ବାଲେଶ୍ବର, ୩୦/୦୮ : ଚାକିରି କରିଛନ୍ତି କିରାଣୀ, କିନ୍ତୁ କୋଟି କୋଟି ଟଙ୍କାର ସମ୍ପତ୍ତିର ମାଲିକ। ବାଲେଶ୍ଵର ଡିଇଓ ଅଫିସର କିରାଣୀ ପ୍ରଦୀପ ଦାସଙ୍କର ଠାବ ହୋଇଛି କୋଟିଏ ଟଙ୍କାର ମାର୍କେଟ୍ କମ୍ପ୍ଲେକ୍ସ। ବାଲେଶ୍ଵର ସେରଗଡ଼ ବଜାରରେ ଥିବା ଏହି ଦୁଇ ମହଲା ବିଶିଷ୍ଟ ମାର୍କେଟ କମ୍ପ୍ଲେକ୍ସରେ ରହିଛି ୨୦ଟି ଦୋକାନ। ସେହିପରି ବାଲେଶ୍ଵର ଟାଉନରେ ଠାବ ହୋଇଛି ୬ଟି ମୂଲ୍ୟବାନ୍ ପ୍ଲଟ। 

ସୂଚନାନୁଯାୟୀ, ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ବାଲେଶ୍ଵର ଡିଇଓ ଅଫିସର କିରାଣୀ ପ୍ରଦୀପ ଦାସଙ୍କ ଘରେ ଭିଜିଲାନ୍ସ ରେଡ୍ କରିଛି। ଚଢାଉ ବେଳେ ପ୍ରଦୀପ ଦାସଙ୍କର କୋଟି କୋଟି ଟଙ୍କାର ସମ୍ପତ୍ତି ଠାବ ହୋଇଛି। କିରାଣୀ ବାବୁଙ୍କର ଅଙ୍ଗାରଗାଡିଆରେ ଏକ ତିନି ମହଲା କୋଠା, ସେରଗଡ଼ ବଜାରରେ ଏକ କୋଟି ମୂଲ୍ୟର ଏକ ମାର୍କେଟ କମ୍ପ୍ଲେକ୍ସ, ଅଙ୍ଗାରଗାଡିଆ, ରେମୁଣା, ସେରଗଡ଼ ବଜାର, ଏବଂ ଖନ୍ତାପଡ଼ାରେ ୬ଟି ମୂଲ୍ୟବାନ ପ୍ଲଟ ରହିଛି।