ନୀଳଗିରି, ୨୮/୩ : ପ୍ରସିଦ୍ଧ ଶୈବପୀଠ ବାବା ପଞ୍ଚଲିଙ୍ଗେଶ୍ଵରଙ୍କ ପୀଠ ବୁଲିବାକୁ ଆସି ପର୍ଯ୍ୟଟକ ନିଖୋଜ। ନିଖୋଜ ଜଣଙ୍କ ହେଉଛନ୍ତି ନୟାଗଡ଼ ଜିଲ୍ଲା ନୂଆଗାଁ ଥାନା ଗୌଡଚଞ୍ଚରାପାଲି ଅଞ୍ଚଳର ଚରଣ ବେହେରା (୬୫ ବର୍ଷ)। ନୀଳଗିରି ଥାନାରେ ଏନେଇ ଅଭିଯୋଗ ହୋଇଛି।
ସୂଚନାନୁଯାୟୀ, ନୂଆଗାଁ ଥାନା ଗୌଡଚଞ୍ଚରାପାଲି ଅଞ୍ଚଳର ଚରଣ ବେହେରା ନିଜ ପରିବାର ସହ ପ୍ରାୟ ୭୦ଜଣ ପର୍ଯ୍ୟଟକଙ୍କ ସହିତ ଏକ ବସ୍ରେ ଗୁରୁବାର ପୂର୍ବାହ୍ନରେ ପଞ୍ଚଲିଙ୍ଗେଶ୍ଵର ବୁଲିବାକୁ ଆସିଥିଲେ। ଅନ୍ୟ ପର୍ଯ୍ୟଟକ ପାହାଚ ଚଢ଼ି ବାବାଙ୍କ ଦର୍ଶନ କରିବାକୁ ଯାଇଥିବା ବେଳେ ଚରଣ ପାହାଚ ଚଢି ପାରିବେ ନାହିଁ କହି ବସ୍ ନିକଟରେ ରହିଥିଲେ। ଅନ୍ୟ ଶ୍ରଦ୍ଧାଳୁମାନେ ଦର୍ଶନ ସାରି ଅପରାହ୍ନ ପ୍ରାୟ ୪ଟା ସମୟରେ ଫେରିବା ପରେ ବସ୍ରେ ଚରଣଙ୍କୁ ନପାଇ ବିଭିନ୍ନ ସ୍ଥାନରେ ଖୋଜାଖୋଜି କରିଥିଲେ। ଶେଷରେ ରାତ୍ରୀ ସମୟରେ ଚରଣ ନିଖୋଜ ହୋଇଥିବା ନେଇ ଜଣେ ସମ୍ପର୍କୀୟ ନୀଳଗିରି ଥାନାରେ ଅଭିଯୋଗ କରିଥିଲେ। ତେବେ ଚରଣଙ୍କ ଅପେକ୍ଷାରେ ବସ୍ ସମେତ ସମସ୍ତ ପର୍ଯ୍ୟଟକ ଅଟକି ରହିଥିବା ସୂଚନା ମିଳିଛି।
ଏହି ଖବରଟିକୁ ପଢନ୍ତୁ-ମର୍ଣ୍ଣିଙ୍ଗ୍ ୱାକ୍ କରିବା ବେଳେ ଅଘଟଣ, ସଡ଼କ ଦୁର୍ଘଟଣାରେ ଚାଲିଗଲା ଯୁବକଙ୍କ ଜୀବନ
