କେନ୍ଦୁଝର, ୨୧।୭: ରୋଷେଇ ଘରୁ ନବବଧୂଙ୍କ ଝୁଲନ୍ତା ମୃତଦେହ ଉଦ୍ଧାର । ଜୁନ୍ ୧୮ ତାରିଖରେ ବୈଦିକ ରୀତିରେ କରଞ୍ଜିଆ ଗ୍ରାମର ଦୀପକ ନାଏକଙ୍କ ସହ ଦୀପିକାଙ୍କ ହୋଇଥିଲା ବିବାହ । ବିବାହକୁ ୨ ମାସ ନ ପୁରୁଣରୁ ଏଭଳି ଲୋମଟାଙ୍କୁରା ଦୃଶ୍ୟ ଦେଖିବାକୁ ମିଳିଛି କେନ୍ଦୁଝର ଜିଲ୍ଲା ତୁରୁମୁଙ୍ଗା ଥାନା ଗୋଡ଼ିପୋଖରୀ ଗ୍ରାମରେ ।
ସୂଚନା ଅନୁଯାୟୀ, ଗୋଡ଼ିପୋଖରୀ ଗ୍ରାମର ଦୀପକ ନାଏକ ସହ ଦୀପିକା ନାଏକଙ୍କର ଜୁନ୍ ୧୮ ତାରିଖରେ ବୈଦିକ ରୀତିରେ ବିବାହ ହୋଇଥିଲା । ଶନିବାର ବିଳମ୍ବିତ ରାତିରେ ଉଭୟ ଦୀପକ ଏବଂ ତାଙ୍କ ପତ୍ନୀ ଦୀପିକା ଖାଇସାରି ଶୋଇବାକୁ ଯାଇଥିଲେ । କିନ୍ତୁ, ରବିବାର ସକାଳୁ ରୋଷେଇ ଘରେ ଦୀପିକାଙ୍କ ଝୁଲନ୍ତା ମୃତଦେହ ଦେଖିବାକୁ ପାଇଥିଲେ ଦୀପକ । ଏହା ଦେଖି ତୁରନ୍ତ ପୋଲିସକୁ ଖବର ଦେଇଥିଲେ ସେ । ଖବର ପାଇ ତୁରୁମୁଙ୍ଗା ପୋଲିସ ମୃତଦେହ ଉଦ୍ଧାର କରିଛି । ତେବେ ଏହା ହତ୍ୟା ନା ଆତ୍ମହତ୍ୟା ଏନେଇ କୌଣସି ସ୍ପଷ୍ଟ ସୂଚନା ମିଳିନାହିଁ । ଘଟଣାର ଅଧିକ ତଦନ୍ତ ଜାରି ରଖିଛି ପୋଲିସ ।