ନୂଆଦିଲ୍ଲୀ,୧୨ /୦୨: ଗୁଗୁଲ ସିଇଓ ସୁନ୍ଦର ପିଚାଇ ପ୍ୟାରିସରେ ପରପ୍ଲେକ୍ସସିଟି ଏଆଇ ସହ ପ୍ରତିଷ୍ଠାତା ଅରବିନ୍ଦ ଶ୍ରୀନିବାସଙ୍କୁ ଭେଟିଛନ୍ତି । ପ୍ୟାରିସରେ ଆୟୋଜିତ ଏଆଇ ସମ୍ମିଳନୀରେ ଦୁଇଜଣଙ୍କର ସାକ୍ଷାତକାର ହୋଇଛି ।  ଦୁଇ ଚେନ୍ନାଇ ବୟଙ୍କ ଭେଟଗାଟକୁ ସୋସିଆଲ ମିଡିଆ ୟୁଜର୍ସ ବିଭିନ୍ନ ପ୍ରତିକ୍ରିୟା ପ୍ରକାଶ କରିଛନ୍ତି । କିଏ  'ଚେନ୍ନାଇ ବୟ' ଭେଟ୍ କହିଥିବା ବେଳେ କିଏ  ଭାରତୀୟ ବଂଶୋଦ୍ଭବ ସିଇଓ ବୋଲି କମେଣ୍ଟରେ କହିଛନ୍ତି ।

ଦୁଇ ହାଇପ୍ରୋଫାଇଲ ଭାରତୀୟ ବଂଶୋଦ୍ଭବଙ୍କର ଏହି ସାକ୍ଷାତକାରକୁ ନେଇ ସୋସିଆଲ ମଡିଆରେ ପ୍ରତିକ୍ରିୟା ପ୍ରକାଶ ପାଇଛି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ଫ୍ରାନ୍ସ ରାଷ୍ଟ୍ରପତି ଇମାନୁଏଲ ମାକ୍ରନଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏଆଇ ସମ୍ମିଳନୀରେ ଉଭୟ ସୁନ୍ଦର ପିଚାଇ ଓ ଅରବିନ୍ଦ ଶ୍ରୀନିବାସ ପ୍ୟାରିସରେ ସାମିଲ ହୋଇଥିଲେ । ସୋସିଆଲ ମିଡିଆ ଏକ୍ସରେ ପଟୋ ପୋଷ୍ଟ କରି  ସୁନ୍ଦର ପିଚାଇଙ୍କ ସହ ସାକ୍ଷାତକାର ନେଇ ଖୁସି ବ୍ୟକ୍ତ କରିଛନ୍ତି ପରପ୍ଲେକ୍ସସିଟି ଏଆଇ ସହ ପ୍ରତିଷ୍ଠାତା  ଅରବିନ୍ଦ  ଶ୍ରୀନିବାସ । ଉଭୟ ଫର୍ମାଲ ପୋଷାକରେ ନଜର ଆସିଥିଲେ । ଶ୍ରୀନିବାସ  ନାଲି ରଙ୍ଗର  ଟାଏ ଭିଡିଥିବାବେଳେ ସୁନ୍ଦର ବ୍ଲୁ ଟାଏ  ଭିଡିଥିବା ଦେଖିବାକୁ ମିଳିଛି ।  ମାତ୍ର କିଛି ଘଣ୍ଟା ମଧ୍ୟରେ ପୋଷ୍ଟଟିକୁ ୫ ଲକ୍ଷରୁ ଲୋକ ଦେଖି ବିଭିନ୍ନ କମେଣ୍ଟ  ଦେଇଛନ୍ତି ।

ଜଣେ ୟୁଜର୍ସ ଲେଖିଛନ୍ତି,  ଦୁଇ ଚେନ୍ନାଇ ବୟ ଏଆଇ ଦୁନିଆରେ ରାଜ କରୁଛନ୍ତି । ସେହିପରି ଆଉ ଜଣେ ୟୁଜର୍ସ ଲେଖିଛନ୍ତି ଚେନ୍ନାAI ଏକ୍ସପ୍ରେସ୍ । ସେହିପରି ଆଉ ଜଣେ ସୋସିଆଲ ମିଡିଆ ବ୍ୟବହାରକାରୀ ଲେଖିଛନ୍ତି 'ଚେନ୍ନାଇ ବୟ'  । ଅନ୍ୟ ଜଣେ ୟୁଜର୍ସ ଲେଖିଛନ୍ତି, ଚେନ୍ନାଇର ଦୁଇଜଣ  ସମଗ୍ର ବିଶ୍ବ ସନ୍ଧାନରେ ପ୍ରାଧାନ୍ୟ ବିସ୍ତାର କରିଛନ୍ତି ।

ସୁନ୍ଦର ପିଚାଇ ଓ ଶ୍ରୀନିବାସ ଦୁହେଁ ଚେନ୍ନାଇବାସିନ୍ଦା । ସୁନ୍ଦର ପିଚାଇଙ୍କ ଜନ୍ମ ମଦୁରାଇରେ ।  ଚେନ୍ନାଇରେ ତାଙ୍କ ପିଲା ଦିନ କଟିଛି । ଅରବିନ୍ଦ ଶ୍ରୀନିବାସଙ୍କ ଜନ୍ମ ମଧ୍ୟ ଚେନ୍ନାଇରେ । ଉଭୟ ଆଇଆଇଟିରୁ ପାଠ ପଢିଛନ୍ତି । ଶ୍ରୀନିବାସ ମଦୁରାଇରେ ପଢିଥିବାବେଳେ ସୁନ୍ଦର ପିଚାଇ ଆଇଆଇଟି ଖଡଗପୁରରୁ ପଢିଛନ୍ତି ।