ନୂଆଦିଲ୍ଲୀ,୨୮/୦୩: ୪୫ କୋଟି ନାଗରିକଙ୍କୁ ଯେ କୌଣସି ଜରୁରୀକାଳୀନ ପରିସ୍ଥିତି ପାଇଁ ପ୍ରସ୍ତୁତ ରହିବାକୁ ଚେତାବନୀ ଦେଇଛି ୟୁରୋପୀୟ ସଂଘ । ରିପୋର୍ଟ ମୁତାବକ, ୟୁରୋପୀୟ ସଂଘ ଲୋକମାନଙ୍କୁ ଅତି କମରେ ୭୨ ଘଣ୍ଟା ପାଇଁ ଖାଦ୍ୟ, ପାଣି ଏବଂ ଅନ୍ୟାନ୍ୟ ଅତ୍ୟାବଶ୍ୟକୀୟ ଜିନିଷଗୁଡ଼ିକ ମହଜୁଦ ରଖିବାକୁ କହିଛି ।
ଏନେଇ ନାଟୋ ମହାସଚିବ ମାର୍କ ରୁଟ୍ ଚେତାବନୀ ଦେଇଛନ୍ତି ଯେ, ୨୦୩୦ ସୁଦ୍ଧା ଋଷର ୟୁରୋପ ଉପରେ ଆକ୍ରମଣ କରିବାର କ୍ଷମତା ରଖିଛି । ତେବେ ଏହି ଚେତାବନୀ ପରେ ୟୁରୋପୀୟ ଦେଶମାନଙ୍କରେ ବୃଦ୍ଧି ପାଇଛି ଚିନ୍ତା। ଫ୍ରାନ୍ସ, ଜର୍ମାନୀ ଏବଂ ପୋଲାଣ୍ଡ ଭଳି ଅନେକ ନାଟୋ ଦେଶ ଯୁଦ୍ଧ ପାଇଁ ଆରମ୍ଭ କରିସାରିଛନ୍ତି ପ୍ରସ୍ତୁତି । ନାଟୋର ସାଧାରଣ ସମ୍ପାଦକ ମାର୍କ ରୁଟ୍ ୱାର୍ସାରେ ଚେତାବନୀ ଦେଇଛନ୍ତି ଯେ, “ଯଦି କେହି ଭାବନ୍ତି ଯେ ସେମାନେ ପୋଲାଣ୍ଡ କିମ୍ବା ଅନ୍ୟ କୌଣସି ସହଯୋଗୀ ଦେଶ ଉପରେ ଆକ୍ରମଣ କରି ଖସି ଯାଇପାରିବେ, ତେବେ ସେମାନେ ନାଟୋର ପୂର୍ଣ୍ଣ ଶକ୍ତିର ସମ୍ମୁଖୀନ ହେବେ । ଆମର ପ୍ରତିକ୍ରିୟା ବିନାଶକାରୀ ହେବ ।’
ସେ ଆହୁରି କହିଛନ୍ତି, ‘ଏହା ଭ୍ଲାଦିମିର ପୁଟିନ ଏବଂ ଆମ ଉପରେ ଆକ୍ରମଣ କରିବାକୁ ଚିନ୍ତା କରୁଥିବା ସମସ୍ତ ଲୋକଙ୍କୁ ସ୍ପଷ୍ଟ ଭାବରେ ବୁଝିବା ଉଚିତ ।’ ୟୁରୋପୀୟ ସଂଘର ଚେତାବନୀ ରୁଷର ସମ୍ଭାବ୍ୟ ଆକ୍ରମଣ ସହିତ ସିଧାସଳଖ ଜଡିତ କି ନାହିଁ ତାହା ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ । ୟୁକ୍ରେନୀୟ ସହର ସୁମି ଉପରେ ରୁଷିଆ କ୍ଷେପଣାସ୍ତ୍ର ଆକ୍ରମଣ ପରେ ଅନେକ ଲୋକଙ୍କ ମୃତ୍ୟୁ ହେବାର କିଛି ଘଣ୍ଟା ପରେ ତାଙ୍କର ଏହି ବୟାନ ଆସିଛି ।
ଏହା ମଧ୍ୟ ପଢନ୍ତୁ- ହ୍ୟାଲୋ! ତୁମ ଝିଅକୁ ମାରିଦେଲି... ସ୍ତ୍ରୀକୁ ହତ୍ୟା କରି ସୁଟକେସରେ ଭର୍ତ୍ତି କଲା ସ୍ବାମୀ
ଅନ୍ୟପଟେ ୟୁରୋପୀୟ ପ୍ରସ୍ତୁତି ଏବଂ ସଙ୍କଟ ପରିଚାଳନା କମିଶନର ହାଜା ଲାହବିବ କହିଛନ୍ତି ଯେ, ୟୁରୋପ ସମ୍ମୁଖୀନ ହେଉଥିବା ବିପଦ ପୂର୍ବ ଅପେକ୍ଷା ଜଟିଳ ଅଟେ। ୟୁରୋପରେ ଆଉ ଏକ ବଡ଼ ଆକ୍ରମଣ କରିବାର ଋଷର ସାମର୍ଥ୍ୟ ରହିଛି ବୋଲି ନାଟୋ ମୁଖ୍ୟ ମାର୍କ ରାଉତ ଚେତାବନୀ ଦେଇଛନ୍ତି। ସେ କହିଛନ୍ତି, 'ଆମେ ଭୁଲିଯିବା ଉଚିତ୍ ନୁହେଁ ଯେ ଋଷ ଆମର ସହଯୋଗୀ ଦଳ ପାଇଁ ସବୁଠାରୁ ବଡ ବିପଦ। ଋଷ ବର୍ତ୍ତମାନ ଯୁଦ୍ଧକାଳୀନ ଅର୍ଥନୀତି ଆଡକୁ ଗତି କରୁଛି, ଯାହା ଏହାର ସାମରିକ ଶକ୍ତି ଏବଂ ଯୁଦ୍ଧ ପ୍ରସ୍ତୁତି ଉପରେ ସିଧାସଳଖ ପ୍ରଭାବ ପକାଇବ।
