ୍ଟ୍ରପତି ଜୋ ବାଇଡେନ ସୋସିଆଲ ମିଡିଆ ଏକ୍ସରେ କହିଛନ୍ତି, ମୋ ପାଖରେ ମଧ୍ୟପ୍ରାଚ୍ୟ ପାଇଁ ଖୁସି ଖବର ରହିଛି । ମୁଁ ଲେବାନନ ଓ ଇସ୍ରାଇଲ ପ୍ରଧାନମନ୍ତ୍ରୀଙ୍କ  ସହ କଥା ହୋଇଛି । ମୁଁ ଏହା ଘୋଷଣା କରି ଖୁସିବ୍ୟକ୍ତ କରୁଛି କି ଇସ୍ରାଇଲ ଓ ହିଜବୁଲ୍ଲା ମଧ୍ୟରେ ବିନାଶକାରୀ ସଂଘର୍ଷକୁ ସମାପ୍ତ କରିବାକୁ ଆମେରିକା ପ୍ରସ୍ତାବକୁ ସ୍ବୀକାର କରିଛି ।