ଭୁବନେଶ୍ଵର, ୦୩/୦୩ : ସାନ ସିନା ଦାନ ତା ମହାନ। ମରି ବି ଆଜି ସେ ଜୀବିତ। ସଂସାର ଛାଡ଼ିଲେ ସିନା, ଯିବା ବେଳେ ଆଉ ଦୁଇ ଜଣଙ୍କୁ ଜୀବନ ଦେଇଗଲେ ଜନ୍ମେଶ। ଭୁବନେଶ୍ଵର ଏମ୍ସରୁ ଆସିଛି ଏଭଳି ଖବର।
ସୂଚନାନୁଯାୟୀ, ରାଉରକେଲାର ୧ ବର୍ଷର ଶିଶୁ ଜନ୍ମେଶ। ୧୦ ଦିନ ତଳେ କାନ୍ଦିବା ବେଳେ ହଠାତ୍ ତାଙ୍କର ହାର୍ଟ୍ ଚୋକ୍ ହୋଇଥିଲା। ତାଙ୍କୁ ଏମ୍ସରେ ଭର୍ତ୍ତି କରାଯାଇଥିଲା। ହେଲେ ଚିକିତ୍ସାଧୀନ ଅବସ୍ଥାରେ ଜନ୍ମେଶ ଆଖି ବୁଜିଛନ୍ତି। ସେ ସଂସାର ଛାଡ଼ିବା ଆଗରୁ ଏକ ମହତ କାମ କରି ଯାଇଛନ୍ତି। ଜନ୍ମେଶଙ୍କ ପିତାମାତା ପୁଅର ଲିଭର ଓ କିଡନୀ ଦାନ କରିଛନ୍ତି। ଜନ୍ମେଶ ଅଙ୍ଗଦାନ କରି ଆଉ ଦୁଇଟି ଜୀବନ ବଞ୍ଚାଇଛନ୍ତି। ତେବେ ଭୁବନେଶ୍ଵର ଜାଗମରାରେ ତାଙ୍କର ଶେଷକୃତ୍ୟ କରାଯାଉଛି। ରାଜ୍ୟ ସରକାରଙ୍କ ତରଫରୁ ତାଙ୍କୁ ଗାର୍ଡ ଅଫ ଅନର ପ୍ରଦାନ କରାଯିବ ବୋଲି ସୂଚନା ମିଳିଛି।
ଏହି ଖବରଟିକୁ ପଢନ୍ତୁ-ବୃଦ୍ଧଙ୍କ ଗଳା କାଟି ହତ୍ୟା, ପରିତ୍ୟକ୍ତ ଘରୁ ମୃତଦେହ ଉଦ୍ଧାର
