ବାଲେଶ୍ଵର, ୨୧/୦୭: ଗୋରୁ ବୋଝେଇ ଟ୍ରକ୍ ଜବତ । ଟ୍ରକରେ ଅଛନ୍ତି ୪୦ ଗୋରୁ । ଏହି ଗୋରୁ ବୋଝେଇ ଟ୍ରକ୍ଟି କଟକରୁ ବେଙ୍ଗଲ ଯାଉଥିଲା । ବାଲେଶ୍ଵର ଜିଲ୍ଲା ଖନ୍ତାପଡ଼ା ଥାନା ନିକଟ ଅଞ୍ଚଳରେ ଏହି ଟ୍ରକ୍ ଟିକୁ ଜବତ କରିଛି ପୋଲିସ ।
ସୂଚନା ଅନୁଯାୟୀ, ଏକ ଗୋରୁ ବୋଝେଇ ଟ୍ରକ୍ କଟକରୁ ବେଙ୍ଗଲ ଯାଉଥିଲା । ବିଶ୍ଵ ହିନ୍ଦୁ ପରିଷଦର ସଦସ୍ୟ ଜିତେନ୍ଦ୍ର ସ୍ୱାଇଁ ଏବିଷୟରେ ଖନ୍ତାପଡା ପୋଲିସକୁ ଆବଗତ କରାଇଥିଲେ । ପୋଲିସ ସହଯୋଗରେ ପ୍ରାୟ ଦୁଇଘଣ୍ଟା ଧରି ଟ୍ରକକୁ ପିଛା କରିଥିଲେ । ଶେଷରେ ଟ୍ରକ୍କୁ ଧରିବାରେ ସଫଳ ହୋଇଥିଲେ । ଏହି ଟ୍ରକ୍ ଟି ଖନ୍ତାପଡ଼ା ଥାନା ନିକଟରୁ ଜବତ ହୋଇଛି । ଜବତ ହୋଇଥିବା ଗୋରୁଙ୍କୁ ମା’ ଭାରତୀ ଗୋଶାଳାକୁ ନିଆଯାଇଛି ।