କୋଣାର୍କ,୦୬/୧୧: ଭାରସାମ୍ୟ ହରାଇ ରାସ୍ତା କଡରେ ଥିବା ଗଛରେ ପିଟି ହେଲା କାର୍ । ଏହି ଦୁର୍ଘଟଣାରେ ଗାଡ଼ିରେ ଥିବା ଦୁଇ ଜଣ ଯୁବକ ପ୍ରାଣ ହରାଇଛନ୍ତି । ମୃତକ ଭୁବେନେଶ୍ୱର ଅଞ୍ଚଳର ପ୍ରଦୀପ ବେହେରା (୨୫), ଅନ୍ୟ ଜଣେ କଟକ ଅଞ୍ଚଳର ବିଶ୍ୱଜିତ ସାହୁ (୨୭) ବୋଲି ଜଣାପଡିଛି । କୋଣାର୍କ ଜୁଣେଇ ଛକ ଠାରେ ଏଭଳି ଘଟଣା ଘଟିଛି ।
ସୂଚନା ମୁତାବକ, ମଙ୍ଗଳବାର କାର ନମ୍ବର (ଓଡି ୦୨ବିଟି ୫୩୬୩ରେ) ଦୃତ ଗତିରେ କୋଣାର୍କ ଆସୁଥିଲା । ଏହି ସମୟରେ ରାତି ପ୍ରାୟ ୧ଟା ସମୟରେ ଜୁଣେଇ ଛକ ବୁଲାଣି ନିକଟରେ ରାସ୍ତାରେ ଭାରସାମ୍ୟ ହରାଇ କାର୍ଟି ରାସ୍ତା କଡରେ ଥିବା ଏକ ଗଛରେ ପିଟି ହୋଇଥିଲା । ପ୍ରଚଣ୍ଡ ଶବ୍ଦରେ ସ୍ଥାନୀୟ ବାସିନ୍ଦା ଘଟଣା ସମ୍ପର୍କରେ ଜାଣିବାକୁ ପାଇଥିଲେ। ଏହି ଦୁର୍ଘଟଣାରେ କାର୍ରେ ଥିବା ଦୁଇ ଜଣ ଯୁବକ ପ୍ରାଣ ହରାଇଥିଲେ । ଏହା ଦେଖି ତୁରନ୍ତ କୋଣାର୍କ ପୋଲିସ ଏବଂ ଅଗ୍ନିଶମ ବାହିନୀକୁ ଖବର ଦେଇଥିଲେ ସ୍ଥାନୀୟଲୋକେ । ଖବର ପାଇ ଘଟଣାସ୍ଥଳରେ ପୋଲିସ ପହଞ୍ଚି ଏବଂ ଅଗ୍ନିଶମ ବାହିନୀର ଏକ ଟିମ୍ ପହଞ୍ଚି ଥିଲା । ପରେ ଅଗ୍ନିଶମ ବାହିନୀ ଏବଂ ପୋଲିସ ଦୁଇଜଣଙ୍କ ମୃତଦେହକୁ ବ୍ୟବଚ୍ଛେଦ ପାଇଁ ପଠାଇଥିଲେ । ତେବେ ଏହି ଦୁର୍ଘଟଣାରେ ଜଣକର ମୁଣ୍ଡରୁ ଦହି ବାହାରି ଥିବାବେଳେ ଅନ୍ୟ ଜଣଙ୍କର ମୁଣ୍ଡ ଫାଟି ଯାଇଥିଲା । ଦୂର୍ଘଟଣା ଖବର ପ୍ରଚାରିତ ହେବା ପରେ ଘଟଣାସ୍ଥଳକୁ ଲୋକଙ୍କ ସୁଅ ଛୁଟିଥିଲା । ଗୁରୁତର ଆହତଙ୍କୁ ତୁରନ୍ତ ଗୋପ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରକୁ ଅଣାଯାଇଥିଲା । ଏନେଇ ଏକ ମାମଲା ରୁଜୁ କରାଯାଇ ତଦନ୍ତ ଚାଲିଥିବା ପୋଲିସ ସୂଚନା ଦେଇଛି । ସେଠାରେ ତପନଙ୍କ ସ୍ୱାସ୍ଥ୍ୟାବସ୍ଥା ଗୁରୁତର ହେବାରୁ ତାଙ୍କୁ ଭୁବନେଶ୍ୱର ସ୍ଥାନାନ୍ତରିତ କରଯାଇଛି । ଘଟଣାସ୍ଥଳରେ କୋଣାର୍କ ପୋଲିସ ଉପସ୍ଥିତ ରହି ତଦନ୍ତ ଚଳାଇଛି ।
