ହିନ୍ଦୋଳ, ୭।୭: ଢେଙ୍କାନାଳ ଜିଲ୍ଲା ହିନ୍ଦୋଳ ବନାଞ୍ଚଳ ବାବନ୍ଧ ସେକ୍ସନ ଗିରିଧର ପ୍ରସାଦ ଗ୍ରାମରେ ମହିଳାଙ୍କୁ ଘରୁ ଘୋଷାଡ଼ି ମାରିଲା ଦନ୍ତା ହାତୀ । ମୃତ ମହିଳା ହେଲେ ଗିରିଧର ପ୍ରସାଦ ଗ୍ରାମର ୩୪ ବର୍ଷୀୟ ସୌଭାଗିନୀ ପଟ୍ଟନାୟକ I ରବିବାର ସକାଳ ୫ଟାରେ ସୌଭାଗିନୀ ପଟ୍ଟନାୟକ ଘର ଅଗଣା ଝାଡ଼ୁ କରୁଥିବା ସମୟରେ ଏକ ଦନ୍ତା ହାତୀ ଅଗଣାରୁ ଘୋଷାଡ଼ି ମାରିବା ଫଳରେ ସୌଭାଗିନୀଙ୍କର ମୃତ୍ୟୁ ଘଟିଛି ।
ହିନ୍ଦୋଳରେ ବାରମ୍ବାର ଏଭଳି ଘଟଣା ଘଟୁଥିଲେ ମଧ୍ୟ ବନବିଭାଗର ଅବହେଳା ପାଇଁ ଏଭଳି ଘଟଣା ଘଟୁଥିବାରୁ ଅଭିଯୋଗ ଆଣିଛନ୍ତି ଗ୍ରାମବାସୀ । ସୂଚନା ଅନୁଯାୟୀ, ଗିରିଧର ପ୍ରସାଦ ଗ୍ରାମ ଏକ ପାହାଡ଼ିଆ ତଳ ଅଞ୍ଚଳ ଗ୍ରାମ ହୋଇଥିବାରୁ ଏଠାରେ ବର୍ଷ ସାରା ହାତୀ ଚଳପ୍ରଚଳ କରୁଛନ୍ତି I ମାତ୍ର, ବନବିଭାଗ ପକ୍ଷରୁ ଲୋକମାନଙ୍କ ସୁରକ୍ଷା ପାଇଁ ସୋଲାର ବାଡ଼, ହାତୀ ଟ୍ରେଞ୍ଚ, ସୋଲାର ଲାଇଟ୍ ପରି କୌଣସି ପଦକ୍ଷେପ ନେଉନଥିବାରୁ ଜନ ଅସନ୍ତୋଷ ଦେଖାଦେଇଛି I ଗ୍ରାମବାସୀମାନେ ହାତୀ କବଳରୁ କିପରି ରକ୍ଷା ପାଇବେ ସେଥିପାଇଁ ବାରମ୍ବାର ଦାବି କରୁଥିଲେ ମଧ୍ୟ ବନବିଭାଗ କୌଣସି ପଦକ୍ଷେପ ଗ୍ରହଣ କରୁନଥିବା ଅଭିଯୋଗ କରୁଛନ୍ତି ଗ୍ରାମବାସୀ ।
