ଆଠଗଡ଼,୨୬/୦୭: ଗାଡ଼ି ଦୁର୍ଘଟଣାକୁ କେନ୍ଦ୍ର କରି ଛୁରାମାଡ। କଟକ ଜିଲ୍ଲା ନରସିଂହପୁର ଥାନା କୋକଳବା ଗ୍ରାମରେ ଏଭଳି ଘଟଣା ଘଟିଛି। ଛୁରାମାଡ଼ରେ ୩ଜଣ ଆହତ ହୋଇଥିବା ବେଳେ ସେମାନଙ୍କ ମଧ୍ୟରୁ ଜଣେ ଗୁରୁତର ହୋଇଛନ୍ତି । ତାଙ୍କୁ କଟକ ସ୍ଥାନାନ୍ତର କରାଯାଇଛି । 

ସୂଚନା ଅନୁଯାୟୀ, ନରସିଂହପୁର ଥାନା କୋକଳବା ଗ୍ରାମର ରାଜେନ୍ଦ୍ର ନାୟକ ଏବଂ ତାଙ୍କର କିଛି ସାଙ୍ଗ ଘର ଆଗରେ ବସିଥିଲେ । ଏହି ସମୟରେ ସାମ୍ନା ପଟରୁ ଏକ ଗାଡିରେ ସେହି ଗ୍ରାମର ଅଲେଖ ରଣା ଆସି ତାଙ୍କୁ ଧକ୍କା ଦେଇଥିଲା । ଯାହା ଫଳରେ ସାମାନ୍ୟ ଆହତ ହେଇଥିଲେ ରାଜେନ୍ଦ୍ର । ଏହା ପରେ ତାଙ୍କ ପରିବାର ପକ୍ଷରୁ ଅଲେଖଙ୍କ ଘରକୁ ଯାଇ ଏମିତି ଦୁର୍ଘଟଣା କାହିଁକି କଲେ ବୋଲି ପଚାରିଥିଲେ। ଏହି ଘଟଣାକୁ ନେଇ ଉଭୟଙ୍କ ମଧ୍ୟରେ ବଚସା ହୋଇଥିଲା । ଏଥିରେ ଉତକ୍ଷିପ୍ତ ହୋଇ ଅଖିଳ ରାଣା ଘରକୁ ଯାଇ ଏକ ଛୁରୀ ଆଣି ତାଙ୍କୁ ଆକ୍ରମଣ କରିଥିଲେ । ଏହି ଆକ୍ରମଣରେ ରାଜେନ୍ଦ୍ର ନାୟକଙ୍କ ପରିବାରର ୩ ଜଣ ଆହାତ ହୋଇଥିଲେ । ପ୍ରଥମେ ୩ଜଣଙ୍କୁ ନରସିଂହପୁର ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଥିଲା । ସେଠାରେ ଜଣକ ଅବସ୍ଥା ଗୁରୁତର ହେବାରୁ ତାଙ୍କୁ କଟକ ସ୍ଥାନାନ୍ତର କରାଯାଇଛି । ଅପର ପକ୍ଷେ ଅଖିଳ ରଣା ଫେରାର ଥିବା ବେଳେ ନରସିଂହପୁର  ପୋଲିସ୍  ଘଟଣା ସ୍ଥଳରେ ପହଞ୍ଚି ତଦନ୍ତ ଜାରି ରଖିଛି।