ନୂଆଦିଲ୍ଲୀ,୨୫/୦୬: ଚଳିତ ସପ୍ତାହରେ ଆଇପିଓ ଆଣିବେ ୨ କମ୍ପାନି । ଏହି କମ୍ପାନିଗୁଡିକ ହେଲେ ଆଲାଏଡ ବ୍ଲେଣ୍ଡର୍ସ ଆଣ୍ଡ୍ ଡିଷ୍ଟିଲର୍ସ ଏବଂ ବ୍ରଜ ଆଇରନ ଆଣ୍ଡ୍ ଷ୍ଟିଲ । ଏହି ସବୁ କମ୍ପାନିରେ ନିବେଶ କରିବା ନେଇ ସୁଯୋଗ ରହିଛି । ନ୍ୟୁନତମ ନିବେଶ ୧୪,୮୯୩ ଟଙ୍କା ରହିଛି । ଆଲାଏଡ ବ୍ଲେଣ୍ଡର୍ସ ଆଇପିଓ ଦ୍ୱାରା ବଜାରରୁ ୧୫୦୦ କୋଟି ଟଙ୍କା ଉଠାଇବା ଯୋଜନା ରଖିଛି । ଏଥିପାଇଁ କମ୍ପାନି ୧ ହଜାର କୋଟିର ୩୫ ନିୟୁତ ନୂଆ ଶେୟାର ଜାରି କରିବ ।
ସେହିଭଳି କମ୍ପାନିର ନିବେଶକ ଓଏଫ୍ଏସ୍ ଦ୍ୱାରା ୫୦୦ କୋଟିର ଶେୟାର ମଧ୍ୟ କିଣିବାର ସୁଯୋଗ ପାଇବେ । ରିଟେଲ ନିବେଶକଙ୍କ ପାଇଁ ଏହି ଆଇପିଓ ୨୫ରୁ ୨୭ ଜୁନ ଯାଏ ଖୋଲାରହିବ । ୨ ଜୁଲାଇରେ ଏହା ଏନ୍ଏସ୍ଇରେ ସୂଚୀଭୁକ୍ତ ହେବ । ସେହିଭଳି ବ୍ରଜ୍ ଆଇରନ ଆଣ୍ଡ୍ ଷ୍ଟିଲ ବଜାରରୁ ୧୭୧ କୋଟି ଟଙ୍କା ଉଠାଣ ଯୋଜନା ରଖିଛି । ଏହା ସମ୍ପୂର୍ଣ୍ଣ ଭାବେ ଫ୍ରେସ୍ ଆଇପିଓ । ଏଥିରେ କମ୍ପାନି ୮ ନିୟୁତ ଶେୟାର ଜାରି କରିବ ।