ୱାଶିଂଟନ ୧୩/୨: ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ୍ ବୁଧବାର ରୁଷ୍ ରାଷ୍ଟ୍ରପତି ଭ୍ଲାଦିମିର ପୁଟିନ୍ ଓ ୟୁକ୍ରେନର ରାଷ୍ଟ୍ରପତି ଭୋଲୋଡିମିର ଜେଲେନସ୍କିଙ୍କ ସହ ଫୋନରେ କଥା ହୋଇଛନ୍ତି । ଯୁଦ୍ଧ ସଂକ୍ରାନ୍ତରେ ସେ ଆଲୋଚନା କରିଥିବା କୁହାଯାଉଛି ।
ସୂତ୍ର ମୁତାବକ, ପୁଟିନ୍ଙ୍କ ସହ ଟ୍ରମ୍ପ୍ ପ୍ରାୟ ଦେଢ଼ଘଣ୍ଟା ଧରି କଥା ହୋଇଥିଲେ । ‘ଏକ୍ସ’ରେ ଏ ନେଇ ସେ ଲେଖିଛନ୍ତି, ଆମେ ନିଜ ଟିମ୍ଗୁଡ଼ିକୁ ତୁରନ୍ତ ଆଲୋଚନା ଆରମ୍ଭ କରିଦେବା ପାଇଁ କହିଛୁ ।
I just had a lengthy and highly productive phone call with President Vladimir Putin of Russia. We discussed Ukraine, the Middle East, Energy, Artificial Intelligence, the power of the Dollar, and various other subjects. We both reflected on the Great History of our Nations, and…
— Donald J. Trump Posts From His Truth Social (@TrumpDailyPosts) February 12, 2025
ରିପୋର୍ଟ ମୁତାବକ ରାଷ୍ଟ୍ରପତି ଟ୍ରମ୍ପ୍ ବିଦେଶ ମନ୍ତ୍ରୀ ମାର୍କୋ ରୁବିୟୋ, ସିଆଇଏ ନିର୍ଦ୍ଦେଶକ ଜନ୍ ର୍ୟାଟକ୍ଲିଫ୍, ଜାତୀୟ ସୁରକ୍ଷା ପରାମର୍ଶଦାତା ମାଇକେଲ ୱାଲ୍ଜ, ରାଷ୍ଟ୍ରଦୂତ ଷ୍ଟିଭ୍ ୱିଟକଫଙ୍କୁ ଆଲୋଚନାର ନେତୃତ୍ୱ ନେବା ପାଇଁ ନିର୍ଦ୍ଦେଶ ଦେଇଛନ୍ତି । ପୁଟିନ୍ଙ୍କ କାର୍ଯ୍ୟାଳୟ କ୍ରେମ୍ଲିନ୍ର ସୂଚନା ଅନୁସାରେ ପୁଟିନ୍ ଓ ଟ୍ରମ୍ପ୍ ପ୍ରାୟ ଦେଢ଼ଘଣ୍ଟା ପର୍ଯ୍ୟନ୍ତ ଟେଲିଫୋନ୍ରେ କଥା ହେବା ସହ ପରସ୍ପରକୁ ସାକ୍ଷାତ ଲାଗି ସହମତି ପ୍ରକାଶ କରିଛନ୍ତି । ଆଲୋଚନା ବେଳେ ପୁଟିନ୍ ଟ୍ରମ୍ପ୍ଙ୍କୁ ମସ୍କୋ ଗସ୍ତ କରିବା ଲାଗି କହିଛନ୍ତି ।
ୟୁକ୍ରେନ୍ ରାଷ୍ଟ୍ରପତି ଜେଲେନ୍ସ୍କି କହିଛନ୍ତି, ଟ୍ରମ୍ପ୍ଙ୍କ ସହ ମୋର ଆଲୋଚନା ହୋଇଛି । ଉଭୟ ଦେଶ ମିଳିତ ଭାବେ ରୁଷ୍ର ଆକ୍ରମଣକୁ ରୋକିବା ଏବଂ ଏକ ସ୍ଥାୟୀ, ବିଶ୍ୱସନୀୟ ଶାନ୍ତି ସୁରକ୍ଷିତ କରିବା ଲାଗି ନିଜର ଆଗାମୀ ପଦକ୍ଷେପ ପାଇଁ ପ୍ରସ୍ତୁତ ଚଳାଇଛନ୍ତି । ଦିନକ ପୂର୍ବରୁ ଜେଲେନସ୍କି କହିଥିଲେ କି ୟୁକ୍ରେନ୍ ଯୁଦ୍ଧ ରୋକିବା ସକାଶେ ରୁଷ ସହିତ ଜମି ଅଦଳବଦଳ କରିବାକୁ ପ୍ରସ୍ତୁତି ଚଳାଇଛୁ ।
