ଜଳେଶ୍ଵର, ୦୬/୦୯ : ଓଡ଼ିଶାରେ ବାର୍ଡ ଫ୍ଲୁ ବ୍ୟାପିଥିବାରୁ ପଶ୍ଚିମବଙ୍ଗ ଭିତରକୁ ଅଣ୍ଡା ଓ କୁକୁଡ଼ା ଗାଡି ପୁରାଇ ଦେଉନି ବେଙ୍ଗଲ ପୋଲିସ। ସୀମାରୁ ଫେରାଇଦେଲା ୫୦ରୁ ଉର୍ଦ୍ଧ୍ଵ ଟ୍ରକ୍। ପଶ୍ଚିମବଙ୍ଗ ସୀମା ଲକ୍ଷ୍ମଣନାଥ ଟୋଲପ୍ଲାଜା ଅନତି ଦୂରରେ ଅଟକି ରହିଛି ଗାଡି। 

ଓଡ଼ିଶାରେ ଦିନକୁ ଦିନ ବାର୍ଡ ଫ୍ଲୁ ବ୍ୟାପୁଥିବାରୁ କଠୋର ହୋଇଛି ପଶ୍ଚିମବଙ୍ଗ ପ୍ରଶାସନ। ଗୁରୁବାର ଅପରାହ୍ନ ଠାରୁ ପଶ୍ଚିମବଙ୍ଗ ସୀମା ସୋନାକାଣିଆ ଠାରେ ନାକା ପଏଣ୍ଟ କରି ପୋଲିସ ପକ୍ଷରୁ ଚେକିଂ ଜୋରଦାର କରାଯାଉଛି। ଓଡ଼ିଶାରୁ ପଶ୍ଚିମବଙ୍ଗ ଯାଉଥିବା ସମସ୍ତ ଅଣ୍ଡା ଓ କୁକୁଡ଼ା ଗାଡିକୁ ପଶ୍ଚିମବଙ୍ଗ ପୋଲିସ ଅଟକାଉଛି। ଫଳରେ ଗୁରୁବାର ଅପରାହ୍ନ ଠାରୁ ଓଡ଼ିଶାରୁ ପଶ୍ଚିମବଙ୍ଗ ଯାଉଥିବା ୫୦ରୁ ଉର୍ଦ୍ଧ୍ଵ ଅଣ୍ଡା ଓ କୁକୁଡ଼ା ଗାଡି ଅଟକି ରହିଛି। ଏହି ଗାଡି ଗୁଡିକ ଆନ୍ଧ୍ରପ୍ରଦେଶରୁ ଲୋଡ ହୋଇ ଆସାମ ଯାଉଥିଲେ ମଧ୍ୟ ପଶ୍ଚିମବଙ୍ଗ ପୋଲିସ ସେଗୁଡିକୁ ଅଟକାଇଥିବା ଦେଖିବାକୁ ମିଳିଛି।