ଭୁବନେଶ୍ବର, ୨/୩ : ଆଜିଠୁ ଆରମ୍ଭ ହେଉଛି ମୁସଲମାନ ଧର୍ମାବଲମ୍ବୀଙ୍କ ପବିତ୍ର ରମଜାନ ମାସ । ଗତକାଲି ରାତିରୁ ତରାବି ପାଠ ସହ ଆଜିଠୁ ଆରମ୍ଭ ହେଉଛି ରମଜାନ ମାସ । ଆଜି କଟକ ସହରର ବିଭିନ୍ନ ମସଜିଦମାନଙ୍କର ସମୂହ ନମାଜପାଠ ସହ “ରୋଜା” ଅର୍ଥାତ ଉପବାସ ରଖିଚନ୍ତୀ । ପ୍ରଥମ ଦିନରେ କଟକର ବିଭିନ୍ନ ମସଜିଦ ମାନଙ୍କରେ ନମାଜ ପାଠ କରିଛନ୍ତି ଶ୍ରଦ୍ଧାଳୁ ମାନେ।ରମଜାନ ମାସର ଆଵଶ୍ୟକତାକୁ ଦେଖି ଲଚ୍ଛା ସେମିଆ, ଫାଲୁଦା, ସରଵତ, ଖଜୁରି ଓ ଡ୍ରାଏ ଫ୍ରୁଟ ଆଦି କିଣିବା ପାଇଁ ଦୋକାନ ଗୁଡ଼ିକରେ ଲୋକଙ୍କ ଭିଡ ଦେଖିବାକୁ ମିଳିଲାଣି।
ଦୀର୍ଘ ଏକ ମାସ ଧରି ରାମଜାନ ପାଳିବେ ମୁସଲିମ୍ ଧର୍ମାବଲମ୍ବୀ । ଏହି ମାସ ସାରା ମୁସଲିମ୍ ଭାଇ ଭଉଣୀମାନେ ଦିନ ତମାମ ଉପବାସ ରହି ପାଳନ କରନ୍ତି । ଏହାକୁ ରୋଜା ମଧ୍ୟ କୁହାଯାଏ । ଉପବାସ କରୁଥିବା ଲୋକମାନେ ଏକ ମାସ ଧରି ସୂର୍ଯ୍ୟୋଦୟ ଠାରୁ ସୂର୍ଯ୍ୟାସ୍ତ ପର୍ଯ୍ୟନ୍ତ ଉପବାସ ପାଳନ କରିଛନ୍ତି । ବିଶ୍ବର ସବୁଆଡେ ରମଜାନ ପାଳନ ହେଉଥିବା ବେଳେ ରୌପ୍ୟ ନଗରୀ କଟକରେ ମଧ୍ୟ ସୁରୁଖୁରୁରେ ପାଳନ ହେଉଛି । ଏହି ସମୟରେ ବିଭିନ୍ନ ମସଜିଦ ଗୁଡିକରେ ଏକାଠି ହୋଇ ସମୂହ ନମାଜ ପାଠ କରନ୍ତି ମୁସଲିମ୍ ଭାଇ ମାନେ। ବ୍ରତ ଶେଷରେ ସନ୍ଧ୍ୟା ବେଳେ ଇଫତାର ପାଳନ କରାଯାଯିବ। କଟକ ସହରର ବିଭିନ୍ନ ମସଜିଦ ମାନଙ୍କରେ ଶନିବାର ରାତିରେ ପ୍ରଥମ ନମାଜ ବା ତାରାବି ପାଠ କରାଯାଇଥିଲା । ଯେଉଁଥିରେ ହଜାର ହଜାର ସଂଖ୍ୟାରେ ଶ୍ରଦ୍ଧାଳୁ ମାନେ ସାମିଲ ହୋଇଥିଲେ । ସେହିଭଳି ଆଜି ମଧ୍ୟ ରମଜାନ ପ୍ରଥମ ଦିନରେ ମସଜିଦ ମାନଙ୍କରେ ଶ୍ରଦ୍ଧାଳୁ ମାନଙ୍କ ଭିଡ ଜମିବାରେ ଲାଗିଥିଲା। ସେହିଭଳି ହଜାର ହଜାର ସଂଖ୍ୟାରେ ଶ୍ରଦ୍ଧାଳୁ ମାନେ ମସଜିଦକୁ ଆସିବାକୁ ଥିବା ବେଳେ ମସଜିଦ କମିଟି ପକ୍ଷରୁ ବ୍ୟାପକ ବ୍ୟବସ୍ଥା ମଧ୍ୟ ଗ୍ରହଣ କରାଯାଇଛି । ଏହି ରମଜାନ ସମୟରେ ପ୍ରତ୍ୟେକଦିନ କୋରାନର ଏକ ଅଧ୍ୟାୟ ପାଠ କରାଯାଇଥାଏ ।ଏହା ସହ ଏକ ମାସ ଧରି ସମସ୍ତେ ନିଷ୍ଠାର ସହ ପାଳନ କରନ୍ତି ବୋଲି କହିଛନ୍ତ ଶ୍ରଦ୍ଧାଳୁ।
ରମଜାନ ମାସ ଆରମ୍ଭ ସହ ଚଳଚଞ୍ଚଳ ହୋଇ ଉଠିଛି କଟକର ରମଜାନ ଵଜାର। ରମଜାନ ମାସର ଆଵଶ୍ୟକତାକୁ ଦେଖି ଲଚ୍ଛା ସେମିଆ,ଫାଲୁଦା,ସରଵତ,ଖଜୁରି ଓ ଡ୍ରାଏ ଫ୍ରୁଟ ଆଦି କିଣିବା ପାଇଁ ଦୋକାନ ଗୁଡ଼ିକରେ ଲୋକଙ୍କ ଭିଡ ଦେଖିବାକୁ ମିଳିଲାଣି। ଚଳିତ ଵର୍ଷ ରମଜାନ ଵଜାରରେ ବିଭିନ୍ନ କିସମର ଵିଦେଶୀ ଖଜୁରି ଗ୍ରାହକଙ୍କୁ ଆକୃଷ୍ଟ କରୁଛି। ବକ୍ସି ଵଜାର ମସଜିଦ ନିକଟରେ ସ୍ବତନ୍ତ୍ର ରମଜାନ ଷ୍ଟଲରେ ଇରାନ,ତୁର୍କି,ଆରଵ ଏମିରେଟ୍ସ,ମଦିନା ଓ ଟୁନିସିଆ ଭଳି ଦେଶର ଖୁବ୍ ଭଲ କିସମର ଖଜୁରି ବିକ୍ରି ହେଉଛି। ଏହି ଵିଦେଶୀ ଖଜୁରି ଖୁଡିକ ଏଵେ ଗ୍ରାହକଙ୍କର ପ୍ରଥମ ପସନ୍ଦ ପାଲଟିଛି।ଏହା ସହ ଵକ୍ସି ଵଜାର ରମଜାନ ବଜାରକୁ ଚଳିତ ବର୍ଷ ପ୍ରଥମ ଥର ପାଇଁ ଆସିଛି ଲକ୍ଷ୍ନୌ ଲଚ୍ଛା ସେମିଆ।ଏହା ବ୍ୟତୀତ ରମଜାନ ପ୍ରାର୍ଥନା ପାଇଁ ଟୋପି, ବିଭିନ୍ନ କିସମର ଇମ୍ପୋର୍ଟେଡ ଅତର,ସୁରମା, ଇଲେକ୍ଟ୍ରୋନିକ୍ସ ଜପାମାଳି ଆଦି ମଧ୍ୟ ବେଶ୍ ଭଲ ବିକ୍ରି ହେଉଛି।
ଭାଇଚାରାର ସହର କଟକରେ ରମଜାନ ମାସରେ ଖାଲି ମୁସଲମାନ ଧର୍ମାବଲମ୍ବୀ ନୁହନ୍ତି ବରଂ ତାଙ୍କ ସହ ହିନ୍ଦୁ ମାନେ ମଧ୍ୟ ଇଫତାର୍ ପାର୍ଟିରେ ସାମିଲ ହୋଇଥାଆନ୍ତି।
