ନୂଆଦିଲ୍ଲୀ,୨୬/୧୧: ହିନ୍ଦୁ ନେତା ତଥା ଇସ୍କନ ସଦସ୍ୟ ଚିନ୍ମୟ କୃଷ୍ଣ ଦାସ ପ୍ରଭୁ (ଚିନ୍ମୟ ଦାସ)ଙ୍କୁ ଗିରଫ ପରେ ବାଂଲାଦେଶର ବିଗୁଡୁଛି ସ୍ଥିତି। ଚିନ୍ମୟ କୃଷ୍ଣ ଦାସଙ୍କ ଗିରଫକୁ ବିରୋଧ କରି ରାଜରାସ୍ତାକୁ ଓହ୍ଲାଇଛନ୍ତି ହିନ୍ଦୁ ସମାଜ । ଯାହାକୁ ନେଇ ସେମାନଙ୍କୁ ଆକ୍ରମଣ କରିଛି ବିଏନପି ଓ ଜମାତର କର୍ମଚାରୀ । ତେବେ ଏହି ଆକ୍ରମଣରେ ୫୦ ହିନ୍ଦୁ ଆହତ ହୋଇଛନ୍ତି । ଅନ୍ୟପଟେ ଗତକାଲି ବିଳମ୍ବିତ ରାତିରେ ଜୟ ଶ୍ରୀରାମ ଓ ହର ହର ମହାଦେବଙ୍କ ନାଁ ନେଇ ମୌଲବୀ ବଜାରରେ ମଶାଲ ରାଲି କରିଛନ୍ତି ହଜାର ହଜାର ହିନ୍ଦୁ । 

ଚିନ୍ମୟ କୃଷ୍ଣ ଦାସ ପ୍ରଭୁଙ୍କ ଗିରଫ ପରେ ବାଂଲାଦେଶରେ ହିନ୍ଦୁ   ସଂଖ୍ୟାଲଘୁ ସମ୍ପ୍ରଦାୟର ସଦସ୍ୟମାନେ ପ୍ରତ୍ୟେକ ଜିଲ୍ଲାରେ ଶାନ୍ତିପୂର୍ଣ୍ଣ ସଭା ଆୟୋଜନ କରିଥିଲେ। ତେବେ ଏହି ଶାନ୍ତିପୂର୍ଣ୍ଣ ସଭାଗୁଡ଼ିକରେ ଉଗ୍ରବାଦୀ ଗୋଷ୍ଠୀ ଦ୍ୱାରା ଅତି ନିର୍ମମ ଭାବରେ ଆକ୍ରମଣ କରାଯାଇଥିଲା। ଇସଲାମିକ ଗୋଷ୍ଠୀ ଚିତ୍ରକୋଣ୍ଡାର ହିନ୍ଦୁ ସମ୍ପ୍ରଦାୟର ସଦସ୍ୟଙ୍କ ଉପରେ ଆକ୍ରମଣ କରିଥିଲେ। ଢାକାର  ଶାହାବାଗରେ ଏକ ଶାନ୍ତିପୂର୍ଣ୍ଣ ବୈଠକରେ ହିନ୍ଦୁ ସମ୍ପ୍ରଦାୟର ସଦସ୍ୟ ତଥା ଚିତ୍ରକୋଣ୍ଡା ବିଶ୍ୱବିଦ୍ୟାଳୟର ପ୍ରଫେସର କୁଶଲ ବାରନଙ୍କୁ ଆକ୍ରମଣ କରାଯାଇଥିବା ବେଳେ ସେ ଗୁରୁତର ଆହତ ହୋଇଥିଲେ। ଉଗ୍ରବାଦୀ ଦଳଙ୍କ ଆକ୍ରମଣରେ ଅନେକ ଲୋକ ଗୁରୁତର ଆହତ ହୋଇଥିବା ବେଳେ ସମସ୍ତ ଆହତଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି।

ପ୍ରକାଶ ଥାଉକି, ବାଂଲାଦେଶ ପୋଲିସ ସୋମବାର ଦିନ ଢାକାର ହଜରତ ଶାହାଜଲ ଅନ୍ତର୍ଜାତୀୟ ବିମାନବନ୍ଦରରୁ ଚିନ୍ମୟ କୃଷ୍ଣ ଦାସଙ୍କୁ ଗିରଫ କରାଯାଇଥିଲା। ସେ ବାଂଲାଦେଶରେ ହେଉଥିବା ହିନ୍ଦୁଙ୍କ ବିରୋଧରେ ହେଉଥିବା ହିଂସାକୁ କ୍ରମାଗତ ଭାବେ ବିରୋଧ କରି ଆସୁଛନ୍ତି ଏବଂ ନିକଟରେ ସେ ଦେଶରେ ହିନ୍ଦୁଙ୍କ ସମର୍ଥନରେ ଏକ ରାଲି କରିଥିଲ  ଯାହାକୁ ନେଇ ତାଙ୍କୁ ଗିରଫ କରାଯାଇଛି ।