ସମ୍ବଲପୁର, ୧୭/୦୭ : ରାଜସ୍ଵ ମନ୍ତ୍ରୀ ସୁରେଶ ପୂଜାରୀ ସମ୍ବଲପୁର ଗସ୍ତ କରି ଗୁଡେଶ୍ଵର ବାବା ମନ୍ଦିର ରାସ୍ତାରେ ମା ପାଇଁ ଗଛଟିଏ କାର୍ଯ୍ୟକ୍ରମରେ ଯୋଗଦେଇ ବୃକ୍ଷରୋପଣ କରିଛନ୍ତି। ନିଜେ ଗଛ ଲଗାଇବା ସହ ସେ ପରିବେଶ ସଚେତନତାର ବାର୍ତ୍ତା ଦେଇଛନ୍ତି। ସାଢେ ଚାରି କୋଟି ଓଡ଼ିଆ ଯଦି ଗୋଟେ ଗୋଟେ ଗଛ ଲଗାଇବେ ତେବେ ଓଡ଼ିଶାରେ ଏକା ସାଙ୍ଗରେ ସାଢେ ୪କୋଟି ଗଛ ଲାଗି ପାରିବ ବୋଲି ମନ୍ତ୍ରୀ ସୁରେଶ ପୂଜାରୀ କହିଛନ୍ତି।

ମନ୍ତ୍ରୀ ସୁରେଶ ପୂଜାରୀ କହିଛନ୍ତି ଯେ, ଜବରଦଖଲକାରୀଙ୍କୁ ଛଡାଯିବ ନାହିଁ। ଘରଟିଏ ପାଇଁ ଝୋପଡି କରି ୪ ଡେସିମିଲ ଜମି ରଖିଥିବା ଗରିବ ଅପେକ୍ଷା ଏଥର ପ୍ରଭାବଶାଳୀଙ୍କ ଜବରଦଖଲ ଉଚ୍ଛେଦ କରାଯିବ। ଏହା ସହ ପ୍ରଭାବଶାଳୀ ଯେଉଁ ଜଙ୍ଗଲ, ଜମି ଓ ଜଳ ମାଡି ବସିଛନ୍ତି ତାହା ଉଚ୍ଛେଦ ହେବ। ଏହା ସହ ବେଆଇନ ଆଶ୍ ଡମ୍ପିଂ ଉପରେ ମଧ୍ୟ କାର୍ଯ୍ୟାନୁଷ୍ଠାନ ଆରମ୍ଭ ହୋଇଥିବା ମନ୍ତ୍ରୀ କହିଛନ୍ତି। ଯେଉଁ ଶିଳ୍ପାନୁଷ୍ଠାନ ଜାଗା ଜମି ମାଡିବସିଛନ୍ତି ତାହା ଉପରେ ମଧ୍ୟ କାର୍ଯ୍ୟାନୁଷ୍ଠାନ ହେବ ବୋଲି ସୁରେଶ କହିଛନ୍ତି।