କୋଣାର୍କ,୨୨/୦୭: କୋଣାର୍କରେ ଯାତ୍ରୀବାହି ବସ୍ ଦୁର୍ଘଟଣା । ଭାରସାମ୍ୟ ହରାଇ ବର ଗଛରେ ପିଟି ହୋଇଗଲା ବସ୍ । ଦୁର୍ଘଟଣାରେ ୮ଜଣ ଯାତ୍ରୀ ଗୁରୁତର ହୋଇଛନ୍ତି । ସ୍ଥାନୀୟ ଲୋକ ଓ ଚମ୍ପାହର ଅଗ୍ନିଶମ ବିଭାଗ ସାହାୟତାରେ ସମସ୍ତଙ୍କୁ ଉଦ୍ଧାର କରାଯାଇ ପୁରୀ ବଡ ମେଡିକାଲ ସ୍ଥାନାନ୍ତରିତ କରାଯାଇଛି । ବସ୍ଟି ଛତିଶଗଡ଼ ରୁ ଆସିଥିବା ସୂଚନା ମିଳିଛି ।
ସୂଚନା ଅନୁଯାୟୀ, କୋଣାର୍କ ବୁଲିବାକୁ କିଛି ପର୍ଯ୍ୟଟକ ଛତିଶଗଡରୁ ବସ୍ରେ ଆସିଥିଲେ । ସୂର୍ଯ୍ୟ ମନ୍ଦିର ବୁଲି ଚନ୍ଦ୍ରଭାଗା ,ରାମଚଣ୍ଡି ମାଙ୍କୁ ଦର୍ଶନ ପରେ ପୁରୀ ଯାଉଥିବା ବାଟରେ ଖାଲକଟା ପାଟଣା ଛକରେ ଭାରସାମ୍ୟ ହରାଇ ବର ଗଛରେ ପିଟି ହୋଇଗଲା ବସ୍ । ଏ ବିଷୟରେ ସ୍ଥାନୀୟ ଲୋକେ ଅଗ୍ନିଶମ ବିଭାଗକୁ ଖବର ଦେଇଥିଲେ । ଖବର ପାଇ ଘଟଣା ସ୍ଥଳରେ ପହଞ୍ଚି ଅଗ୍ନିଶମ ଟିମ୍ ଯାତ୍ରୀ ମାନଙ୍କୁ ଉଦ୍ଧାର କରିଥିଲା । ଏହି ଦୁର୍ଘଟଣାରେ ୮ଜଣ ଯାତ୍ରୀଙ୍କୁ ଗୁରୁତର ଅବସ୍ଥାରେ ପୁରୀ ମେଡିକାଲ ପଠାଯାଇଛି । ଅନ୍ୟ ମାନଙ୍କୁ ଉଦ୍ଧାର କାର୍ଯ୍ୟ ଚାଲିଥିବା ଖବର ମିଳିଛି।
