ନୀଳଗିରି, ୨୦।୭  ନୀଳଗିରି ବ୍ଲକ୍ ଅଧୀନ ଜଡ଼ିଦା ପଞ୍ଚାୟତ ବାଉଁଶନାଳ ଛକଠାରେ ଭାରସାମ୍ୟ ହରାଇ ରାସ୍ତା ପାର୍ଶ୍ବକୁ ଏକ ଅଟୋ ଖସି ପଡିଛି । ତେବେ ଏଥିରେ କୌଣସି ଯାତ୍ରୀ ଆହତ ହୋଇ ନାହାନ୍ତି। ଅଟୋରେ ଅଧିକ ଯାତ୍ରୀ ଯାଉଥିବାରୁ ଦୁର୍ଘଟଣା ଘଟିଥିବା ଅନୁମାନ କରାଯାଉଛି। 

 ନୀଳଗିରି ବ୍ଲକ୍ ଅଧୀନ ଜଡ଼ିଦା ପଞ୍ଚାୟତ ବାଉଁଶନାଳ ଛକଠାରେ ଆଜି ସକାଳେ କିଛି ଯାତ୍ରୀକୁ ନେଇ ସଜନାଗଡ ପଟୁ ନୀଳଗିରିକୁ ଅଟୋଟି ଆସୁଥିଲା।  ବାଉଁଶନାଳ ଛକ ନିକଟରେ ଭାରସାମ୍ୟ ହରାଇ ରାସ୍ତା ପାଖ ବିଲ ମଧ୍ୟକୁ ଅଟୋଟି ପଶିଯାଇଥିଲା। ତୁରନ୍ତ ସ୍ଥାନୀୟ ଲୋକଙ୍କ ସାହାଯ୍ୟରେ ଅଟୋରେ ଥିବା ଲୋକଙ୍କୁ ସୁରକ୍ଷିତ ଉଦ୍ଧାର କରାଯାଇ  ଅଟୋଟିକୁ   ରାସ୍ତା ଉପରକୁ ଉଠାଇ ଦେଇଥିଲେ।ତେବେ ଅଟୋରେ ଅଧିକ ସଂଖ୍ୟାରେ ପ୍ୟାସେଞ୍ଜର ଥିବା ଯୋଗୁଁ ଅଟୋ ଟି ଭାରସାମ୍ୟ ହରାଇ ରାସ୍ତା ପାର୍ଶ୍ୱ କୁ ଖସିପଡ଼ିଥିବା ଅନୁମାନ କରାଯାଉଛି।

ସୂଚନାଯୋଗ୍ୟ ଯେ, ବର୍ତ୍ତମାନ ବିଲ ଚାଷ କାମ ପାଇଁ ବଣସିମା ଅଞ୍ଚଳରୁ ନୀତିଦିନ ବହୁ ସଂଖ୍ୟକ ଗାଡ଼ି ଗୁଡ଼ିକ ନିଜର କ୍ଷମତା ଠାରୁ ଅଧିକ ଶ୍ରମିକମାନଙ୍କୁ ନେଇ ଯାଉଥିବାର ଦେଖିବାକୁ ମିଳୁଛି।